[᭓᭓ 33B]
᭓᭓
ᬓᬲᬶᬤ᭄ᬥᬵᬦᬶᬂᬰᬶᬮᬳᬬᬸ᭞ᬲᬓᬢᬄᬦᬾᬓᬢ᭄ᬓᬦ᭄᭞ᬳᬾᬮᬶᬗᬂᬢᬂᬰᬶᬮᬬᬸᬓ᭄ᬢᬶ᭞ᬬᬧᬸᬦᬶᬓᬸ᭞ᬧ᭄ᬭᬥᬦᬦᬶᬂᬤᬤᬶᬚᬦ᭄ᬫᬵ᭟ᬧ᭄ᬭᬯᬺᬢᬶᬦᬶᬂᬯ᭄ᬯᬂᬤᬹᬃᬰᬶᬮᬵ᭞ᬳ
ᬧᬧᬶᬲᬥ᭄ᬬᬦᬶᬂᬫᬳᬸᬭᬶᬧ᭄᭞ᬭᬶᬂᬯᬶᬪᬵᬯᬫ᭄ᬯᬂᬓᬩᬶᬲᬦ᭄᭞ᬢᬦᬮᬗ᭄ᬕᭂᬂᬬᬧᬸᬦᬶᬓᬶ᭞ᬬᬦᭀᬭᬰᬶᬮᬵᬬᬸᬓ᭄ᬢᬶ᭞ᬬᬤᬶᬦ᭄ᬩ᭄ᬭᬳ᭄ᬫᬵᬡᬢ᭄ᬯᬳᬶᬓᬸ᭞ᬬᬦ᭄ᬤᬸᬃᬰᬶᬮᬵᬬ
ᬦᬶᬱ᭄ᬝᬵ᭞ᬚᬧᬶᬰᬸᬤ᭄ᬭᬰᬶᬮᬵᬍᬯᬶᬄ᭞ᬥᬃᬫ᭄ᬫᬢᬸᬳᬸ᭞ᬫ᭄ᬯᬂᬧᬶᬦᬸᬚᬵᬓᬶᬦᬪᬓ᭄ᬢ᭄ᬬᬦ᭄᭟ᬧ᭄ᬭᬯᬺᬢᬶᬳᬢᬸᬧᬸᬦᬶᬓᬵ᭞ᬲᬥᬦᬭᬸᬫᬓ᭄ᬱᬥᬃᬫ᭄ᬫᬶ᭞ᬬᬦᬶᬤᬲᬗ᭄ᬳ᭄ᬬᬂ
ᬅᬓ᭄ᬱᬭ᭞ᬚ᭄ᬜᬦᬧᬕᭂᬄᬳ᭄ᬬᬤᬤᬶ᭞ᬏᬓᬘᬶᬢ᭄ᬢᬲ᭄ᬥᬦᬦᬶᬂ᭞ᬓᬭᬓ᭄ᬱᬦᬶᬭᬧᬸᬦᬶᬓᬸ᭞ᬓᬸᬦᬂᬢᬶᬓᬦᬂᬭᬹᬧᬵ᭞ᬓᬭᬓ᭄ᬱᬤᬾᬦᬶᬂᬲᬶᬭᬤᬶᬦ᭄᭞ᬬᬦ᭄ᬯᭀᬂ
[᭓᭔ 34A]
ᬳᬕᬸᬂ᭞ᬓᬲᬸᬰᬶᬮᬦ᭄ᬦᬾᬓᬭᬓ᭄ᬱᬵ᭟ᬳᬸᬮᬄᬭᬳᬬᬸᬫᬓ᭄ᬭᬡ᭞ᬯᬗ᭄ᬰᬦᬾᬩᬶᬲᬫᬯᬮᬶ᭞ᬓᬯᬗᬦᬾᬧ᭄ᬘᬓ᭄ᬳᬶᬮᬂ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬧᬗ᭄ᬕᬶᬄ
᭞ᬲᬗ᭄ᬳ᭄ᬬᬂᬘᬢᬹᬃᬯᬾᬥᬢ᭄ᬯᬶ᭞ᬲᬗ᭄ᬳ᭄ᬬᬂᬲᬗ᭄ᬓ᭄ᬬᬵᬧᬹᬭᬡᬾᬓᬸ᭞ᬗᬍᬯᬶᬳᬂᬓᬯᬗ᭄ᬰᬦ᭄᭞ᬯ᭄ᬯᬂᬤᬹᬃᬰᬶᬮᬵᬦᭀᬭᬧᭀᬮᬶᬄ᭞ᬨᬮᬦᬶᬧᬸᬦ᭄᭞ᬲᬚᬯᬦᬶᬂ
ᬯ᭄ᬯᬂᬲᬸᬰᬶᬮᬵ᭟ᬢᬃᬯ᭄ᬦᬂᬓᬥᬂᬓᬸᬮᬵᬕᭀᬢ᭄ᬭ᭞ᬫᬢᬸᬮᬸᬂᬫᬗᭂᬦ᭄ᬢᬲᬦᬶᬂ᭞ᬲᬓᬾᬂᬓᬤᬸᬄᬓᬶᬢᬦᬶᬂ᭞ᬫᬶᬯᬄᬢᬂᬓᬲᬸᬕ᭄ᬬᬦᬼᬯᬶᬄ᭞ᬳ᭄ᬫᬵᬲ᭄ᬓ
ᬯᬗᬦ᭄ᬮᬦᬵᬚᬶ᭞ᬓᬯᬶᬃᬬ᭄ᬬᬦ᭄ᬮᬦ᭄ᬫᬦ᭄ᬢ᭄ᬭᬵᬳᬶᬓᬸ᭞ᬲᬮ᭄ᬯᬶᬃᬳᬶᬓᬵᬢᬦ᭄ᬲᬶᬤ᭄ᬥᬵ᭞ᬦᬗᬶᬂᬓᬲᬸᬰᬶᬮᬦ᭄ᬚᬢᬶ᭞ᬩᬶᬲᬦᬸᬮᬸᬂ᭞ᬫᬥᭂᬫᬂᬤᬸᬄᬓᬭᬶᬯ᭄ᬓ
Page:Bali-lontar-gaguritan-dharmmawisesa-02-350ppi.pdf/34
This page has been proofread.
