[᭓᭔ 34B]
᭓᭔
ᬲ᭄᭟ᬳᬦᬓ᭄ᬭᬫᬦᬶᬓᬂᬚᬦ᭄ᬫᬵ᭞ᬫᬯᬾᬳᬦᬸᬕ᭄ᬭᬳᬵᬍᬯᬶᬄ᭞ᬫᬗ᭄ᬕᬯᬾᬲᬸᬓᬦᬶᬂᬮᬭᬵ᭞ᬳᬾᬦᬓ᭄ᬫᬦᬄᬦᬶᬭᬯ᭄ᬬᬓ᭄ᬢᬶ᭞ᬤᬤ᭄ᬬᬳᬧᬸᬢ᭄ᬭᬯᬺᬤ᭄ᬥᬶ᭞ᬯ᭄ᬓ
ᬧᬓᬃᬬ᭄ᬬᬢ᭄ᬓᬾᬂᬧᬸᬢᬸ᭞ᬓᬢ᭄ᬓᬢ᭄ᬓᬾᬂᬯ᭄ᬦᬂᬯ᭄ᬦᬂ᭞ᬮᬦᬸᬮᬄᬦ᭄ᬬᬓᭀᬘᬧᬶᬂ᭞ᬚᬢᬶᬳᬬᬸ᭞ᬗ᭄ᬕᬯᬬᬲᬸᬓᬮᬦ᭄ᬥᬦ᭟ᬮᬾᬦ᭄ᬫᬗ᭄ᬓᬶᬦ᭄ᬓᬃᬫ᭄ᬫᬦᬶᬓᬂᬯ᭄ᬯᬂ᭞ᬧ᭄ᬭ
ᬤᬾᬫᬸᬲᬸᬳᬶᬭᬢ᭄ᬯᬶ᭞ᬮ᭄ᬯᬶᬃᬗᬶᬭᬓᬶᬭᬭᬶᬂᬳᬮᬵ᭞ᬲᬍᬫᬄᬮᬭᬧ᭄ᬭᬶᬳᬢᬶᬦ᭄᭞ᬢ᭄ᬓᬬᬵᬫᬦᬸᬦᬲ᭄ᬓᬦ᭄ᬢᬶ᭞ᬮᬯᬸᬢ᭄ᬓᬶᬘ᭄ᬙᬾᬦᬶᬦ᭄ᬧᬶᬢᬸᬮᬸᬂ᭞ᬳᬶᬓᬂᬓ᭄ᬭ
ᬫᬵᬫᬗ᭄ᬓᬦᬵ᭞ᬧᬸᬭᬸᬱᬵᬲᬢᬵᬓᬳᬭᬦᬶᬦ᭄᭞ᬲᬚᬦᬢᬸᬳᬸ᭞ᬯᬶᬰᬾᬱᬦᬶᬂᬯ᭄ᬯᬂᬧᬸᬦᬶᬓᬵ᭟ᬦ᭄ᬬᬂᬭᬶᬦᬶᬜ᭄ᬘᬶᬦᬶᬓᬂᬫᬶᬢ᭄ᬭᬵ᭞ᬯ᭄ᬯᬂᬳᬥᬕᬂ
[᭓᭕ 35A]
ᬩᬦ᭄ᬤᬾᬕᬵᬢ᭄ᬯᬶ᭞ᬫᬮᬶᬄᬬᬯᬦᬶᬚᬓᬃᬫ᭄ᬫᬵ᭞ᬫᬶᬢ᭄ᬭᬦᬶᬂᬯ᭄ᬯᬂᬮᬸᬗ᭄ᬳᬵᬢᬾᬓᬶ᭞ᬫᬶᬢ᭄ᬭᬦᬶᬂᬕᬺᬳᬱ᭄ᬝᬵᬢ᭄ᬯᬶ᭞ᬲ᭄ᬢ᭄ᬭᬶᬦᬶᬭᬬᬧᬸᬦᬶᬓᬸ᭞ᬬᬦᬶᬓᬂᬚᬦ᭄ᬫᬵᬮᬭ᭞ᬳ
ᬫᬶᬢ᭄ᬭᬩᬮ᭄ᬬᬦ᭄ᬫᬫᬶᬫᬫᬶ᭞ᬲᬂᬢᬫ᭄ᬩᬶᬲ᭄ᬮᬫ᭄ᬧᬸᬲ᭄᭞ᬥᬦᬩᬭᬾᬲ᭄ᬫᬶᬢ᭄ᬭᬦᬶᬭᬵ᭟ᬧᬸᬦᬶᬓᬵᬲᬂᬥᬦᬧᬸᬦ᭄ᬬ᭞ᬢᬦ᭄ᬩᬧᬳᬶᬩᬸᬦ᭄ᬬᬫᬸᬓ᭄ᬢᬶ᭞ᬨᬮᬦᬶᬂᬥ
ᬦᬧᬸᬦᬶᬓᬵ᭞ᬲᬂᬫᬗ᭄ᬕᬯᬾᬦᬾᬳᬫᬸᬓ᭄ᬢᬶ᭞ᬫᬗ᭄ᬓᬦᬮᬶᬂᬲᬂᬋᬱᬶ᭞ᬚᬦ᭄ᬫᬵᬦᬾᬢᬢᬦ᭄ᬫᬭᬸᬜᬸᬄ᭞ᬚ᭄ᬦᭂᬓᬾᬂᬥᬃᬫ᭄ᬫᬲᬥᬦᬵ᭞ᬬᬦ᭄ᬧᬕᭂᬄᬲᬶᬦᬄ
ᬳᬫᬗ᭄ᬕᬶᬄ᭞ᬢᬂᬭᬳᬬᬸ᭞ᬲᬫᬭᬶᬂᬨᬮᬦᬶᬂᬥᬦ᭟ᬓᬸᬦᬂᬨᬮᬦ᭄ᬢ᭄ᬬᬕᬥᬦ᭞ᬳᬸᬧᬪᭀᬕᬦᬾᬓᬧᬗ᭄ᬕᬶᬄ᭞ᬭᬶᬂᬢᬸᬢᬸᬃᬢ᭄ᬭᬕ᭄ᬬᬳᬾᬮᬶᬂ᭞ᬫᬭᬾᬂ
Page:Bali-lontar-gaguritan-dharmmawisesa-02-350ppi.pdf/35
This page has been proofread.
