[᭓᭘ 38B]
᭓᭗
ᬳᬸᬦᬶᬂᬫᬳᬸᬢ᭄ᬢᬫᬵ᭟ᬧ᭄ᬭᬢᬾᬓᬦᬶᬂᬲᬸᬩᬓᬵᬮᬳᬶᬓᬶ᭞ᬳᬦᬥᬓ᭄ᬱᬶᬡᬬᬦᬧᬸᬦᬶᬓᬵ᭞ᬢᬫ᭄ᬩ᭄ᬬᬦᬶᬂᬗᬶᬥᬸᬮ᭄ᬲᬹᬃᬬ᭄ᬬᬦᬾ᭞ᬉᬢ᭄ᬢᬭᬬᬦᬳᬶᬓᬸ᭞ᬓᬯᬶᬢ᭄ᬲᬹᬃ
ᬬ᭄ᬬᬗᬮᬾᬭᬂᬫᬫᬃᬕ᭄ᬕᬶ᭞ᬓᬂᬰᬥᬲᬶᬢᬶᬫᬸᬓᬵ᭞ᬮ᭄ᬯᬶᬃᬦᬶᬂᬕ᭄ᬭᬳᬵᬳᬶᬓᬸ᭞ᬲᬹᬃᬬ᭄ᬬᬘᬡ᭄ᬥ᭄ᬭᬯᬶᬰ᭄ᬯᬫᬰ᭞ᬓᬵᬮᬧᬸᬦᬶᬓᬵᬫᬗᬸᬦ᭄ᬥᬦᬢᬸᬳᬸᬩ᭄ᬘᬶᬓ᭄᭞ᬫᬨᬮᬫ
ᬳᬩᬭ᭟ᬢᬶᬓᬂᬥᬦᬫᬶᬢ᭄ᬯᬶᬩᭀᬩᭀᬢ᭄ᬳᬮᬶᬢ᭄᭞ᬓ᭄ᬮᬫᬸᬦ᭄ᬲᬭᬢ᭄ᬲᬂᬦᬢᬶᬫᬵ᭞ᬤᬤᬶᬳᬕᬸᬂᬨᬮᬦ᭄ᬜᬦᬾ᭞ᬬᬤ᭄ᬬᬧᬶᬦ᭄ᬫᬵᬚᬶᬮ᭄ᬬᬸ᭞ᬬᬦᬵᬦ᭄ᬢᬸᬓ᭄
ᬫᬶᬰᬾᬓᬜᬓᬶᬢᬶᬦ᭄᭞ᬦᬶᬱ᭄ᬨᬮᬢᬶᬓᬂᬥᬦ᭞ᬢᬦ᭄ᬲᬓᬾᬂᬳᬮᬶᬢᬕᬸᬂ᭞ᬗᬩᬕ᭄ᬥᬾᬘ᭄ᬦᬶᬓᬶᬂᬨᬮ᭞ᬫᬦᬹᬢ᭄ᬮᬫ᭄ᬧᬄᬫᬗᬶᬘ᭄ᬙᬾᬦ᭄ᬫᬮᬶᬄᬧᬶᬮᬶᬳᬶᬦ᭄᭞
[᭓᭙ 39A]
ᬢᬢᬲᬂᬓ᭄ᬭᬫᬦᬶᬓᬵ᭟ᬫ᭄ᬯᬄᬥᬦᬳᬚᬭᬶᬯᭀᬂᬢᬦᬵᬩ᭄ᬘᬶᬓ᭄᭞ᬳ᭄ᬤᬗᬚᬸᬫᬂᬕᬕᬸᬡᬦᬶᬂᬳᬯᬓ᭄᭞ᬳᬚᬦᬫ᭄ᬧᬶᬥᬦᬧᬯᬾᬄ᭞ᬲᬓᬾᬂᬯᭀᬂᬢᬦᬲᬥᬸ᭞
ᬭᬶᬂᬤᬹᬭᬘᬭᬤᬫᬓᬦ᭄ᬢᬶ᭞ᬫᬮᬶᬄᬬᬦ᭄ᬫᬭᬶᬂᬧᬸᬢ᭄ᬭᬵ᭞ᬳ᭄ᬦᬾᬲᬸᬤ᭄ᬥᬵᬘᬭᬯ᭄ᬭᬸᬄ᭞ᬫᬓᬾᬃᬢ᭄ᬢᬶᬳᬬᬸᬢᬸᬃᬧ᭄ᬭᬚ᭄ᬜᬦ᭄᭞ᬫᬭᬧᬵᬢᬹᬢ᭄ᬯᬾᬳᬶᬦ᭄ᬥᬦ᭞ᬮᬶᬂᬲᬂᬋ
ᬱᬶ᭞ᬦᭀᬭᬲᬩᬭᬗᬦ᭄ᬯᬂ᭟ᬲᬦᬾᬧᬵᬢᬹᬢ᭄ᬯᬾᬳᬶᬦ᭄ᬥᬦᬯ᭄ᬬᬓ᭄ᬢᬶ᭞ᬮ᭄ᬯᬶᬃᬲᬗᬬᬸᬫᬓᬾᬃᬢ᭄ᬢᬶᬭᬶᬂᬚᬕᬢ᭄᭞ᬯᭀᬂᬤᬭᬶᬤ᭄ᬭᬵᬓᬸᬭᬂᬢ᭄ᬥᬦᬾ᭞ᬲᬶᬂᬓᬮᬭᬦ᭄ᬯᭂᬮ
ᬲ᭄ᬳ᭄ᬬᬸᬦ᭄᭞ᬳᬕᬸᬂᬨᬮᬦᬾᬓᬶ᭞ᬓᬯ᭄ᬦᬗᬦ᭄ᬲᬂᬥᬦᬵ᭞ᬢᬦ᭄ᬩᬸᬮᬢᬶᬓᬵᬚᬸᬫ᭄᭞ᬫ᭄ᬯᬂᬢᬦ᭄ᬲᬓᬾᬂᬓᬢᬓᬸᬢᬦ᭄᭞ᬭᬶᬂᬳᬸᬡ᭄ᬥᬕᬶᬧᬗᬸᬧᬵ
Page:Bali-lontar-gaguritan-dharmmawisesa-02-350ppi.pdf/39
This page has been proofread.
