[᭓᭙ 39B]
᭓᭙
ᬓᬭᬵᬢᬦᬵᬫ᭄ᬭᬶᬄ᭞ᬬᬦᬓᬾᬢᭀᬤᬸᬤᬸᬥᬦᬵ᭟ᬦᬗ᭄ᬳᬶᬂᬬᬦ᭄ᬩᬫᬾᬩᬸᬦ᭄ᬬᬗᬶᬤᬶᬄ᭞ᬤ᭄ᬬᬲ᭄ᬢᬸᬳᬸᬭᬶᬧᬾᬧᬵᬢᬹᬢ᭄ᬲ᭄ᬭᬳᬂ᭞ᬳᬧᬦ᭄ᬬᬗᬤᬓᬂᬋᬓᬾᬤᬾᬦᬶᬂ
ᬕᭃᬂᬓᬾᬯᭂᬄᬳᬶᬧᬸᬦ᭄᭞ᬲᬶᬦᬦ᭄ᬥᬂᬤᬸᬓ᭄ᬭᬶᬂᬕᬃᬪᬵᬗᬹᬦᬶ᭞ᬲᬓᬜ᭄ᬘᬦᬶᬂᬧ᭄ᬬᬸᬢᬂ᭞ᬢᬦ᭄ᬲᬶᬤ᭄ᬥᬵᬬᬢᬶᬦᬯᬸᬃ᭞ᬚᬧᬶᬯᬦᭂᬂᬲᬢᬸᬲ᭄ᬢᬶᬩᬦ᭄᭞ᬦᭀᬭᬧᬸᬧᬸᬢ᭄ᬧᬦ
ᬯᬸᬭᬦᬶᬭᬲᬫᬶ᭞ᬳ᭄ᬤᬢᬸᬮᬓ᭄ᬭᬶᬂᬭᬭᬵᬫ᭟ᬳᬚᬫᬯᬾᬄᬭᬶᬂᬲᬂᬲᬸᬕᬶᬄ᭞ᬲᬂᬤᬭᬶᬤ᭄ᬭᬵᬧᬵᬢᬹᬢ᭄ᬯᬾᬳᬶᬦ᭄ᬥᬦ᭞ᬲᬗᬕ᭄ᬭᬶᬂᬢᬫ᭄ᬩᬦᬶᬦ᭄ᬋᬓᬾ᭞ᬬᬦ᭄ᬫᬭᬶᬂᬯᬭᬲᬶᬓᬸ᭞ᬢ
ᬦ᭄ᬭᬶᬦᬱᬢᬫ᭄ᬩᬫᬦ᭄ᬥᬶ᭞ᬳᬚᬵᬯᬾᬄᬭᬶᬂᬢᬦ᭄ᬫᬶᬦ᭄ᬢᬵ᭞ᬤᬤᬶᬳᬭᬦᬶᬧᬸᬦ᭄᭞ᬲᬶᬦᬺᬲᬗ᭄ᬰᬯᬶᬰᬾᬱᬦᬶᬂᬥᬃᬫ᭄ᬫᬵ᭞ᬫᬗ᭄ᬤᬾᬦᭀᬭᬲᬧᬸᬦᬶᬓᬦᬾᬓᬧᬗ᭄ᬕᬶᬄ᭞
[᭔᭐ 40A]
ᬳᬸᬮ᭄ᬬᬦᬶᬂᬥᬦᬧᬸᬦᬶᬓᬵ᭟ᬬᬦᬶᬂᬳᬦᬯ᭄ᬯᬂᬜᬾᬯᬓᬵᬗᬶᬤᬶᬄ᭞ᬳᬚᬢᬸᬮᬓ᭄ᬭᬶᬂᬯ᭄ᬯᬂᬫᬗ᭄ᬓᬵᬦ᭞ᬚᬯᬢᬶᬂᬯ᭄ᬯᬂᬘᬡ᭄ᬥᬮᬚ᭄ᬮᬾᬓ᭄᭞ᬳ᭄ᬤᬕ᭄ᬥᭂᬤ᭄ᬢᬸᬃᬫᬦᬸᬦ᭄ᬤᬸᬂ᭞
ᬧ᭄ᬭᬤᬾᬬᬦᬶᬱ᭄ᬝᬘᬶᬘᬶᬂᬕᬸᬤᬶᬕ᭄᭞ᬦᭀᬭᬢᬢᬦ᭄ᬫᬨᬮᬵ᭞ᬥᬦᬦᬾᬧᬸᬦᬶᬓᬸ᭞ᬳᬲᬮ᭄ᬧᬦ᭄ᬢᭂᬲ᭄ᬩᬵᬦ᭄ᬦᬶᬯᬓᬂ᭞ᬯ᭄ᬦᬂᬫᬦᬸᬮᬸᬂᬭᬶᬲᬂᬓᬮᬭᬦ᭄ᬲ᭄ᬤᬶᬄ᭞ᬮᬫᬸᬦ᭄ᬬ
ᬦᬕᬶᬄᬢᬸᬮᬸᬗᬦ᭄᭟ᬚᬯᬢ᭄ᬦᬾᬫᬦᬲᬶᬲᬭᬶᬲᬭᬶ᭞ᬫᬶᬯᬳᬶᬂᬯ᭄ᬯᬂᬫ᭄ᬮᬓᬸᬫᬶᬦ᭄ᬢᬥᬦ᭞ᬮᬦᬶᬂᬯ᭄ᬯᬂᬓᬯ᭄ᬮᬲᬃᬱᬦᬾ᭞ᬲᬫᬵᬓᬮᬯᬦᬶᬂᬕᬸᬭᬸ᭞ᬫᬚᬃᬥᬃᬫ᭄ᬫᬵ
ᬲᬂᬫᬯᬾᬄᬢᬾᬓᬶ᭞ᬫᬮᬦᬾᬋᬋᬤ᭄ᬲᬤᬶᬦᬵ᭞ᬲᬓᬤᬶᬯ᭄ᬯᬂᬫᬲᬸᬮᬸᬄ᭞ᬭᬶᬫ᭄ᬓᬵᬫᬮᬯᬢᬭᬹᬧᬵᬦᬶᬲ᭄᭞ᬫᬮᬳᬶᬮᬂ᭞ᬤᭀᬦᬶᬂᬲᬵᬫ᭄ᬧᬸᬦ᭄ᬓᬢᭀᬦ᭄
Page:Bali-lontar-gaguritan-dharmmawisesa-02-350ppi.pdf/40
This page has been proofread.
