This page has been proofread.
[᭔᭓ 43B]
᭔᭔
ᬦᬗ᭄ᬳᬶᬂᬲᬂᬲᬵᬫᬧᬸᬦ᭄ᬧᬸᬢᬸᬲ᭄᭞ᬫᬕᬯᬬᬵᬥᬃᬫ᭄ᬫᬮᬦ᭄ᬓᬾᬃᬢ᭄ᬢᬶ᭞ᬲᬸᬓᬲᬶᬭᬫᬗᬦ᭄ᬢ᭄ᬬᬵ᭞ᬢᬶᬓᬦᬂᬫᬺᬢ᭄ᬬᬸ᭞ᬓᬤᬶᬍᬕᬦᬾᬫᬗᬦ᭄ᬢ᭄ᬬᬂ᭞ᬨᬮ
ᬦ᭄ᬬᬱᬦᬾᬗᬯᬗᬸᬦ᭄ᬳᬶᬲ᭄ᬢᬵᬍᬯᬶᬄ᭞ᬲᬸᬓᬢ᭄ᬓᬦᬶᬂᬧᬢᬶᬦ᭄ᬬᬵ᭟ᬳᬶᬓᬂᬯ᭄ᬯᬂᬳᬦᬾᬫᬗ᭄ᬓᬶᬦ᭄ᬫᬧᬓᬃᬤ᭄ᬥᬶ᭞ᬗ᭄ᬕᬯᬾᬦᬶᬦ᭄ᬢᬶᬓᬂᬥᬃᬫ᭄ᬫᬵᬲᬥᬦᬵ᭞
ᬳᬧᬓ᭄ᬭᬡᬢᬶᬗ᭄ᬓᬄᬜᬦᬾ᭞ᬤᬤ᭄ᬬᬳᬦᬓᬢᬸᬭᬸ᭞ᬧᬢ᭄ᬬᬫᬭᬾᬂᬳᭂᬩᭂᬢ᭄ᬧᬸᬦᬶᬓᬶ᭞ᬦ᭄ᬭᬓᬮᭀᬓᬵᬓᬪᬹᬓ᭄ᬢ᭄ᬬᬵ᭞ᬳᬦᬯ᭄ᬯᬂᬫ
ᬯᬾᬄᬲ᭄ᬓᬸᬮ᭄᭞ᬲᬓᬾᬂᬩᬦ᭄ᬬᬫᬦᬸᬬᬸᬳᬂ᭞ᬫᬲᬸᬯᬸᬦᬦ᭄ᬢᬦ᭄ᬗᬲᬾᬦ᭄ᬓᭂᬜᭂᬮ᭄ᬤᬶᬫᬃᬕ᭄ᬕᬶ᭞ᬨᬮᬳᬕᭂᬂᬓᬧᬗ᭄ᬕᬸᬳᬵ᭟ᬫᬗ᭄ᬓᬶᬦ᭄ᬯᬦ᭄ᬢᭂᬦᬸᬮᬄᬳᬶ
[᭔᭔ 44A]
ᬓᬂᬚᬦ᭄ᬫᬶ᭞ᬳᬶᬢᬶᬯᬲ᭄ᬩ᭄ᬭᬕ᭄ᬳᬕᬸᬗᬶᬂᬧᬓᬾᬯᭂᬄ᭞ᬢᬦ᭄ᬳᬸᬦᬶᬂᬗᬮᬶᬄᬲᬗᬸᬦᬾ᭞ᬬᬦ᭄ᬲᭂᬤᬸᬓ᭄ᬓᬲᬭᬸᬲᬭᬸ᭞ᬤᬤ᭄ᬬᬧᬹᬃᬡ᭄ᬦᬦᭀᬭᬦᬓᬭᬶ᭞ᬬᬦᬵ
ᬦᬫᬯᬾᬄᬪᭀᬕᬵ᭞ᬳᬶᬮᬂᬲ᭄ᬥᬸᬓᬶᬧᬸᬦ᭄᭞ᬩᬦ᭄ᬓᬶᬫᬸᬤᬾᬫᬓ᭄ᬭᬡᬵ᭞ᬦᭀᬭᬓ᭄ᬱᬫᬾᬦ᭄ᬳᬬᬸᬦᬶᬲ᭄ᬫᬭᬾᬂᬪᬹᬫᬶ᭞ᬓᬢ᭄ᬓᬦᬶᬂᬬᬵᬭᬶᬯ᭄ᬓᬲ᭄᭟ᬳᬦ
ᬥᬦᬫᬗ᭄ᬕᬯᬾᬬᬵᬢᬺᬧ᭄ᬢᬶ᭞ᬳᬃᬱᬦᬶᬂᬫᬯᬾᬄᬮᬦ᭄ᬲᬂᬯᬶᬦᬾᬳᬦ᭄᭞ᬚᬦ᭄ᬢᭂᬦ᭄ᬓᬤᬶᬧᬕᬯᬾᬦᬾ᭞ᬫᬮᬶᬄᬯ᭄ᬯᬗᬮᬭᬲᬸᬗ᭄ᬲᬸᬢ᭄᭞ᬧᬶᬢᬸᬮᬸᬂᬳᬶᬓᬵ
ᬥᬦᬦᬾᬍᬯᬶᬄ᭞ᬯ᭄ᬯᬂᬓᬍᬲᭀᬦ᭄ᬫᬭᬃᬬ᭄ᬬᬦ᭄᭞ᬢᬶᬓᭂᬄᬓᬲᬸᬭᬾᬮᬸᬯᬸᬂ᭞ᬯ᭄ᬯᬂᬓᬲᬢᬦ᭄ᬯᬶᬦᬾᬄᬢᭀᬬᬵ᭞ᬲᬗᬮᬧᬵᬧᬵᬢᬹᬢᬾᬦᬲᬶᬬᬯᬾ
