This page has been proofread.
[᭔᭔ 44B]
᭔᭕
ᬳᬶᬦ᭄᭞ᬥᬦᬳᬦᬹᬢᬶᬂᬲᬕᬸᬡ᭟ᬯ᭄ᬦᬂᬬᬵᬕᬶᬦᬯᬾᬳᬸᬮᬢᬫᬦᬶᬲ᭄᭞ᬯᬸᬯᬸᬲᬾᬦᬓ᭄ᬲᬸᬓᬵᬋᬡᬵ᭞ᬦᬲᬶᬧ᭄ᬭᬥᬂᬧᬦᬫ᭄ᬬᬸᬦᬾ᭞ᬲᬳᬥᬭ
ᬤᬶᬦᬸᬮᬸᬃ᭞ᬬᬦᬶᬂᬲᬂᬧ᭄ᬭᬚ᭄ᬜᬦ᭄ᬧ᭄ᬭᬥᬂᬲᬫᬶ᭞ᬲᬫ᭄ᬧᬸᬫ᭄ᬮᬦ᭄ᬧᬗᬶᬦᬗᬦ᭄᭞ᬫᬶᬯᬄᬢᭀᬬᬫᬶᬦᬸᬫ᭄᭞ᬫᬦᬶᬲᬮᬸᬲᬶᬓᬂᬰᬩ᭄ᬥᬵ᭞ᬲᬢ᭄ᬬᬧᬕᭂᬄᬥᬃᬫ᭄ᬫ
ᬦᬶᬂᬧᬯᬺᬢᬶᬚᬢᬶ᭞ᬢᬦ᭄ᬫᬭᬶᬂᬭᬶᬲᬂᬲᬚᬦ᭟ᬬᬦᬵᬦᬯ᭄ᬯᬂᬢᬦ᭄ᬫᬸᬘᬸᬓᬂᬭᬶᬳᬶᬦ᭄᭞ᬤᬾᬯᬯᭀᬗᬢ᭄ᬯᬵ᭞ᬢᬫ᭄ᬬᬸᬳᬦᬓ᭄ᬳᬢᬸᬭᬶᬦ᭄ᬫᬮᬸᬫᬗ
ᬦᬾ᭞ᬓᬂᬳᬦᬾᬂᬳᬸᬫᬄᬳᬶᬧᬸᬦ᭄᭞ᬢᬶᬓᬤᬸᬮᬸᬳᬸᬮᬳᬶᬂᬚᬦ᭄ᬫᬶ᭞ᬭᬓ᭄ᬱᬲᬧᬥᬦᬶᬭ᭞ᬳᬧᬦ᭄ᬬᬵᬢᬢᬦ᭄ᬯ᭄ᬭᬸᬄ᭞ᬭᬶᬂᬳ᭄ᬬᬂᬯᬲ᭄ᬢ᭄ᬬᬓᬭᬫᬦ᭄ᬢ᭄ᬭᬵ᭞
[᭔᭕ 45A]
ᬦᭀᬭᬫᬦᬸᬢ᭄ᬓ᭄ᬭᬫᬦᬶᬂᬤᬾᬯᬵᬮᬶᬦᭂᬯᬶᬄ᭞ᬳᬶᬓᬵᬳᬬ᭄ᬯᬫᬦᬸᬮᬤ᭄᭟ᬢᬦ᭄ᬯᭂᬦᬂᬦᬸᬗ᭄ᬕᬮᬂᬍᬕᬦᬵᬢᬶ᭞ᬭᬶᬲᬭᬶᬦ᭄ᬭᬱᬦᬵᬚᭂᬂᬳᬚᭂᬗᬦ᭄᭞ᬢ
ᬦ᭄ᬯᭂᬦᬂᬦᬸᬗ᭄ᬕᬮᬂᬕᬯᬾ᭞ᬥᬬᬦ᭄ᬓᬥᬗᬾᬳᬶᬦ᭄ᬢᬸ᭞ᬢᬦ᭄ᬯᭂᬦᬂᬦᬸᬗ᭄ᬕᬮᬭᬶᬂᬫᬃᬕ᭄ᬕᬶ᭞ᬮᬯᬦ᭄ᬫᬮᬶᬄᬢᬦ᭄ᬯᭂᬦᬂ᭞ᬫᬜ᭄ᬮᬕ᭄ᬬᬵᬩᬗᬸᬦ᭄᭞ᬭᬶᬓᬵᬮᬦᬶᬂ
ᬳᬦᬓ᭄ᬦᬶᬤ᭄ᬭᬵ᭞ᬢᬦ᭄ᬓᬲᬶᬤ᭄ᬥᬵᬦᬶᬂᬢ᭄ᬭᬸᬲ᭄ᬫᬗ᭄ᬕᬶᬄᬬᬵᬩ᭄ᬘᬶᬓ᭄᭞ᬲᬗ᭄ᬓᬧᬗ᭄ᬕᬸᬳᬶᬭᬵ᭟ᬳᬦᬳ᭄ᬬᬯ᭄ᬯᬂᬓ᭄ᬭᬫᬦ᭄ᬬᬫᬗ᭄ᬓᬶᬦ᭄᭞ᬢᬦ᭄ᬲᬧᬓᭀᬦ᭄ᬭᬫᬫ᭄ᬯᬂᬭᬾᬡ᭞
ᬲᬧᬶᬦᬗᬦᬶᬭᬋᬓᬾ᭞ᬢᬦᬶᬦᬬᬧ᭄ᬧᬸᬦᬶᬓᬸ᭞ᬤᬾᬦᬶᬂᬲᬂᬭᬵᬫᬭᬾᬡᬲᬫᬶ᭞ᬳᬶᬓᬂᬢᬶᬦᬥᬳᬶᬭ᭞ᬰᬾᬱᬦᬶᬂᬢ᭄ᬥᬦᬶᬧᬸᬦ᭄᭞ᬬᬬᬄᬳᬶᬪᬸᬫᬮᬸ
