[᭕᭓ 53B]
᭕᭓
ᬲᬗ᭄ᬳᬵ᭞ᬫᬸᬗ᭄ᬕᭂᬮᬶᬦᬶᬦ᭄ᬤ᭄ᬭᬶᬬᬦ᭄ᬬ᭞ᬳᬸᬧᬯᬰᬦᬾᬓᬲ᭄ᬩᬸᬢ᭄᭞ᬦᬢᬲᬂᬧᬢ᭄ᬫᬸᬦᬶᬂᬢᬸᬗ᭄ᬕᬮ᭄᭟ᬩ᭄ᬭᬢᬫᭀᬦᬦ᭄ᬤᬢᬦᬵᬗ᭄ᬮᬶᬂ᭞ᬲ᭄ᬦᬦᬢ᭄ᬭᬶᬲᬡ᭄ᬥ᭄ᬬᬰᬾᬯᬦᬵ᭞ᬫᬤ᭄ᬬᬸ
ᬲ᭄ᬲᬩᬶᬮᬂᬲᭀᬭᬾ᭞ᬧᬸᬢᬸᬲ᭄ᬲᬵᬫ᭄ᬧᬸᬦ᭄ᬤ᭄ᬯᬂᬤᬰᬵ᭞ᬧᬸᬦᬶᬓᬵᬮᬓ᭄ᬱᬡᬬᬂ᭞ᬬᬤᬶᬦ᭄ᬲᭂᬗ᭄ᬓᬵᬬᬤᬶᬦᬾᬯᬸᬄ᭞ᬳᬧᬦ᭄ᬫᬨᬮᬵᬉᬢ᭄ᬢᬫᬵ᭟ᬲᬮ᭄ᬯᬶᬃᬧᬕᬯᬾᬦᬾᬫ
ᬮᬶᬄ᭞ᬥᬃᬱᬦᬳᬶᬦ᭄ᬲᬃᬯ᭄ᬯᬥᬃᬫ᭄ᬫᬵ᭞ᬢᬸᬃᬧᬶᬓᭀᬮᬶᬄᬧᬕᬯᬾᬦᬾ᭞ᬧᬸᬦᬶᬓᬧᬶᬦᬭᬄᬢᬶᬕᬵ᭞ᬳᬧᬂᬬᬢ᭄ᬦᬫᬗᭂᬤᬸᬫᬂ᭞ᬬᬦ᭄ᬫᬶᬲᬥ᭄ᬬᬫᬗ᭄ᬕᬶᬄᬳᬬᬸ᭞ᬓᬾᬦᬾ
ᬢᬶᬗ᭄ᬓᬳᬾᬗᭂᬧᬳᬂ᭟ᬳᬩᬕᬶᬳᬗ᭄ᬕᭀᬦ᭄ᬜᬮᬭᬶᬦ᭄᭞ᬜᬸᬚᬸᬭᬂᬩ᭄ᬯᬢ᭄ᬓᬥᬃᬫ᭄ᬫᬦ᭄᭞ᬦᬾᬫᬮᬶᬄᬳᬩᬕᬶᬋᬓᭀ᭞ᬲᬥᬦᬦ᭄ᬢᬜᬸᬓᬦᬶᬯ᭄ᬯᬂ᭞ᬳᬧᬂ
[᭕᭔ 54A]
ᬚᬦᬵᬦᬸᬭᬕᬵ᭞ᬳᬦᬾᬩᬕᬶᬳᬧᬂᬧᬵᬢᬹᬢ᭄᭞ᬚᬮᬭᬦ᭄ᬬᬫᬦᭂᬫ᭄ᬩᬳᬵ᭟ᬤᭀᬦᬶᬂᬧᬓᬃᬤ᭄ᬥᬶᬦ᭄ᬳᬶᬲᬸᬕᬶᬄ᭞ᬬᬦ᭄ᬫᬲᬥᬦᬓᬥᬃᬫ᭄ᬫᬦ᭄᭞ᬬᬳᬶᬓᬸᬮᬪ
ᬳᬭᬦᬾ᭞ᬲᬸᬓᬲᬸᬕᬶᬄᬢᬶᬦ᭄ᬫᬸᬦᬶᬭᬵ᭞ᬬᬦᭀᬭᬲᬫᬗ᭄ᬓᬦᬵ᭞ᬓᬲ᭄ᬫᬮᬳᬶᬓᬸᬲᬶᬦᭂᬗ᭄ᬕᬸᬄ᭞ᬳᬚᬮᬾᬫ᭄ᬧᬲ᭄ᬭᬶᬂᬓᬥᬃᬫ᭄ᬫᬦ᭄᭟ᬳᬦᬓᬃᬫ᭄ᬫᬦᬶᬂᬯ᭄ᬯᬂᬫᬮᬶᬄ᭞ᬦ᭄ᬤᬢ
ᬦ᭄ᬲᬸᬤ᭄ᬥᬶᬫᬭᬾᬂᬥᬃᬫ᭄ᬫᬵ᭞ᬲᭀᬓ᭄ᬭᬶᬂᬅᬃᬣᬢᬼᬩ᭄ᬕᬯᬾᬦᬾ᭞ᬧᬶᬲᬤ᭄ᬬᬦ᭄ᬜᬢᬶᬓᬂᬅᬃᬣ᭞ᬳᬗ᭄ᬕᬾᬦ᭄ᬜᬸᬚᬸᬭᬂᬥᬃᬫ᭄ᬫᬵ᭞ᬬᬦᬓᬾᬢᭀᬳ᭄ᬤᬫᬜᬸᬚᬸᬃ᭞ᬲᬓ᭄ᬱᬢ᭄ᬫ
ᬗᬫ᭄ᬩᬳᬶᬂᬫᬮᬵ᭟ᬲᬓᬜ᭄ᬘᬦᬶᬂᬲᭀᬘᬲᬫᬶ᭞ᬲᭀᬘᬦ᭄ᬢᬶᬬᬶᬂᬲᭀᬘᬦ᭄ᬚᬓ᭞ᬲᭀᬘᬦ᭄ᬓᬬᬸᬮᬦ᭄ᬢᭂᬩᬸᬦᬾ᭞ᬦᬾᬫᭂᬳᬚᬶᬲᭀᬘᬫᬶᬭᬄ᭞ᬢ᭄ᬯᬶᬧᬢᬸᬄ
Page:Bali-lontar-gaguritan-dharmmawisesa-02-350ppi.pdf/54
This page has been proofread.
