This page has been proofread.
[᭕᭔ 54B]
᭕᭔
ᬧᬥᬲᭀᬘ᭞ᬩᬶᬦᬓᬉᬢ᭄ᬢᬫᬦᬶᬧᬸᬦ᭄᭞ᬫᬗ᭄ᬓᬦᬳᬶᬓᬂᬓᬲᬸᬕ᭄ᬬᬦ᭄᭟ᬬᬦᬵᬃᬣᬳᭀᬮᬶᬄᬲᬗ᭄ᬓᬦᬶᬂ᭞ᬫᬢᬸᬗ᭄ᬓᬲ᭄ᬫᬶᬯᬄᬗᬸᬧᬬᬵ᭞ᬫᬮᬶᬄᬲᬓᬶᬂᬜᬓᬶᬢᬶ
ᬦ᭄ᬋᬓᬾ᭞ᬫᬶᬯᬄᬲᬓᬬᬵᬳᬢᬸᬭᬦ᭄᭞ᬰᬢ᭄ᬭᬸᬲᬦᬾᬓᬸᬘᬶᬯᬵ᭞ᬲᬕᬸᬗᬶᬂᬅᬃᬣᬧᬸᬦᬶᬓᬸ᭞ᬳ᭄ᬤᬚ᭄ᬯᬫᬗ᭄ᬤᭀᬢᬂ᭟ᬬᬤᬶᬦ᭄ᬲᬂᬫᬯᬗ᭄ᬰᬍᬯᬶᬄ᭞ᬬᬦ᭄ᬬᬗ᭄ᬤᭀ
ᬢᬂᬓᬲᬸᬕᬶᬳᬦ᭄᭞ᬳᭀᬮᬶᬳᬶᬂᬭᬡᬦᬾ᭞ᬳᬶᬮᬂᬓᬧ᭄ᬭᬚ᭄ᬜᬦᬦᬶᬭᬵ᭞ᬳᬦ᭄ᬢᬸᬓᬶᬂᬓᬮᭀᬪᬦᬶᬭ᭞ᬬᬦ᭄ᬧ᭄ᬭᬚ᭄ᬜᬦᬾᬳᬶᬂᬲᬵᬫ᭄ᬧᬸᬦ᭄᭞ᬰ᭄ᬭᬷᬮ
ᬦ᭄ᬯᬶᬪᬯᬦᬾᬰᬶᬃᬡ᭄ᬦ᭟ᬢᬶᬕᬧᬶᬓᭀᬮᬶᬳᬾᬂᬉᬭᬶᬧ᭄᭞ᬥᬃᬫ᭄ᬫᬵᬅᬃᬣᬮᬯᬦ᭄ᬓᬫᬵ᭞ᬥᬃᬫ᭄ᬫᬢ᭄ᬕᭂᬲᬶᬭᬋᬓᭀ᭞ᬢᬦ᭄ᬲᬄᬗ᭄ᬕᬯᬾᬢ᭄ᬕᭂᬲᬶᬂᬯ᭄ᬯᬂ᭞ᬅᬃᬣᬲᬸᬕᬶᬄᬢᬹᬃ
[᭕᭕ 55A]
ᬥᬦ᭞ᬓᬫᬦᬾᬦᬸᬭᬕᬦᬸᬮᬸᬲ᭄᭞ᬗ᭄ᬕᬯᬾᬲᬸᬓᬢᬺᬱ᭄ᬡᬦᬶᬂᬯ᭄ᬯᬂ᭟ᬳ᭄ᬤᬗᬸᬢᬂᬫᬰᬲᬳᬶ᭞ᬗᬮᬶᬄᬧᬶᬓᭀᬮᬶᬳᬾᬢᬶᬕᬵ᭞ᬥᬃᬫ᭄ᬫᬅᬃᬣᬮᬦ᭄ᬓᬫᬦᬾ᭞ᬳᬧᬂ
ᬚᬦᬩᬵᬦ᭄ᬜᬮᬦᬂ᭞ᬳ᭄ᬦᬾᬧᬵᬢᬹᬢ᭄ᬧᬸᬘᬸᬓᬂ᭞ᬤᬶᬳᬶᬤᬸᬧᬾᬤᬓᬢᬸᬗ᭄ᬓᬸᬮ᭄᭞ᬢᬓᬸᬢ᭄ᬓᬲᬾᬧ᭄ᬕᭂᬮᬶᬲᬦ᭄ᬧ᭄ᬚᬄ᭟ᬲᬂᬢᬦ᭄ᬫᬤ᭄ᬯᬾᬧᬓᬾᬃᬢ᭄ᬢᬶ᭞ᬓᬲᬶᬤ᭄ᬥᬵᬦᬶᬂᬥᬃᬫ᭄ᬫᬵ
ᬅᬃᬣ᭞ᬓᬫᬵᬫᬶᬯᬄᬓᬫᭀᬓ᭄ᬱᬦᬾ᭞ᬳᬗᭂᬦ᭄ᬫᬭᬾᬂᬓᬳᬸᬭᬶᬧᬦ᭄᭞ᬲᬢᬢᬗᬶᬗᬸᬳᬯᬓ᭄᭞ᬲᬸᬩᬫᭀᬓᭀᬄᬧᬘᬂᬓᬵᬢᬸᬃ᭞ᬭᬶᬂᬳᬶᬤᬲᬂᬓᬮ
ᬦ᭄ᬢᬓᬵ᭟ᬲᬗ᭄ᬓᬦ᭄ᬓᬲᬸᬕ᭄ᬬᬦᬾᬚᬦᬶ᭞ᬢᬶᬗ᭄ᬕᬮᬂᬧᬵᬢᬹᬢ᭄ᬥᬦᬬᬂ᭞ᬧᬶᬮᬶᬄᬧᬶᬮᬶᬄᬫᬲᬶᬄᬫᬯᬾᬄ᭞ᬓᬬᬾᬓᬪᭀᬕᬧᬪᭀᬕ᭞ᬮᬦ᭄ᬲᬮ᭄ᬯᬶᬭᬦᬶᬂ
