[᭓᭒ 32B]
᭓᭒
ᬦᬹᬢ᭄ᬢᭂᬓᬾᬦᬶᬂᬮᬓ᭄ᬱᬡ᭟ᬧᬶᬤᬩ᭄ᬤᬩ᭄ᬤᬩᬶᬫᬹᬃᬓᬩ᭄ᬯᬶᬦ᭄᭞ᬧ᭄ᬮᬶᬄᬜᬬᬗᬂᬧ᭄ᬬᬦᬓ᭄᭞ᬓᬬᬂᬓ᭄ᬮᬶᬄᬫᬕᬦ᭄ᬤᭀᬗᬾᬫᬾᬲᬶᬗ᭄ᬳᬮ᭄ᬢᬦ᭄ᬦᬧᬓ᭄ᬢᬦᬄ᭞ᬢ᭄ᬯᬭᬩᬳᬂᬫᬳᬗ᭄ᬕᬸᬭᬦ᭄᭞ᬫᬶᬯᬄᬫᬧᬳᬸᬭᬸᬓ᭄᭞
ᬧ᭄ᬭᬕᬢ᭄ᬩᭂᬮᭀᬕᬾᬓᬢᭂᬧᬸᬓ᭄᭞ᬧᬬᬸᬲᬗ᭄ᬲᬭᬢᬶᬩᬦᬦ᭄᭟ᬧᬢᬹᬢ᭄ᬧ᭄ᬬᬦᬓᬾᬘ᭄ᬦᬶᬂ᭞ᬤᬶᬳ᭄ᬦᬸᬘ᭄ᬦᬶᬓᬶᬧ᭄ᬬᬦᬓ᭄᭞ᬫᬭᬩᬶᬲᬫᬢᬶᬦ᭄ᬤᬓᬦ᭄᭞ᬳᭂᬫ᭄ᬧᬸᬘᬭᬭᬵᬚᬧᬸᬢ᭄ᬭ᭞ᬦᬾᬜᬶᬹᬗᭂᬫ᭄ᬧᬸᬘᬭᬓ
ᬯᬸᬮ᭞ᬢᬸᬳᬸᬢᬂᬲᬓ᭄ᬦᭂᬳᬶᬧᬸᬦ᭄᭞ᬧᬗ᭄ᬤᬫᬘᬭᬫᬗᭀᬤ᭟ᬬᬦ᭄ᬲᬸᬩᬫᬓ᭄ᬢᬸᬲ᭄ᬕᬶᬕᬶ᭞ᬳᬸᬭᬸᬓᬂᬫ᭄ᬮᬚᬄᬲᬲ᭄ᬢ᭄ᬭ᭞ᬓᬮᬶᬄᬲᬸᬰᬶᬮᬵᬕᬫᬦᬾ᭞ᬉᬢ᭄ᬲᬳᬬᬂᬤᬮᬾᬗᬬᬂ᭞ᬬᬦ᭄ᬲᬸᬩᬓᬾᬢᭀ
ᬩᬳᬦ᭄᭞ᬧ᭄ᬬᬦᬓᬾᬚ᭄ᬫᭂᬢ᭄ᬫᬗᭂᬢᬹᬢ᭄᭞ᬦᬾᬫᬤᬦ᭄ᬥᬃᬫ᭄ᬫᬲᬸᬰᬷᬮ᭟ᬩᬓ᭄ᬢᬶᬢ᭄ᬓᬾᬦ᭄ᬕᬸᬭᬸᬩᬶᬩᬶ᭞ᬳᬶᬗᭂᬢ᭄ᬢᭂᬓᬾᬦ᭄ᬓᬫᬵᬦᬸᬱᬦ᭄᭞ᬓ᭄ᬭᬗ᭄ᬲᬸᬓᬦ᭄ᬩᬸᬤ᭄ᬥᬶᬲᬢ᭄ᬯᬫᬾ᭞ᬤ᭄ᬫᭂᬦ᭄ᬗᬃᬤ᭄ᬥᬶᬓᬭᬳᬬ᭄ᬯᬦ᭄᭞ᬭᬭᬫᬓ᭄ᬦᬓ᭄ᬭᬶ᭠
[᭓᭓ 33A]
ᬢᬶᬲᬦ᭄᭞ᬯᬶᬪᬯᬦᬾᬤᬤᬶᬢᬸᬫ᭄ᬩᬸᬄ᭟ᬮᬭᬧᬦᬶᬧᬸᬦᬶᬧ᭄ᬬᬦᬓ᭄᭟ᬫᬤᬾᬫᬸᬤᬶᬢᬜᬳᬸᬭᬶᬦ᭄᭞ᬤ᭄ᬫᭂᬦ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬧᬶᬓ᭄ᬦᭀᬄᬤᬕᬶᬗᬶᬫ᭄ᬩᬦᬾ᭞ᬬᬦ᭄ᬓᬫᬦᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬗ᭄ᬤᬲᬫ᭄ᬧᬸᬦᬂᬦᬸᬮᬤ᭄᭞
ᬲᬸᬕᬶᬄᬤ᭄ᬫᬶᬢ᭄ᬢᬦ᭄ᬧᬲ᭄ᬫᬸ᭞ᬩᬜ᭄ᬘᬦᬦᬾᬫᬓ᭄ᬯᬾᬄᬧ᭄ᬭᬧ᭄ᬢ᭟ᬧᬸᬦᬧᬶᬕᬸᬡᬦᬾᬲᬸᬕᬶᬄ᭞ᬚ᭄ᬭᬶᬦᬸᬮᬸᬗᬶᬦᬦᬓ᭄ᬢᬶᬯᬲ᭄᭞ᬢᬦ᭄ᬧᬸᬭᬸᬦᬶᬧᬸᬦ᭄ᬫᬬᬚ᭄ᬜ᭞ᬫᬶᬯᬄᬫᬤᬦᬫᬧᬸᬡ᭄ᬬ᭞ᬳᬗ᭄ᬕᬾᬦ᭄ᬗᬭᬳᬬ᭄ᬯᬂᬚᬕᬢ᭄᭞ᬧᬸᬧᬸ᭠
ᬢ᭄ᬩᬜ᭄ᬘᬦᬦᬾᬭᬯᬸᬄ᭞ᬜᬫᬩ᭄ᬭᬬᬗᬦᬶᬱ᭄ᬝᬬᬂ᭟ᬦᬧᬶᬕᬸᬡᬦᬾᬦᬳᬸᬭᬶᬧ᭄᭞ᬳᬸᬭᬶᬧᬾᬦ᭄ᬫᬸᬲᬗ᭄ᬲᬭ᭞ᬲᬗ᭄ᬲᬭᬧᬓᬃᬤ᭄ᬥᬶᬦ᭄ᬤᬾᬯᬾᬓ᭄᭞ᬤᬾᬯᬾᬓ᭄ᬢ᭄ᬯᬭᬫᬲᬤᬦ᭞ᬫᬲᬤᬦᬥᬃᬫ᭄ᬫᬲᬢ᭄ᬬ᭞ᬥᬃᬫ᭄ᬫᬲ
ᬢ᭄ᬬᬓᬸᬢᬂᬮᬯᬸᬢ᭄᭞ᬗ᭄ᬮᬯᬸᬢ᭄ᬫᬗ᭄ᬕᬶᬳᬂᬤᭀᬱ᭟ᬦᬶᬓᬭᬸᬡᬷᬦᬶᬫ᭄ᬩᬮ᭄ᬫᬮᬶᬄ᭞ᬲᬶᬗ᭄ᬕᬶᬄᬕᬸᬭᬸᬫᬳᬸᬢ᭄ᬢ᭠ᬫ᭞ᬲᬶᬧ᭄ᬢᬦᬶᬧᬸᬦᬶᬩ᭄ᬮᭀᬕᬾ᭞ᬢᬦ᭄ᬢᬸᬦᬸᬭᬶᬧ᭄ᬫ᭄ᬭᬲᬧ᭄ᬚᬄ᭞ᬦ᭄ᬤᬸᬦᬂᬤᬾᬯᬾᬓ᭄ᬭᬶᬂᬩᬂᬩᬂ᭞ᬫᬦᬹᬢ᭄ᬫᬦᬄᬢᬶᬢ᭄ᬬᬂᬕᬸᬭᬸ
Page:Bali-lontar-gaguritan-gde-upeksa-300ppi.pdf/33
This page has been proofread.
