[᭓᭓ 33B]
᭓᭓
᭞ᬩ᭄ᬮᭀᬕᬾᬰᬢ᭄ᬭᬸᬳᬸᬢ᭄ᬢᬫ᭟ᬲᬵᬫ᭄ᬧᬥᭂᬫ᭄ᬚ᭄ᬭᭀᬦᬶᬂᬫᬳᬸᬭᬶᬧ᭄᭞ᬚᬮᬭᬦ᭄ᬩᬗᭂᬲ᭄ᬤᬾᬯᬾᬓᬾ᭞ᬦ᭄ᬢᭂᬦ᭄ᬲᬸᬭᬸᬤ᭄ᬩᭂᬭᬬᬦᬾ᭞ᬲᬦᬾᬲᬥᬸᬫᬗ᭄ᬤᭀᬳᬂ᭞ᬳᬦ᭄ᬤᬾᬬᬂᬓᬤᬶᬧᬧᬶᬓᬢ᭄᭞ᬧᬓ᭄ᬱᬶᬢᬶᬢᬶᬭᬦ᭄ᬗᬢᭂ
ᬗ᭄ᬓᬸᬂ᭞ᬳᬗ᭄ᬕᭀᬦ᭄ᬩᬦ᭄ᬤᭂᬮ᭄ᬜᬩ᭄ᬭᬦ᭄ᬤᬶᬦ᭟ᬗᬸᬮᬗᬸᬦᬶᬦ᭄ᬲᬂᬫᬗᬓ᭄ᬱᬶ᭞ᬚ᭄ᬜᭂᬂᬩᬕᬸᬲ᭄ᬩᬸᬮᬸᬗ᭄ᬭᬜᬩ᭄᭞ᬯᬳᬸᬗᬢᭂᬗ᭄ᬓᬸᬂᬩᬦ᭄ᬤᭂᬮᬾ᭞ᬭᬯᬸᬄᬢᬶᬢᬶᬭᬦᬾᬜᬕ᭄ᬚᬕ᭄᭞ᬲᬓᬶᬂᬓᬤᭀᬳᬦ᭄ᬕᭂᬦᬄ᭞ᬤᬾᬦᬶᬂᬫᬼᬤᬶᬧᬸᬦ᭄ᬧᬗ᭄ᬕᬸᬄ
᭞ᬧᬗ᭄ᬕᬶᬄᬭᬶᬂᬢᬶᬫ᭄ᬧᬮᬸᬢ᭄ᬢᬫ᭟ᬧ᭄ᬭᬤᬾᬧᬓ᭄ᬱᬶᬕᭀᬯᬓ᭄ᬫᬗ᭄ᬓᬶᬦ᭄᭞ᬳᬗ᭄ᬕᭀᬦ᭄ᬗᬦ᭄ᬤᭂᬮᬶᬂᬧᬧᬶᬓᬢ᭄᭞ᬲ᭄ᬯᬭᬦᬾᬕᬳᬓ᭄ᬗᭂᬕᬮᭀ᭞ᬋᬲ᭄ᬋᬲ᭄ᬚᬕᬢᬾᬫᬶᬭᬕ᭄ᬬᬂ᭞ᬫᬶᬦᬩ᭄ᬫᬗᬲᬄᬩᬗ᭄ᬓᬳᬦ᭄᭞ᬲᬶᬦᬄᬕᭀᬯ
ᬓ᭄ᬧᬘᬂᬭᬳᬸᬄ᭞ᬳᬯᭀᬃᬮᬸᬮᬸᬢ᭄ᬲᬫᬶᬕᭀᬯᬓ᭄᭟ᬲᬧᬸᬦᬶᬓᬢ᭄ᬬᬂᬦᬫ᭄ᬧᬾᬦᬶᬦ᭄᭞ᬤᬕᬶᬂᬳᬶᬧᬸᬦᬭᬦ᭄ᬲᬢ᭄ᬯ᭞ᬦᬗ᭄ᬳᬶᬂᬳᬫ᭄ᬧᬸᬭᬬᬂᬫᬗ᭄ᬓᭀ᭞ᬦᬯᬶᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬉᬧᬓ᭄ᬱᬭᬭᬶᬲ᭄ᬗᬸᬲ᭠
[᭓᭔ 34A]
ᬧ᭄᭞ᬮᬸᬄᬓᬭᬸᬡᬷᬤᬳᬢ᭄ᬧᬢᬹᬢ᭄᭞ᬳᭀᬮᬶᬄᬘ᭄ᬦᬶᬂᬦᬫ᭄ᬧᬶᬲᬶᬧ᭄ᬢ᭟ᬬᬦ᭄ᬲᬸᬩᬓᬭᬲᬘ᭄ᬦᬶᬂ᭞ᬢᬗᬭᬶᬦ᭄ᬗᬮᬶᬄᬲᬤᬦ᭞ᬧᬗ᭄ᬤᬲᬮᬄᬧᬶᬮᬶᬄᬫᬗᭀᬳᬗ᭄ᬕᭀᬦ᭄ᬧᬧᬶᬓᬢ᭄ᬤᬶᬭᬕ᭞ᬥᬃᬫ᭄ᬫᬲᬥᬸᬳᬗ᭄ᬕᭀᬦ᭄ᬩ
ᬦ᭄ᬤᭂᬮ᭄᭞ᬲᬶᬦᬄᬳᭂᬦ᭄ᬢᭀᬳᬦᬾᬭᬯᬸᬄ᭞ᬢᬸᬲᬶᬂᬗ᭄ᬮᬾᬫ᭄ᬧᬲᬶᬦ᭄ᬲᬤᬦ᭟ᬬᬦ᭄ᬘᭀᬭᬄᬮᬓ᭄ᬱᬦᬦ᭄ᬘᭂᬦᬶᬂ᭞ᬲᬶᬦᬄᬦᬾᬦᬾᬘᭀᬭᬄᬢᬺᬱ᭄ᬡ᭞ᬤᬾᬦᬶᬂᬫᬦᬹᬢ᭄ᬧᭀᬮᬄᬫᬗ᭄ᬓᭀ᭞ᬲᬮᬸᬗ᭄ᬮᬸᬂᬲᬪᬬᬦ᭄ᬢᬓ᭞᭠
ᬓ᭄ᬫᬳᬶᬹᬫᬳᬶᬫᬩᬋᬗᬦ᭄᭞ᬤᬾᬦᬶᬂᬮᬓ᭄ᬱᬡᬦᬾᬳᬤᬸᬂ᭞ᬗᬃᬤ᭄ᬥᬶᬦᬶᬦ᭄ᬚᬕᬢᬾᬭᬸᬲᬓ᭄᭟ᬘ᭄ᬦᬶᬂᬲ᭄ᬥᭂᬂᬮᬸᬳᬸᬗᬕᬢᬶ᭞ᬧ᭄ᬓᬓ᭄ᬤᬮᬂᬲᬕᬾᬢ᭄ᬧ᭄ᬭᬧ᭄ᬢ᭞ᬭᬯᬸᬄᬤᬦᬾᬫᬕᬕᬾᬲᭀᬦ᭄᭞ᬳᬶᬕ᭄ᬥᬾᬉᬧᬾ᭠
ᬓ᭄ᬱᬜᬧ᭞ᬧ᭄ᬓᬓ᭄ᬤᬮᬂᬦᬄᬮᬯᬸᬢᬂ᭞ᬦ᭄ᬕᬓ᭄ᬤᬶᬦᬶᬧ᭄ᬓᬓ᭄ᬫᬮᬸ᭞ᬫᬶᬦᬩᬤᬓᬳᬶᬤᬶᬳᬂ᭟ᬢ᭄ᬓᬾᬦ᭄ᬧ᭄ᬬᬓᬾᬓᬓᬮᬶᬄ᭞ᬳᬶᬫᬥᬾᬫᬸᬤᬶᬢᬫᬸᬯᬄ᭞ᬦᬶᬮᬸᬄᬓᬭᬸᬡᬷᬳᬤᬶᬦᬾ᭞ᬮᬯᬸᬢ᭄ᬦᭂᬕᬓ᭄ᬧ᭄ᬓᬓ᭄ᬤᬮᬂ᭞ᬭᬭᬶ᭠
Page:Bali-lontar-gaguritan-gde-upeksa-300ppi.pdf/34
This page has been proofread.
