[᭘᭑ 81B]
᭘᭑
ᬮᬶᬬᬄᬧᬭᬗᬦ᭄ᬩᬗ᭄ᬓᬾᬦ᭄ᬚᬭᬦ᭄ᬓᭂᬭᬾᬜᬦᬾᬩᬳᬦ᭄ᬓᭀᬧᬶᬂᬧᬦ᭄ᬤᬦ᭄ᬳᬤᬸᬢᬦ᭄ᬮᬸᬫᬸᬢ᭄ᬩᭀᬓ᭄ᬩᬯᬶᬭᬯᬶᬃ᭟ᬫᬩᬸᬦ᭄ᬩᬲᬂᬓᬋᬱᬺᬱᬂᬘᬶᬢ᭄ᬢᬵᬧᬭᬤᬸᬓᬸᬳᬾᬲᬫᬶᬓᬮᬶ
ᬯᬢᬶᬂᬓ᭄ᬭ᭄ᬥᬵᬗᭂᬦᭀᬢ᭄ᬧᬜ᭄ᬚᬓᬾᬪᬱ᭄ᬝᬵᬫᬳᬶᬭᬶᬩ᭄ᬫᬲᬸᬕᬶᬕ᭄ᬚᬶᬄᬮᬦ᭄ᬢᬲ᭄ᬩᬋᬧᬦ᭄ᬰᬓᬶᬦ᭄ᬚᬭᬦ᭄ᬕᭂᬮᬶᬲ᭄᭟ᬗᬩᬧ᭄ᬤᬂᬓᬾᬓᬾᬩᭀᬢ᭄ᬫᬜᬩᬶᬢ᭄ᬢᬫ᭄ᬬᬕ᭄ᬳᬤᬫᬗᬩᬩ᭄ᬥᬶᬮ᭄ᬳᬭᬾ
ᬧᬶᬓᬮᬾᬯᬂᬳᬤᬗᬩᬩᬗ᭄ᬤ᭄ᬭᬗᬦ᭄ᬳᬤᬦᬸᬮᬸᬧ᭄ᬩᬜ᭄ᬚᬫ᭄ᬧᬶᬭᬶᬂᬧᬥᬫᬳᬸᬧᬲ᭄ᬲᬂᬳᭂᬱ᭄ᬡᬵᬮᬶᬦᬾᬮᬶᬮᬶᬄ᭟ᬓᬲᬫ᭄ᬩᬸᬭᬢ᭄ᬯᬭᬩᬓᬢ᭄ᬢᬸᬧ᭄ᬢᬸᬧᬂᬲᭀᬓ᭄ᬩᬮᬲᬫᬃᬓᬭᬶᬫᬗ᭄ᬕᭂᬓ᭄ᬫᬗᬫ᭄ᬩ᭄ᬬᬵᬃᬫᬲᬶᬄ
ᬫᬩ᭄ᬥᬶᬮᬦ᭄ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶᬢᬦ᭄ᬧᬧ᭄ᬕᬢᬦ᭄ᬳᬶᬤᬸᬓᬸᬄᬲᬬᬦ᭄ᬪ᭄ᬭᬗ᭄ᬓᬶ᭟ᬫᬫᭂᬲᬹᬳᬂᬫᬗ᭄ᬕᭂᬮᬭᬂᬫᬦ᭄ᬢ᭄ᬭᬢᬾᬫ᭄ᬩᬸᬓ᭄ᬫᬗᬸᬚᬦᬶᬦ᭄ᬩᬦ᭄ᬫᬶᬫᬶᬲ᭄ᬩᬍᬫᬓᭂᬘᭂᬳᬦ᭄ᬭᬾᬄᬫ᭄ᬩᭂᬥᬶᬮ᭄ᬩᬮ
[᭘᭒ 82A]
ᬲᬫᬲᬢ᭄ᬫᬓᬵᬫᬫ᭄ᬩᭂᬥᬶᬮ᭄ᬳᬗᬶᬦ᭄ᬫᬶᬫᬶᬲᬾᬕᬯᬂᬧᬬᬸᬫᬗ᭄ᬦᬾᬦ᭄ᬢᬗ᭄ᬓᬶᬦ᭄᭟ᬲᬬᬦ᭄ᬚᬶᬗ᭄ᬓ᭄ᬭᬓ᭄ᬩᬮᬵᬲᬫᬭᬾᬫᬲᬸᬭᬓ᭄ᬢᬫ᭄ᬧᬾᬦ᭄ᬤᬄᬳᭀᬫ᭄ᬩᬓ᭄ᬧᬲᬶᬄᬳᬶᬤᬸᬓᬸᬄᬓᬗᬗᬦ᭄ᬮᬯᬸᬢ᭄ᬫᭂᬤᬮᬂ
ᬚᬭᬦ᭄ᬧᬭᬕᬸᬲ᭄ᬢᬶᬦ᭄ᬭᬵᬓᬳᬸᬗ᭄ᬲᬶᬫᬋᬋᬋᬧᬦ᭄ᬫᬋᬩᬸᬢ᭄ᬓᬳᬶᬤᭂᬭᬶᬦ᭄᭟ᬫᬳᬤᬸᬓᬦ᭄ᬲᬶᬬᬢᬾᬧᬲᬮᬾᬂᬘᬶᬤ᭄ᬭᬧᬥᬧ᭄ᬭᬢᬫᬾᬂᬢᬗ᭄ᬓᬶᬲ᭄ᬫᬦᬸᬫ᭄ᬩᬓᬢᬸᬫ᭄ᬩᬓ᭄ᬫᬜᭂᬫ᭄ᬧᬮ᭄ᬲᬮᬾᬂ
ᬲᭂᬫ᭄ᬧᬮ᭄ᬫᬭᬸᬓᭂᬢ᭄ᬲᬮᬾᬂᬢ᭄ᬕᬓᬶᬦ᭄ᬧᬲᬮᬾᬂᬚᬫ᭄ᬩᬓ᭄ᬫᬢᬶᬜ᭄ᬚᬓ᭄ᬲᬮᬾᬂᬧᬦ᭄ᬢᬶᬂ᭞ᬢᬶᬸᬲᬮᬾᬂᬢᬂᬢᬂᬲᬮᬾᬂᬢᬸᬤᬶᬂᬲᬮᬾᬂᬩᬢ᭄ᬩᬢ᭄ᬧᬥᬧᬲᬮᬾᬂᬧᬳᬶᬤ᭄ᬓᬤᬶᬓᬮᬧ᭄ᬭᬱ᭄ᬝᬵᬓᬤᬶᬕ
ᬚᬓᬘᬧᬵᬫᬧᬸᬦ᭄ᬢᭂᬮ᭄ᬧᬥᬢᭀᬂᬕᬶᬗ᭄ᬲᬶᬃᬧᬥᬧ᭄ᬭᬯᬶᬭᬵᬧᬥᬫᬗ᭄ᬮᬮᬸᬫᬢᬶ᭟ᬧᬥᬓᭀᬯ᭄ᬯᬢ᭄ᬧᬥᬢ᭄ᬕᬸᬄᬧᬥᬓ᭄ᬜᬂᬧᬥᬢ᭄ᬯᬭᬤᬓᬦᬶᬦ᭄ᬳᬶᬤᬸᬓᬸᬄᬫᬢ᭄ᬲᬃᬬ᭄ᬬᬳᬶᬤᬸᬓᬸᬄᬓᬶᬫ᭄ᬪ᭄ᬯᬭ᭄ᬯᬤᬫ᭄
Page:Bali-lontar-gaguritan-hajap-300ppi.pdf/82
This page has been proofread.
