[᭘᭒ 82B]
᭘᭒
ᬫᬕᬾᬩ᭄ᬭᬲ᭄ᬩᬗᬸᬦ᭄ᬫᬦ᭄ᬤᭂᬗ᭄ᬓᬶᬓ᭄ᬜ᭄ᬓᭂᬫᬓ᭄ᬩᬦ᭄ᬤ᭄ᬭᬗᬦ᭄ᬦᬸᬤᬶᬂᬦᬕᬶᬄᬧᬶᬮᬶᬳᬶᬦ᭄᭟ᬕᬸᬲ᭄ᬢᬶᬕ᭄ᬥᬾᬳᬗ᭄ᬕᬦ᭄ᬢᬓᬵᬕ᭄ᬮᬶᬲ᭄ᬜᬕ᭄ᬚᬕ᭄ᬦᬤ᭄ᬢᬤ᭄ᬢᬸᬫ᭄ᬩᬓ᭄ᬫᬦᬸᬤᬶᬂᬤᬸᬓᬸᬄᬓᬶᬫ᭄ᬩᬸᬭ᭄ᬯᬤᬫ᭄ᬦ᭄ᬤᬸᬳᬸᬦᬶᬦ᭄ᬫᬮᬸᬦᬸᬫ᭄ᬩᬓ᭄
ᬲᬋᬂᬳᬶᬤᬸᬓᬸᬄᬫᬢ᭄ᬲᬭᬶᬦᬗ᭄ᬳᬶᬂᬢᭀᬂᬩᬶᬗ᭄ᬮᬲ᭄ᬲᬫᬫᬦᬸᬫ᭄ᬩᬓ᭄ᬩᭂᬲᬶ᭟ᬕᬸᬲ᭄ᬢᬶᬕ᭄ᬥᬾᬳᬗ᭄ᬕᬦ᭄ᬢᬓᬵᬫᬍᬲ᭄ᬦᬸᬫ᭄ᬩᬓ᭄ᬳᬶᬓᬶᬫ᭄ᬪ᭄ᬯᬭ᭄ᬯᬥᬫ᭄ᬓ᭄ᬦᬶᬩᬲᬂᬜᬦᬾᬩᬤ᭄ᬩᬤ᭄ᬤᬾᬭᬾᬂᬫᬢᬶᬓᬧᬸᬗ᭄ᬕ
ᬮ᭄ᬢᭂᬡ᭄ᬥᬲᬾᬓᬧᬸᬦ᭄ᬢᬂᬧᬦ᭄ᬢᬶᬂᬓᬗ᭄ᬕᬾᬦ᭄ᬫᬦᬶᬗ᭄ᬮᬓ᭄ᬚᬾᬗ᭄ᬕᭀᬢ᭄ᬜᬦᬾᬓᬩᬶᬲ᭄ᬩᬶᬲ᭄᭟ᬤᬦᬾᬤᬸᬓᬸᬄᬫᬢ᭄ᬲᬃᬬ᭄ᬬᬩᭂᬗᭀᬂᬓᬧᬍᬕᬦ᭄ᬗᭂᬦᭀᬢ᭄ᬜᬫᬦᬾᬫᬢᬶᬫᬦᬕᬶᬄᬳᬦ᭄ᬢᬶᬬᬂᬗ᭄ᬮᬶᬂ
ᬲᬫ᭄ᬩᬶᬮ᭄ᬫᬦᬸᬫ᭄ᬩᬓ᭄ᬲᬶᬕ᭄ᬲᬶᬕᬦ᭄ᬤᬤᬶᬫᬗᬶᬗ᭄ᬕᬶᬮ᭄ᬕᬸᬲ᭄ᬢ᭄ᬬᬵᬗ᭄ᬕᬦ᭄ᬢᬓᬵᬗᬶᬕᭂᬮ᭄ᬫᬓᬶᬓᬶᬭᬶᬬᬶᬓ᭄᭟ᬭᬭᬶᬲ᭄ᬦᬸᬫ᭄ᬩᬔᬶᬤᬸᬓᬸᬄᬫᬢ᭄ᬲᬃᬬ᭄ᬬᬓ᭄ᬦᬵᬢᬶᬭᬸᬲ᭄ᬧᬳᬦᬾᬳᬧᬶᬄᬕ᭄ᬢᬶᬳᬾᬫᬜ᭄ᬘᭀᬭᬦ᭄
[᭘᭓ 83A]
ᬍᬫᭂᬦ᭄ᬢ᭄ᬢᭀᬂᬤᬤᬶᬗ᭄ᬮᬯᬦ᭄ᬤᬶᬢᬸᬳᬶᬬᬫᬗ᭄ᬭᬱᬫᬢᬶᬦ᭄ᬤᬕ᭄ᬮᬂᬩᬦ᭄ᬤ᭄ᬭᬗᬦ᭄ᬗ᭄ᬭᬳᭂᬧᬂᬢᬶᬗ᭄ᬓᬄᬫᬢᬶ᭟ᬕᬸᬲ᭄ᬢᬶᬕ᭄ᬥᬾᬳᬗ᭄ᬕᬦ᭄ᬢᬓᬵᬕ᭄ᬮᬶᬲ᭄ᬫᬸᬗ᭄ᬕᬮ᭄ᬲᬸᬭᬓ᭄ᬫᬯᬦ᭄ᬢᬶᬯᬦ᭄ᬢᬶᬳᬯᭀᬃᬕᬕᬫ᭄ᬮᬦ᭄ᬲᬸᬗᬸ
ᬮᬾᬦ᭄ᬕᭂᬦ᭄ᬢᬳᭀᬭᬕ᭄ᬲᬶᬓᭂᬧ᭄ᬤᬢ᭄ᬯᬳᬾᬮᬫᬾᬮᬶᬮᬶᬄᬫᬩᬶᬬᬬᬸᬤᬦ᭄ᬢ᭄ᬯᬭᬵᬤᬓᬭ᭄ᬯᬦ᭄ᬳᬸᬗ᭄ᬲᬶ᭟ᬕᬸᬲ᭄ᬢᬶᬕ᭄ᬥᬾᬳᬗ᭄ᬕᬤᬫᬤᬤᬕᬦ᭄ᬗ᭄ᬮᬯᬦ᭄ᬤᬸᬓᬸᬄᬫᭀᬳᬤᬶᬮᬦ᭄ᬤᬸᬓᬸᬄᬳᬃᬣᬦ
ᬗᭂᬫ᭄ᬩᬸᬮᬶᬦ᭄ᬢᬦ᭄ᬧᬦᬳᬳᬸᬲ᭄ᬢ᭄ᬬᬗ᭄ᬕᬪᬬᬵᬢᬦ᭄ᬕᬶᬗ᭄ᬲᬶᬃᬫᬗᭂᬫ᭄ᬩᬸᬲ᭄ᬧ᭄ᬤᬂᬩᬸᬮᬾᬮᬦ᭄ᬫ᭄ᬫᬶᬭᬶᬩ᭄ᬢᬢᬶᬢ᭄᭟ᬳᬶᬳᬃᬣᬦᬓᬚᬸᬚᬸᬃᬮᬯᬸᬢ᭄ᬓᬲᬶᬫ᭄ᬧᬮ᭄ᬢᭂᬡ᭄ᬥᬲᬾᬫᬮᬗ᭄ᬓᭂᬢᬶᬓ᭄ᬮᬶᬫᬦ᭄ᬜᬦᬾᬓᬩ᭄ᬯᬂ
ᬓᬭᬶᬗ᭄ᬕᬫᭂᬮ᭄ᬓᬮᬾᬯᬶᬦᬾᬓᬾᬗᭀᬢ᭄ᬗᬸᬬᭂᬂᬧᬭᬾᬧᬶᬩᬢᬶᬲᬾᬦᬶᬜ᭄ᬚᬓ᭄ᬓᬋᬓ᭄ᬧ᭄ᬕᬲ᭄ᬫᬦ᭄ᬤᬲ᭄ᬕᭂᬢᬶᬄ᭟ᬤᬦᬾᬤᬸᬓᬸᬄᬫᭀᬳᬤᬶᬤᬳᬢ᭄ᬓᬩᬗᬦ᭄ᬗᭂᬤᭀᬢ᭄ᬫᬶᬲᬦᬾᬫᬢᬶ᭠
Page:Bali-lontar-gaguritan-hajap-300ppi.pdf/83
This page has been proofread.
