This page has been proofread.
[᭑᭘ 18B]
᭑᭘
ᬢ᭄ᬬᬂᬫᭂᬤᬮ᭄ᬕᭂᬦᬶ᭚ᬤᬾᬯᬋᬱᬶᬓᭂᬜᬶᬂᬢᬸᬃᬗᬦ᭄ᬤᬶᬓᬕᭂᬢᬃ᭞ᬢᭀᬫᬉᬢ᭄ᬢᬫᬕᬢᬶ᭞ᬚᬦᬶᬩᬧᬫᬯᬭᬄ᭞ᬧᬫᬸᬗ᭄ᬓᬄᬳᬶᬜ᭄ᬘᭂᬧᬶᬦ᭄ᬘᭂᬧᬦ᭄᭞
ᬏᬓᬵᬓ᭄ᬱᬭᬫᬦᭂᬫ᭄ᬩᬾᬦᬶᬦ᭄᭞ᬫᭀᬤ᭄ᬭᬾᬰ᭄ᬯᬮᬶᬢ᭞ᬤᬸᬯᬂᬤᬰᬳᭂᬦ᭄ᬢᭀᬫᬦᬤᬶ᭚ᬳᭂᬦ᭄ᬢᭀᬭᬶᬗ᭄ᬓᭂᬲᬂᬬᬤᬤᬶᬤᬰᬵᬓ᭄ᬱᬭ᭞ᬤᬰᬵ
ᬓ᭄ᬱᬭᬳᭂᬦ᭄ᬢᭀᬭᬶᬗ᭄ᬓᭂᬲ᭄ᬩᬸᬯᬶᬦ᭄᭞ᬫᬢᭂᬫᬳᬦ᭄ᬧᬦ᭄ᬘᬵᬓ᭄ᬱᬭ᭞ᬧᬜ᭄ᬘᬵᬓ᭄ᬱᬭᬦᬾᬭᬶᬗ᭄ᬓᭂᬲᬂ᭞ᬢᭀᬫᬦᬤᬶᬢ᭄ᬭᬶᬳᬓ᭄ᬱᬭ᭞ᬬ᭠
ᬩᬸᬯᬶᬦ᭄ᬭᬶᬗ᭄ᬓᭂᬲᬂ᭞ᬫᬢᭂᬫᬳᬦ᭄ᬭᬸᬯᬪᬶᬦ᭄ᬦᬾᬤᬵᬥᬶ᭚ᬭᬸᬯᬪᬶᬦ᭄ᬦᬾᬤᬢᭀᬳᬧᬂᬤᬤᬶᬢᬸᬗ᭄ᬕᬮ᭄᭞ᬧᬢᭂᬫ᭄ᬯᬂᬳᬧᬂᬧᬲ᭄ᬢᬶ᭞ᬗ
[᭑᭙ 19A]
ᬤᭂᬕ᭄ᬮᬦ᭄ᬲᬸᬫᬸᬗ᭄ᬲᬂ᭞ᬲᬸᬃᬬ᭄ᬬᬘᬦ᭄ᬤ᭄ᬭᬧᬢᭂᬫ᭄ᬯᬂ᭞ᬓ᭄ᬮᬸᬯᬂᬕᭂᬦᬶᬦᬾᬳᬸᬩᬸᬗᬶᬦ᭄᭞ᬳᬧᬂᬜᬓ᭄ᬦ᭄ᬤᬶᬮᬄ᭞ᬳᬧᬶᬦᬾᬗᭂᬩ᭄ᬭᬾᬲ᭄ᬓᬲᬶᬲᬶ᭚ᬬᬳᬶᬓᭂ
ᬢᬸᬢ᭄ᬫᬵᬢᬸᬃᬫᬮᬶᬄᬫᬦᬸᬢᬸᬤᬂ᭞ᬭᬢᬸᬳᬕᬸᬂᬧ᭄ᬭᬦ᭄ᬥᬋᬱᬶ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬲᬓᬶᬂᬓᬢᬸᬦᬳᬦ᭄ᬫᬦᬄ᭞ᬳᬗᭀᬩ᭄ᬢᬶᬢ᭄ᬬᬂᬫᬶᬭᬕᬶ᭞ᬓ
ᬤᬶᬯᬘᬦ᭞ᬗ᭄ᬭᬶᬗ᭄ᬓᭂᬲ᭄ᬰᬲ᭄ᬢ᭄ᬭᬲᬧᬸᬦᬧᬶ᭚ᬤᬾᬯᬋᬱᬶᬗᬦ᭄ᬢᬶᬤᬶᬓᬓᬮᬗ᭄ᬓᬸᬂᬕᭂᬢᬃ᭞ᬲᬚᬘᬳᬶᬢᬫ᭄ᬩᭂᬢ᭄ᬕᬢᬶ᭞ᬢᬶᬗ᭄ᬓᬳᬾᬗ᭄ᬭᬶᬗ᭄ᬓᭂᬲ᭄ᬰᬲ᭄ᬢ᭄ᬭ
ᬢ᭄ᬯᬄᬬᬤᬶᬢᭂᬗᬄᬩᬲᬂ᭞ᬧᬢᭂᬫ᭄ᬯᬂᬰᬲ᭄ᬢ᭄ᬭᬦᬾᬲᬫᬶ᭞ᬦᬵᬗ᭄ᬳᬶᬂᬳᬾᬮᬶᬗᬂ᭞ᬮᬸᬯᬶᬃᬗᬤᬸᬧᬸᬘᬸᬓᬶᬂᬭ᭄ᬯᬶ᭚ᬳᬤᬩᬸᬯᬶᬦ᭄ᬮᬸᬯᬶᬃ
