This page has been proofread.
[᭑᭙ 19B]
᭑᭙
ᬓᬤᬶᬫᬲᬗ᭄ᬕᬫ᭞ᬦᬾᬓᬢᬸᬂᬮᬵᬯᬦ᭄ᬦᬾᬳᬶᬲ᭄ᬢ᭄ᬭᬶ᭞ᬳᭂᬦ᭄ᬢᭀᬯᭂᬓᬲᬶᬂᬫᬲᭂᬗ᭄ᬓ᭞ᬳᭂᬦ᭄ᬢᭀᬘᬳᬶᬋᬲᭂᬧᬂ᭞ᬫᬚᬮᬭᬦ᭄ᬢᬶᬮᬶᬂᬩᬸᬤ᭄ᬥᬶ᭞
ᬤᭀᬄᬢ᭄ᬯᬭᬲᬶᬤ᭄ᬥ᭞ᬳᬸᬫᬶᬚᬶᬮ᭄ᬲᬂᬳ᭄ᬬᬂᬳᬕ᭄ᬦᬶ᭚ᬳᬗ᭄ᬳᬶᬂᬘᬳᬶᬳᬧᬂᬫᭂᬧᭂᬢ᭄ᬤ᭄ᬯᬭᬲᬗ᭄ᬳᬵ᭞ᬢᬸᬗ᭄ᬕᬮᬂᬩᬬᬸᬦᬾᬲᬫᬶ᭞ᬭᬶᬂᬦᬲᬶᬓᬢᬚᭃ
ᬧᬂ᭞ᬮᬬᬳᬾᬮᬳᬸᬢ᭄ᬲᭂᬮᬾᬧᬂ᭞ᬳᬶᬜ᭄ᬘᭂᬧᬂᬓᬚᭂᬭᭀᬦᬶᬂᬳᬢᬶ᭞ᬓᬾᬢᭀᬢᬶᬗ᭄ᬓᬄᬜ᭞ᬧᬫ᭄ᬭᬕᬢ᭄ᬤᬶᬩᬲᬂᬲᬫᬶ᭚ᬬᬳᬶ᭠
ᬓᭂᬢᬸᬢ᭄ᬫᬵᬢᬸᬃᬳᬮᬸᬲ᭄ᬧᬢᭂᬮᬳᬦᬦ᭄᭞ᬧ᭄ᬭᬲᬗ᭄ᬕᬢᬶᬢ᭄ᬬᬂ᭠ᬳᬓᬶᬤᬶᬓ᭄᭞ᬤᭂᬫ᭄ᬯᬂᬰᬲ᭄ᬢ᭄ᬭᬭᬶᬂᬩᬲᬂ᭞ᬲᬓᬶᬂᬦᬧᬶᬳᬫ᭄ᬩᭂᬮ᭄ᬦᬶᬓ᭞
[᭒᭐ 20A]
ᬲᬦᬄᬩ᭄ᬬᬦᬧᬘᬂᬤᬤᬶ᭞ᬰᬲ᭄ᬢ᭄ᬭᬦᬾᬳᬸᬦ᭄ᬢᬮ᭄᭞ᬫᬾᬫᬾᬳᬤᬸᬓᬦ᭄ᬩᬘᬶᬦ᭄᭚ᬓᬤᬶᬩᬳᭀᬲ᭄ᬬᬦ᭄ᬗ᭄ᬭᬶᬗ᭄ᬓᭂᬲ᭄ᬤᬰᬵᬓ᭄ᬱᬭ᭞ᬓᭂᬦᬶ
ᬤᬤᭀᬲ᭄ᬧᬜ᭄ᬘᬵᬓ᭄ᬱᬭᬶ᭞ᬮᬮᬶᬫᬓᬶᬚᬩᬓ᭄ᬢ᭞ᬤᬤᭀᬲ᭄ᬧᬘᬂᬧᭂᬚᬸᬦᬂ᭞ᬫᬗ᭄ᬥᬤᬤᭀᬲ᭄ᬧᬜ᭄ᬘᬓ᭄ᬱᬭᬶ᭞ᬬᬦ᭄ᬗ᭄ᬭᬶᬗ᭄ᬓᭂᬲ᭄ᬰᬲ᭄ᬢ᭄ᬭ᭞᭠
ᬤᬤᭀᬲ᭄ᬩᭀᬗ᭄ᬓᭀᬲ᭄ᬤᬤᬶᬬᬂᬲᬶᬓᬶ᭚ᬫᬮᬶᬄᬲᬧᬸᬦᬧᬶᬬᬂᬫᬢᭂᬫ᭄ᬯᬂᬲᬸᬃᬬ᭄ᬬᬘᬦ᭄ᬤ᭄ᬭ᭞ᬲᬶᬭᬳᬦᬓᬾᬭᬶᬭᬶᬄ᭞ᬜᬶᬦ᭄ᬥᬬᬂᬫᬜᭂᬫᬓ᭄
ᬦᬸᬗ᭄ᬕᬮᬂᬲᬸᬃᬬ᭄ᬬᬩᬸᬮᬦ᭄᭞ᬕᭂᬦᬄᬲᬯᬢ᭄ᬫᬗᬸᬮᬗᬶᬦ᭄᭞ᬩᬳᭀᬲ᭄ᬢᬸᬯᬄᬢᬯᬄ᭞ᬜᭀᬬᬜᬦ᭄ᬤᬂᬤᬶᬗᭂᬄᬓᭀᬧᬶᬂ᭚ᬳᬲᬶᬂᬦᬶ
