[᭑᭑ 11B]
᭞᭑᭑᭞
ᬳᬬᬸᬓ᭄ᬢᬶᬫᬢᬶᬂᬧᭂᬢ᭄ᬭᬂᬗᬦ᭄᭟᭕᭐᭞ᬧᬢ᭄ᬝᬶᬄᬤᬸᬮᭀᬫᬵᬫ᭄ᬯᬂᬲᬢ᭄ᬬᬵᬯᭂᬘᬡ᭄ᬦᬵ᭞ᬳᬯᬶᬭᬂᬢ᭄ᬯᬲᬾ᭞ᬳᬗᭂᬭᬓ᭄᭞ᬳᬄᬳᬄᬧᭂᬦ᭄ᬤᬯ᭄ᬯᬵᬳᬶᬓᬸ᭞ᬫᬱᬵᬉᬭᬶᬧᬵᬤᬾ
ᬦ᭄ᬳᬶᬗ᭄ᬱᬸᬦ᭄᭞ᬯᭂᬗᬶᬂᬕᬚᬄᬧᬭᬵᬫᬗ᭄ᬓᬾ᭞ᬫᭂᬲᬦᬵᬲᭂᬯᬶᬚᬶᬳᬢᬸᬄ᭞ᬧᭂᬧᬗᬦᬦᬶᬂᬭᬓ᭄ᬱᬰᬵ᭞ᬕᬶᬕᬶᬃᬭᬦ᭄ᬯ᭄ᬯᭀᬂᬕᬚᬄᬧᬬᬵ᭟᭕᭑᭞ᬦ᭄ᬤᬢᬦ᭄ᬓᭀᬘᬧ᭄ᬓᬶᬧᬢ᭄ᬝᬶᬄᬯᬸᬲ᭄᭞
ᬯᬸᬲ᭄ᬧ᭄ᬭᬧ᭄ᬢᬶᬭᬶᬂᬤᬾᬱᬦ᭄ᬦᬾ᭞ᬫᬢᬸᬃᬭᬶᬂᬲᬂᬤᬾᬢᬶᬦ᭄ᬧᬢ᭄ᬝᬶ᭞ᬲᬳᬸᬚᬃᬭᬾᬦᬢᬦ᭄ᬧᬢᬸᬢ᭄᭞ᬰ᭄ᬭᬶᬫ᭄ᬭᬚᬵᬗᭂᬭᬓ᭄ᬳᬗᬸᬯᬸᬄ᭞ᬳᬄᬳᬶᬄᬧᭂᬦ᭄ᬤᬯ᭄ᬯᬵᬫᬗ᭄ᬓᭀ᭞ᬧᬓ᭄ᬱᬵᬘᭂᬗ᭄ᬓᬧ᭄ᬫᬭᬵᬳᬶᬗᬭᬸᬦ᭄᭞
ᬫᬲᭀᬲᬸᬂᬗᬦ᭄ᬤᬓ᭄ᬳᭂᬗ᭄ᬓᭀ᭞ᬢᬤᬄᬭᬢᬸᬦᬾᬲᬶᬫᭂᬃᬢ᭄ᬝᬵᬯᬗ᭄ᬱᬵ᭟᭕᭒᭞ᬮᬄᬯᬩᬸᬄᬢᭂᬗᭂᬂᬭᬦ᭄ᬤᬾᬦ᭄ᬳᬲ᭄ᬭᬸ᭞ᬳᭀᬭᭂᬕ᭄ᬧᭂᬗᬭᬳᬾ᭞ᬓᭂᬓ᭄ᬢᭂᬩ᭄ᬩᭂᬦ᭄ᬤᬾᬢᬸᬫᬶᬢᬶᬃ᭞
[᭑᭒ 12A]
ᬩᬮᬵᬭᬓ᭄ᬱᬲᬵᬭᬯᬸᬄ᭞ᬲᭂᬲ᭄ᬓᬦ᭄ᬦᬾᬍᬩᬸᬄ᭞ᬫᬗ᭄ᬓᬾᬲ᭄ᬯᬭᬦᬶᬂᬭᬓ᭄ᬱᬲᬵ᭞ᬳᬸᬫᬸᬂᬫᭂᬢᬩᬸᬳᬦ᭄ᬳᬲ᭄ᬭᬸ᭞ᬲᬸᬭᬓ᭄ᬳᬸᬫᬸᬂᬳᬯᬸᬭᬳᬦ᭄᭞ᬳᬗᭂᬭᬓ᭄ᬫᬲᬶᬗᬵᬦᬤᬵ᭟᭕᭓᭞
ᬓᬲᬸᬩᬶᬂᬕᬚᬄᬳᭀᬬᬵᬲᬫ᭄ᬧᬸᬦ᭄᭞ᬳᬧᬗ᭄ᬕᬸᬄᬫᬗ᭄ᬓᬾ᭞ᬩᬮᬵᬭᬓ᭄ᬱᬲᬵᬯᬸᬲ᭄ᬧ᭄ᬭᬧ᭄ᬢᬶ᭞ᬧ᭄ᬭᬩᬸᬳᬶᬂᬓᬭᬂᬕᬸᬫᬦ᭄ᬢᬸᬂ᭞ᬳᬦᭂᬗ᭄ᬕᬸᬄᬫᬗ᭄ᬓᬾ᭞ᬳᬗ᭄ᬮᬸᬭᬸᬕ᭄᭞ᬰ᭄ᬬᬵᬫᭂᬃᬢ᭄ᬝᬵᬯᬗ᭄ᬱᬵᬳᬸᬚᬃᬭᬾ᭞
ᬮᬳᬵᬧᭂᬗᬭᬄᬭᬸᬫᬳᬸᬦ᭄᭞ᬤᬸᬮᬸᬃᬭᬶᬦ᭄ᬤᬾᬦᬶᬂᬕᭂᬦ᭄ᬢᭀᬂᬗᬦ᭄᭞ᬧᬸᬦᬂᬧᭂᬗᬭᬄᬳᬲᬶᬫ᭄ᬩᬦ᭄᭟᭕᭔᭞ᬯ᭄ᬯᭀᬂᬕᬚᬄᬳᭀᬬᬵᬧᬺᬲᬫᬵᬭᬯᬸᬄ᭞ᬲᭂᬓ᭄ᬢᬦ᭄ᬧᬮᬶᬗ᭄ᬕᬃᬭᬦ᭄᭞ᬲᭂᬧᭂᬓ᭄ᬓᬂ
ᬩᬮᬵᬳᬦᬗ᭄ᬓᬶᬮ᭄᭞ᬰ᭄ᬬᬵᬫᭂᬃᬢ᭄ᬝᬵᬯᬗ᭄ᬱᬵᬳᬫᬸᬯᬸᬲ᭄᭞ᬮᬄᬢᬸᬫᬦ᭄ᬤᬂᬗᬵᬭᬸᬫᬸᬳᬸᬦ᭄᭞ᬩᬮᬵᬳᬤᬶᬮᬸᬫᬫ᭄ᬧᬳᬵ᭞ᬫᭀᬕᬦᬵᬳᬚᬵᬳᬦᬵᬓᬦ᭄ᬢᬸᬦ᭄᭞ᬧᬧᬸᬘᬸᬓ᭄ᬳᬶᬓᬂᬲᬂᬚᬢ᭄ᬝᬵ᭞
Page:Bali-lontar-gaguritan-jagat-karana-300ppi.pdf/12
This page has been proofread.
