[᭑᭒ 12B]
᭞᭑᭒᭞
ᬕᬶᬦᬦ᭄ᬮᬶᬬᬦ᭄ᬯᬢᭂᬓ᭄ᬧᬺᬢᬶᬯ᭄ᬯᬵ᭟᭕᭕᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬩᬤᬦ᭄ᬮᬸᬫᬓᬸ᭞ᬫ᭄ᬯᬂᬯᬺᬓᭀᬤᬭᬵ᭞ᬧᬗᬜ᭄ᬚᬸᬃᬭᬦᬶᬂᬮᬸᬫᬭᬶᬲ᭄᭞ᬳᬦᬸᬗ᭄ᬕᬂᬮᬶᬫᬦ᭄᭞ᬳᬲ᭄ᬭᬸ᭞ᬧᬶᬦᬬᬸᬂᬗᬦ᭄ᬳᬩᬻ
ᬲᬸᬫᬦᬸ᭞ᬧᬦ᭄ᬢᭂᬲ᭄ᬳᬗᬕᭂᬫ᭄ᬕᬤᬵ᭞ᬦᭂᬓᬸᬮᬵᬤᬾᬯ᭄ᬯᬵᬲᬫ᭄ᬧᬸᬦ᭄᭞ᬲᬶᬭᬶᬂᬮᬦ᭄ᬰ᭄ᬭᬶᬯᬺᬓᭀᬤᬭᬵ᭞ᬧᬺᬱᬫᬵᬳᬯᬦᬵᬭᬢᬵ᭟᭕᭖᭞ᬮᭀᬂᬕᭂᬦ᭄ᬤᬶᬂᬳᬯᬸᬭᬳᬦ᭄ᬓᬸᬫᬸᬢᬸᬕ᭄᭞
ᬳᬸᬫ᭄ᬩᬯᬦ᭄ᬲᬳᬵᬤ᭄ᬯᬚᬵ᭞ᬢ᭄ᬗᭂᬃᬭᬦ᭄ᬬᬵᬯᬶᬱ᭄ᬡᬸᬫᬸᬃᬢ᭄ᬝᬶ᭞ᬓᬬᬵᬕᬸᬦᬸᬂᬮᬸᬫᬓᬸ᭞ᬲᬂᬧᬃᬢ᭄ᬝᬵᬢᬸᬫᬦ᭄ᬤᬂᬳᬲ᭄ᬭᬸ᭞ᬲ᭄ᬬᬦ᭄ᬤᬡ᭄ᬦᬵᬓᬂᬯᬳᬦᬵ᭞ᬦᬾᬧᬶᬦᬬᬸᬂᬗᬦ᭄ᬫᬲ᭄ᬲᬸᬫᬸᬦᬸ᭞ᬲᬭᬵᬩᬲ᭄ᬯ
ᬭᬵᬳᬶᬗᬬᬢ᭄᭞ᬮᬭᬲ᭄ᬦ᭄ᬬᬵᬮ᭄ᬯᬶᬃᬳᬫᬺᬚᬬᬵ᭟᭕᭗᭞ᬰ᭄ᬬᬵᬫᭂᬃᬢ᭄ᬝᬵᬯᬗ᭄ᬱᬵᬭᬶᬭᬢ᭄ᬝᬵᬫᬲ᭄ᬳᬲ᭄ᬭᬶᬭᬯᬶᬢ᭄᭞ᬧᬶᬦᬚᭂᬂᬗᬦ᭄᭞ᬓᬤ᭄ᬬᬵᬳᬚ᭄ᬭᬶᬄᬳᬓᭂᬦ᭄᭞ᬢᬸᬫᬸᬮᬶᬳᬕ
[᭑᭓ 13A]
ᬕᭂᬫ᭄ᬧᬸᬲ᭄ᬢᬓᬵ᭞ᬓᭂᬃᬮᬶᬫᬵᬳᬸᬲᬤ᭄ᬥᬵᬳᬧᬦ᭄ᬢᬸᬳᬸ᭞ᬮ᭄ᬯᬶᬃᬳᬭᬶᬫᬸᬃᬢ᭄ᬝᬶᬧᭀᬮᬳᬾ᭞ᬧᬭᬵᬧᬸᬗ᭄ᬕᬯ᭄ᬯᬵᬭᬸᬫᬸᬳᬸᬦ᭄᭞ᬧᬤᬶᬳᭀᬫ᭄ᬩᬓᬶᬂᬲᭂᬕᬭ᭟ᬳᬦᭂᬫ᭄ᬧᬸᬄᬰᬾᬮᬧᬃᬯ᭄ᬯᬢ᭄ᬝᬵ᭟᭕᭘᭞
ᬩᬮᬵᬮ᭄ᬯᬶᬃᬕᬶᬭᬶᬳᬮᬓᬸᬮᬓᬸ᭞ᬓᬂᬳᬦᬸᬗ᭄ᬕᬂᬮᬶᬫᬦ᭄᭞ᬢᬦ᭄ᬧᭂᬦ᭄ᬤᬄᬮ᭄ᬯᬶᬃᬕᬸᬦᬸᬂᬰᬭᬶ᭞ᬤᬤᬧ᭄ᬳᬦᬄᬓᬸᬫᬸᬲᬸᬲ᭄᭞ᬧᬗᭂᬭᬶᬓ᭄ᬦᬶᬂᬓᬸᬤᬵᬳᬧ᭄ᬢᬶᬬᬵᬳᬸᬫᬸᬂ᭞ᬳᬯᭀᬃᬲ᭄ᬯᬭᬦᬶᬂᬲᭂᬧᬾᬭᬾᬓ᭄᭞
ᬢᭂᬢᬩᬸᬳᬦ᭄ᬬᬵᬕᬸᬫᬦ᭄ᬢᬸᬲ᭄᭞ᬕᬺᬡᭂᬕᬶᬂᬩᬮᬵᬮᬸᬫᬫ᭄ᬧᬄ᭞ᬩᬸᬩᬸᬮ᭄ᬢ᭄ᬓᬦᬶᬂᬧᭂᬢᬮᬵ᭟᭕᭙᭞ᬯᬸᬲ᭄ᬧ᭄ᬭᬧ᭄ᬢᬶᬂᬢ᭄ᬕᬮ᭄ᬧᭂᬧ᭄ᬭᬂᬗᬦ᭄ᬲᬫ᭄ᬧᬸᬦ᭄᭞ᬯᬸᬲ᭄ᬳᬢᬶᬗ᭄ᬓᬄᬕ᭄ᬮᬃ᭞ᬳᬢᬢᬵ
ᬲᭂᬫᬸᬦᬶᬂᬚᬸᬭᬶᬢ᭄᭞ᬰ᭄ᬭᬶᬥᬾᬢ᭄ᬬᬵᬓᬭᬂᬕᬸᬫᬦ᭄ᬢᬂ᭞ᬰ᭄ᬭᬶᬧᬸᬃᬩᬓᬵᬲᬫ᭄ᬧᬸᬦ᭄ᬭᬯᬸᬄ᭞ᬩᬮᬵᬭᬓ᭄ᬱᬲᬵᬲ᭄ᬯᬭᬦᬾ᭞ᬧᬢ᭄ᬝᬶᬄᬤᬮᭀᬫᬵᬧᬸᬧᬸᬘᬸᬓ᭄᭞ᬦ᭄ᬤᬦ᭄ᬧᬢ᭄ᬝᬶᬄ
Page:Bali-lontar-gaguritan-jagat-karana-300ppi.pdf/13
This page has been proofread.
