[᭓᭘ 38B]
᭞᭓᭘᭞
ᬮᭂᬢᬦ᭄ᬤᬾᬦᬶᬂᬕᬤᬸᬂ᭞ᬘᬶᬦᬵᬤᬤᬸᬲᬶᬦᬵᬭᬓ᭄ᬢᬵ᭞ᬫ᭄ᬮᬢᬶᬫᬗᭀᬦᭂᬂᬕᬮᬸᬄ᭞ᬮ᭄ᬯᬶᬃᬳᬦᬸᬗ᭄ᬱᬸᬗᬶᬦ᭄ᬲᬂᬧ᭄ᬚᬄ᭞ᬓᬤᬶᬳᬳ᭄ᬬᬸᬦ᭄ᬲᬸᬫᭀᬯᬂᬳᬓ᭄ᬦᬵ᭟᭑᭗᭘᭞ᬳ᭄ᬦᭂᬳ
ᬓ᭄ᬦᬵᬲᬂᬧ᭄ᬚᬄᬳᬶᬓᬸ᭞ᬳᬦᬵᬢᬵᬓᭀᬘᬧᬦ᭄᭞ᬧᬸᬢ᭄ᬭᬦ᭄ᬳᬶᬭᬵᬦᬕᬵᬨᬢ᭄ᬝᬶ᭞ᬲᬂᬳᬗᬦ᭄ᬢᬵᬩᭀᬕᬵᬳᬧᬸᬢ᭄ᬭᬵ᭞ᬢᭂᬢᬶᬕᬵᬳᬬᬸᬳᬬᬸ᭞ᬦᬶᬦᬕᬵᬕᬶᬦᬶᬳᬭᬦ᭄ᬦᬾ
ᬫ᭄ᬯᬂᬦᬕᬵᬢ᭄ᬬᬓ᭄ᬱᬵᬳᬶᬓᬸ᭞ᬦᬶᬦᬕᬢ᭄ᬭᬸᬦᬶᬳᬶᬓᬵ᭞ᬘᬶᬢ᭄ᬝᬦᬾᬳᬫᬭᬾᬢᬫᬦ᭄᭟᭑᭗᭙᭞ᬮᬸᬫᬫ᭄ᬧᬄᬲᬶᬬᬾᬫᬗ᭄ᬓᬾᬢᬦ᭄ᬳᬲ᭄ᬭᬸ᭞ᬤᬸᬓ᭄ᬧ᭄ᬭᬧ᭄ᬢᬵᬳᬾᬂᬢ
ᬫᬦ᭄᭞ᬳᬗᬸᬦ᭄ᬥᬸᬳᬵᬲᬃᬯ᭄ᬯᬵᬰᬭᬶ᭞ᬦᬕᬵᬕᬶᬦᬶᬭᬸᬫᬸᬳᬸᬦ᭄᭞ᬫᬗᬸᬦ᭄ᬥᬸᬳᬵᬲᬃᬯ᭄ᬯᬵᬲᬦ᭄ᬢᬸᬦ᭄᭞ᬲᬫᬵᬭᬸᬫ᭄ᬧᬸᬳᬦ᭄ᬓᭂᬫ᭄ᬩᬂ᭞ᬓᬢᬶᬕᬵᬲᬶᬭᬵ᭞
[᭓᭙ 39A]
ᬳᬦ᭄ᬥᬸᬮᬸᬃ᭞ᬧᬤᬵᬓᭂᬳᬶᬗᬶᬦ᭄ᬮᬸᬫᬶᬬᬢ᭄᭞ᬇᬂᬓᭂᬫ᭄ᬩᬂᬦᬶᬮᬵᬧᬂᬓᬚᬵ᭟᭑᭘᭐᭞ᬲᬂᬦᬕᬵᬕᬶᬦᬶᬫᬗ᭄ᬓᬾᬭᬸᬫᬸᬳᬸᬦ᭄᭞ᬳᬗᬫᬾᬢᬶᬓᭂᬫ᭄ᬩᬂ᭞ᬓᬕᬾᬢ᭄ᬢᬸᬫᭀᬦᬶᬂᬯ᭄ᬯᬂᬫᬢᬶ᭞
ᬳᬕᬾᬧᬤᬵᬫᭂᬮᬬᬸ᭞ᬇᬂᬩᬩᬸᬢᬃᬧᬭᬦ᭄ᬳᬶᬓᬸ᭞ᬓᬭᬶᬳᬗᭂᬫᬲ?ᬦ᭄ᬓᬾᬦᬾᬲᬂᬦᬕᬵᬕᬶᬦᬶᬳᬫᬸᬯᬸᬲ᭄᭞ᬮᬄᬬᬬᬶᬧᬤᬵᬳᬯᬲᬵ᭞ᬬᬦ᭄ᬓᬓᬸᬂᬓᭂᬮᬯᬦ᭄
ᬳᬶᬲ᭄ᬢ᭄ᬭᬶᬬᬵ᭟᭑᭘᭑᭞ᬓᭂᬢᬶᬕᬵᬫᬗ᭄ᬓᬾᬳᬦ᭄ᬥᬸᬮᬸᬃ᭞ᬳᬗᬯᬲ᭄ᬓᬸᬦᬧᬵ᭞ᬲᬓᬶᬂᬧᬸᬦ᭄ᬤᬶᬲᬗ᭄ᬓᬦ᭄ᬳᬶᬓᬶ᭞ᬦᭂᬳᭂᬃᬫᬗ᭄ᬓᬾᬤᬾᬓ᭄ᬭᬸᬩᬸᬂ᭞ᬯᬸᬲ᭄ᬳᬯᬲ᭄ᬧᬸᬦᬧᬵᬓᬓᬸᬂ᭞ᬳᬦ᭄ᬦᭀᬫ᭄
ᬩᬕᬸᬲ᭄ᬲᬸᬢᭂᬃᬡ᭄ᬦᬦᬾ᭞ᬮ᭄ᬯᬶᬃᬳᬤᬸᬤᬸᬢ᭄ᬳᬓᭂᬦ᭄ᬓᬳ᭄ᬬᬸᬦ᭄᭞ᬳᬲᭂᬫᬸᬯᬲ᭄ᬧᬵᬓᭂᬢᬶᬕᬵ᭞ᬳᬦ᭄ᬥᬸᬮᬸᬭᬸᬧᬵᬲᬂᬧ᭄ᬚᬄ᭟᭑᭘᭒᭞ᬦᬕᬵᬕᬶᬦᬶᬫᬗ᭄ᬓᬾ᭞
Page:Bali-lontar-gaguritan-jagat-karana-300ppi.pdf/39
This page has been proofread.
