[᭓᭙ 39B]
᭞᭓᭙᭞
ᬳᬗ᭄ᬭᬗ᭄ᬓᬸᬮ᭄᭞ᬳᬶᬗᬭᬲ᭄ᬧᬸᬦᬧᬵ᭞ᬓᭂᬢᬶᬕᬵᬮᬦ᭄ᬳᬭᬶᬦ᭄ᬦᬶᬬᬶᬭᬾᬓᬶ᭞ᬳᬕᬦ᭄ᬢᬶᬲᬶᬭᬵᬳᬫᭂᬓᬸᬮ᭄᭞ᬳᬶᬗᬭᬲ᭄ᬲᬶᬭᬵᬲᬂᬳᬦ᭄ᬢᬸ᭞ᬢᬸᬳᬸᬳᬦ᭄ᬥᬸᬤᬸᬢ᭄ᬲᬶ
ᬢ᭄ᬝᬵ᭞ᬭᬱᬵᬋᬲᭂᬧ᭄ᬳᬢᬶᬦ᭄ᬳᬶᬗ᭄ᬱᬸᬦ᭄᭞ᬢᬸᬫᬶᬗᬮᬶᬦ᭄ᬓᬂᬓᬸᬯᬧᬵ᭞ᬳᬢᬶᬫᬃᬫᬸᬓ᭄ᬱᬵᬩᬬᬂᬗᬦ᭄᭟᭑᭘᭓᭞ᬳᬕᬦ᭄ᬢᬶᬲᬶᬭᬵᬫᬗ᭄ᬓᬾᬳᬗ᭄ᬭᬗ᭄ᬓᬸᬮ᭄᭞
ᬧᬶᬦᬸᬕᬄᬮᬬᭀᬦᬾ᭞ᬢᬫᬵᬲᬶᬭᬵᬳᬗ᭄ᬮᬶᬮᬶᬃ᭞ᬮ᭄ᬯᬶᬃᬳᬾᬤᬦ᭄ᬳᬓᬵᬢᬮᬸ᭞ᬓᬤ᭄ᬬᬵᬗᬚᬓᬶᬲᭂᬳᬯᬸᬫ᭄᭞ᬢᬸᬫᬶᬗ᭄ᬕᬮᬶᬳᬶᬓᬂᬓᬸᬦᬧᬵ᭞ᬮᬬᭀᬦ᭄ᬬᬵᬓ
ᬤᬶᬫᬢᬸᬭᬸ᭞ᬘᬶᬢᬦ᭄ᬳᬶᬭᬵᬢᬸᬫᬸᬢ᭄ᬩᬾᬮᬵ᭞ᬓᬂᬲᬯ᭄ᬯᬵᬳᬦᬸᬤᬸᬢ᭄ᬘᬶᬢ᭄ᬝᬵ᭟᭑᭘᭔᭞ᬲᬂᬦᬕᬵᬕᬶᬦᬶᬳᬮᭀᬦ᭄ᬳᬫᬸᬯᬸᬲ᭄᭞ᬭᬶᬶᬲᬶᬭᬵᬳ
[᭔᭐ 40A]
ᬳᬭᬶᬦ᭄ᬦᬶᬭᬵ᭟ᬳᬶᬄᬦᬶᬦᬶᬦᬕᬵᬢᬭᬸᬦᬶ᭞ᬫ᭄ᬯᬄᬦᬕᬵᬢᬶᬬᬓ᭄ᬱᬾᬓᬸ᭞ᬳᬭᭂᬧ᭄ᬳᬶᬗ᭄ᬱᬸᬦ᭄ᬢᬵᬗᬫᬢᬸᬃ᭞ᬫᬭᬶᬂᬩᬧᬵᬦᬕᬵᬧ᭄ᬭᬩᬸᬳᬵ᭞ᬳᬓᭀᬦᬵᬗᬸᬭᬶᬧ᭄ᬲᬂᬳᬦ᭄ᬢᬸ᭞
ᬬᬾᬦ᭄ᬓᭂᬮᬯᬦ᭄ᬦᭀᬭᬵᬲᬸᬦ᭄ᬩᬭᭂᬂᬧ᭄ᬚᬄ᭟᭑᭘᭕᭞ᬲᬫᬵᬳᬦᬸᬢ᭄ᬫᬗ᭄ᬓᬾᬳᬭᬶᬦ᭄ᬳᬶᬧᬸᬦ᭄᭞ᬢᬶᬦᬶᬮᬃᬓᬂᬧᬸᬦᬧᬵᬧ᭞ᬓᬭᬶᬢᬵᬫᬗ᭄ᬓᬾᬳᬕᬸᬮᬶᬂ᭞ᬳᬕ᭄ᬮᬶᬲ᭄
ᬢᬵᬮᬫ᭄ᬧᬄᬳᬶᬧᬸᬦ᭄᭞ᬳᬦ᭄ᬓᭂᬯᬃᬡ᭄ᬦᬵᬭᬶᬂᬳ᭄ᬦᬸ᭞ᬳᬜ᭄ᬚᬸᬚᬸᬕ᭄ᬫᬭᬾᬂᬳᬸᬫᬄ᭞ᬓᭂᬧᬗ᭄ᬕᬶᬄᬲᬂᬦᬕᬵᬧ᭄ᬭᬩᬸ᭞ᬲᬶᬦᬧᬵᬲᬶᬭᬵᬳᬦᬓ᭄ᬳᬶᬭᬵ᭞ᬧᬺᬦᬫᬵᬳᬲᬯᬸᬃᬲᭂᬫ᭄ᬩᬄ᭟
᭑᭘᭖᭞ᬤᬤ᭄ᬬᬵᬫᬢᬸᬃᬫᬭᬶᬂᬦᬕᬵᬧ᭄ᬭᬩᬸ᭞ᬲᬶᬭᬵᬦᬕᬵᬕᬶᬦᬶᬬᬵ᭞ᬫ᭄ᬯᬂᬲᬶᬭᬵᬦᬕᬵᬢᭂᬭᬸᬦᬶ᭞ᬲᬂᬦᬕᬵᬢᬶᬬᬓ᭄ᬱᬵᬢᬦ᭄ᬓᬦ᭄ᬢᬸᬦ᭄᭞ᬭᬶᬂᬦᬕᬵᬦᬢᬵᬧᭂᬓᬸ
Page:Bali-lontar-gaguritan-jagat-karana-300ppi.pdf/40
This page has been proofread.
