[᭔᭐ 40B]
᭞᭔᭐᭞
ᬮᬸᬦ᭄᭞ᬩᬧᬵᬳᬚᬶᬳᬶᬗ᭄ᬱᬸᬦ᭄ᬳᬦᬾᬤᬵ᭞ᬳᬸᬭᬶᬧᬦᬾᬲᬯ᭄ᬯᬵᬳᬶᬓᬸ᭞ᬲᬂᬳᬗᬦ᭄ᬢᬵᬩᭀᬕ᭄ᬕᬵᬳᬗᬸᬘᬧ᭄᭞ᬩᬬᬵᬲᬯ᭄ᬯᬦᬶᬂᬧᭂᬦ᭄ᬤᬯ᭄ᬯᬵ᭟᭑᭘᭗᭞ᬲᬂᬅᬃᬚᬸᬡ᭄ᬦᬵ
ᬩᬬᬵᬳᬶᬓᬸᬳᬦ᭄ᬢᬸ᭞ᬦᬶᬦᬶᬳᬦᬓᬶᬂᬳᬶᬗ᭄ᬯᬂ᭞ᬚᬕᬵᬲᬢ᭄ᬭᬸᬦ᭄ᬳᬶᬗ᭄ᬱᬸᬦ᭄ᬦᬶᬦᬶ᭞ᬓᭂᬮᬶᬮᬶᬃᬭᬦ᭄ᬲᬓᬶᬂᬤᬗᬸ᭞ᬧᬭᬦ᭄ᬫᬃᬕ᭄ᬕᬦ᭄ᬦᬶᬭᬾᬓᬸ᭞ᬳᬗᬸᬭᬶᬧᬵᬓᬶᬅᬃᬚᬸᬡ᭄ᬦᬵ᭞
ᬲᬂᬦᬕᬵᬲᬸᬢ᭄ᬝᬵᬳᬫᬸᬯᬸᬲ᭄᭞ᬩᬧᬵᬲᬸᬦ᭄ᬧᬫᬶᬢ᭄ᬭᬶᬂᬲᬶᬭᬵ᭞ᬢᬸᬫᬸᬢᬵᬧ᭄ᬭᬫᬵᬲᬢ᭄ᬬᬵ᭟᭑᭘᭘᭞ᬲᬂᬦᬕᬵᬕᬶᬦᬶᬲᬶᬭᬵᬳᬗᬫ᭄ᬩᬸᬮ᭄᭞ᬮᬦ᭄ᬱᬶᬭᬵᬳᬭᬶᬦ᭄ᬳᬶᬭᬵ᭞
ᬓᭂᬢᬶᬕᬵᬲᬫᬵᬳᬲᬶᬲᬶᬕ᭄᭞ᬳᬓ᭄ᬭᬫᬲ᭄ᬫᬗ᭄ᬓᬶᬬᬵᬯᬸᬲ᭄᭞ᬲᬫᬵᬳᬲᬮᬶᬦ᭄ᬓᬫ᭄ᬧᬸᬄ᭞ᬧᭂᬧᬢᬸᬳᬦ᭄ᬧᭂᬗᬗ᭄ᬕᭀᬦᬾ᭞ᬳᬲᬶᬜ᭄ᬚᬂᬧ᭄ᬢᬓ᭄ᬢᬸᬳ᭄ᬬᬵ
[᭔᭑ 41A]
ᬳᬮᬸᬲ᭄᭞ᬯᬸᬲ᭄ᬳᬕᬡ᭄ᬥᬵᬳᬤᬦ᭄ᬫᬗ᭄ᬓᬢ᭄᭞ᬳᬫᬶᬢ᭄ᬭᬶᬂᬲᬂᬳᬦᬦ᭄ᬢᬵᬕᭀᬩᬵ᭟᭒᭘᭙᭞ᬯᬾᬢ᭄ᬦᬶᬂᬮᬸᬮᬸᬢ᭄ᬲᬶᬄᬳᬶᬗ᭄ᬱᬸᬦ᭄ᬧᬸᬓᬸᬮᬸᬦ᭄᭞ᬭᬶᬲᬯ᭄ᬯᬦ᭄ᬬᬵᬅᬃᬚᬸᬡ᭄ᬦᬵ᭞ᬲᬸᬓᬵᬲᬸᬦ᭄
ᬫᬗ᭄ᬓᬾᬗᭂᬫᬲᬶᬦ᭄᭞ᬲᬂᬗᬦ᭄ᬢᬵᬩᭀᬕ᭄ᬕᬵᬳᬫᬸᬯᬸᬲ᭄᭞ᬮᬄᬲᬸᬦ᭄ᬳᬸᬭᬶᬧ᭄ᬳᬦᬓ᭄ᬳᬶᬗ᭄ᬱᬸᬦ᭄᭞ᬲᬶᬭᬵᬳᬃᬱᬵᬳᬭᬩ᭄ᬬᬵ᭞ᬫᭀᬕᬵᬢᬶᬦᬶᬗ᭄ᬳᬮ᭄ᬓᬳ᭄ᬬᬸᬦ᭄᭞ᬓᬧ᭄ᬕᬢᬦ᭄ᬱᬶᬄᬢᬵᬫᭀ
ᬕᬵ᭞ᬢᬶᬦᬶᬗ᭄ᬕᬮᬶᬓᬓᬸᬂᬦᬶᬭᬵ᭟᭑᭙᭐᭞ᬤᬤᬶᬲᬸᬦᬸᬲᬸᬧ᭄ᬢᬵᬧᬸᬦᬂᬩᬬᬸ᭞ᬧᬶᬦᭂᬧᭂᬓ᭄ᬚ᭄ᬯᬶᬢ᭄ᬝᬵ᭞ᬲᬶᬅᬃᬚᬸᬡ᭄ᬦᬵᬲᬶᬭᬵᬳᬸᬭᬶᬧ᭄᭞ᬓᭂᬘᬃᬬ᭄ᬬᬦ᭄ᬲᬶᬭᬵᬳᬦ᭄ᬥᬸᬮᬸᬃ᭞ᬭᬶᬓᬦᬶ
ᬬᬵᬓᭂᬢᬶᬕᬵᬳᬬᬸ᭞ᬮ᭄ᬯᬶᬃᬭᬢ᭄ᬝᬶᬄᬧᬶᬦᬭᬵᬢᬶᬕᬵ᭞ᬲᬂᬅᬃᬚᬸᬡ᭄ᬦᬵᬤᬤ᭄ᬬᬵᬳᬫᬸᬯᬸᬲ᭄᭞ᬦᬶᬦᬶᬲᬧᬵᬗᬸᬭᬶᬧᬶᬂᬳᬶᬗ᭄ᬯᬂ᭞ᬩᬬᬵᬲᬶᬭᬵᬳᬲᬸᬂᬳᬫᭂᬃᬢ᭄ᬝᬵ᭟᭑᭙᭑᭞ᬲᬂᬦᬕᬵ
Page:Bali-lontar-gaguritan-jagat-karana-300ppi.pdf/41
This page has been proofread.
