[᭔᭑ 41B]
᭞᭔᭑᭞
ᬕᬶᬦᬶᬳᬮᭀᬦ᭄ᬳᬫᬸᬯᬸᬲ᭄᭞ᬳᬶᬗ᭄ᬱᬸᬦ᭄ᬫᬓᭀᬦ᭄ᬫᬗ᭄ᬓᬾ᭞ᬳᬗᬸᬭᬶᬧᬶᬂᬲᬶᬭᬵᬓᬓᬶ᭞ᬭᬶᬂᬩᬧᬵᬦᬕᬵᬧ᭄ᬭᬩᬸ᭞ᬳᬗᬸᬭᬶᬧᬵᬲᬶᬭᬵᬳᬶᬓᬸ᭞ᬳᬶᬗ᭄ᬱᬸᬦ᭄ᬳᬮᬭᬵ
ᬳᬤᬫᬵ᭞ᬳᬭᭂᬧ᭄ᬱᬶᬭᬵᬫᬭᬾᬂᬭᬶᬂᬲᬸᬦ᭄᭞ᬫ᭄ᬦᭂᬂᬗᬵᬯ᭄ᬯᬂᬩᬂᬳᬲ᭄ᬢᬸᬢᬶ᭞ᬓᬗᭂᬦ᭄ᬭᬶᬂᬥᬾᬯ᭄ᬯᬶᬰ᭄ᬭᬶᬕᬢ᭄ᬝᬶᬬᬵ᭟᭑᭙᭒᭞ᬳᬕᬦ᭄ᬢᬶᬓᭂᬢᬶᬕᬵᬲᬶᬭᬵᬫᬸᬯᬸᬲ᭄᭞ᬳᬗᬧᬵᬫ᭄ᬦᭂᬂᬗᬵ᭞
ᬦᭀᬭᬵᬓᬬᬸᬦ᭄ᬲᬶᬭᬵᬭᬶᬂᬓᬫᬶ᭞ᬲᬂᬅᬃᬚᬸᬡ᭄ᬦᬵᬢᬸᬫᬸᬗ᭄ᬓᬸᬮ᭄᭞ᬓᭂᬧ᭄ᬦᭂᬢᬦ᭄ᬱᬶᬭᬵᬳᬗ᭄ᬭᬸᬗᬸ᭞ᬲᬩ᭄ᬥᬦᬶᬂᬓᭂᬢᬶᬕᬵᬳᬃᬱᬵ᭞ᬯ᭄ᬮᬲ᭄ᬲᬶᬭᬵᬳᬦ᭄ᬥᬸᬮᬸ᭞ᬲᬂᬥᬾᬯ᭄ᬯᬶᬓᬢ᭄ᬭᬶᬦᬶᬬᬵ
ᬗᬸᬘᬧ᭄᭞ᬳᬭᬳᬦ᭄ᬢᬵᬯᬤᬦᭂᬦ᭄ᬢᬵᬳᬶᬗ᭄ᬯᬂ᭟᭑᭙᭓᭞ᬢᬸᬃᬢᬶᬦᬸᬦ᭄ᬢᬸᬦ᭄ᬯᬂᬩᬂᬳᬲ᭄ᬢᬸᬢᬶᬳᬶᬓᬸ᭞ᬕᬶᬦᬯᬾᬂᬧᭂᬫᬺᬫᬦ᭄᭞ᬢᬸᬫᬸᬢ᭄ᬢᬵᬲᬶᬭᬵᬮᬸᬫᬭᬶᬲ᭄᭞
[᭔᭒ 42A]
ᬯᬸᬲ᭄ᬧ᭄ᬭᬧ᭄ᬢᬵᬭᬶᬂᬚᬶᬦᭂᬫ᭄ᬭᬸᬫ᭄᭞ᬲᬂᬓᬓᬸᬂᬳᬃᬱᬵᬳᬗ᭄ᬭᬸᬫ᭄ᬭᬸᬫ᭄᭞ᬳᬗᬸᬓᬶᬄᬧᬤᬸᬦᬶᬂᬲᬶᬜ᭄ᬚᬂ᭞ᬯᬸᬲ᭄ᬓᭂᬮᬸᬓᬃᬕᬡ᭄ᬥᬦᬶᬂᬳᬭᬸᬫ᭄᭞ᬳᬦ᭄ᬓᬵᬓ᭄ᬦᬵᬓᬃᬫᬦ᭄᭞ᬲᬂᬤ᭄ᬬᬄᬍᬲᬸᬢᬦ᭄ᬧᭂᬚᬶᬯ᭄ᬯᬵ᭟
᭑᭙᭔᭞ᬲᬂᬦᬢ᭄ᬝᬵᬢᭂᬭᬸᬦᬶᬲᬶᬭᬵᬳᬫᬸᬯᬸᬲ᭄᭞ᬳᬶᬗ᭄ᬱᬸᬦ᭄ᬳᬗᬸᬭᬶᬧᬵ᭞ᬇᬂᬲᬶᬭᬵᬲᬸᬓᬵᬳᬭᬩᬶ᭞ᬫᬗ᭄ᬓᬾᬓᭂᬮᬯᬦ᭄ᬳᬶᬗ᭄ᬱᬸᬦ᭄᭞ᬫ᭄ᬯᬂᬲᬦᬓᬵᬧᬢᭂᬮᬸ᭞ᬲᬸᬓᬵᬲᬶᬭᬵᬲᬂᬅᬃᬚᬸ
ᬡ᭄ᬦᬵ᭞ᬤᬤ᭄ᬬᬵᬳᬓᬸᬭᭂᬦ᭄ᬧᬶᬮᬶᬄᬮᬸᬮᬸᬢ᭄᭞ᬤᬳᬢ᭄ᬰᬶᬄᬭᬩᬶᬓᭂᬢᬶᬕᬵ᭞ᬳᬕᭂᬦ᭄ᬢᬶᬬᬵᬳᬾᬦ᭄ᬢᬶᬬᬦᬶᬂᬳᬃᬱᬵ᭟᭑᭙᭕᭞ᬳᬯ᭄ᬬᬢ᭄ᬢᬭᬵᬫᬗ᭄ᬓᬾᬧᬸᬮᬸᬄᬯᬾᬕᬸᬂ᭞ᬲᬶᬭᬵᬦᭀ
ᬯᬗᬦ᭄᭞ᬲᭂᬃᬳᬭᭀᬲ᭄ᬭᬶᬂᬚ᭄ᬭᭀᬦᬶᬂᬚᬶᬫᭂᬦ᭄ᬫ᭄ᬭᬶᬓ᭄᭞ᬭᬶᬂᬢᬸᬦᬦ᭄ᬧᬗ᭄ᬮᬶᬧᬸᬃᬳᬦ᭄᭞ᬭᬭᬵᬲᬸᬓᬵᬲᬶᬭᬵᬳᬢᭂᬫᬸ᭞ᬦ᭄ᬤᬢᬦ᭄ᬓᬘᬵᬭᬶᬢ᭄ᬝᬵᬫᬗ᭄ᬓᬾ᭞ᬲᬂᬳᬓᬸᬭᭂᬦᬶᬂᬓᬸᬮᬗᬸᬦ᭄᭞
Page:Bali-lontar-gaguritan-jagat-karana-300ppi.pdf/42
This page has been proofread.
