[᭔᭘ 48B]
᭞᭔᭘᭞
ᬳᬓᬡ᭄ᬥᬵᬓᬡ᭄ᬥᬵ᭞᭒᭒᭓᭞ᬯ᭄ᬯᭀᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵᬲᬫᬵᬳᬩᬕᬸᬲ᭄᭞ᬳᬧᬦ᭄ᬲᬶᬦᭂᬮᬶᬃᬓᬩᬾᬄ᭞ᬳᬢᬢ᭄ᬝᬵᬓᬤᬶᬭᬶᬂᬢᬸᬮᬶᬲ᭄᭞ᬕᬸᬩᬃᬩᬾᬭᬶᬕᬸᬫᭂᬦ᭄ᬢᬸᬲ᭄᭞ᬲ᭄ᬯᬭᬦᬶᬂᬫᬺ
ᬤᬗ᭄ᬕᬵᬳᬸᬫᬸᬂ᭞ᬕᬾᬕᬾᬃᬳᬸᬦᬶᬦᬶᬂᬧᭂᬭᬾᬭᬾᬢ᭄᭞ᬢᭂᬗᭂᬭᬦ᭄ᬮᬯᬦ᭄ᬍᬮᬬᬸ᭞ᬤ᭄ᬯᬚᬵᬳᬲ᭄ᬢ᭄ᬭᬵᬯᭂᬦᬭᬵᬧᭂᬢᬓ᭄᭞ᬳᬗᭂᬭᬓ᭄ᬲᬶᬮᬶᬃᬭᬶᬂᬫᬭᬸᬢ᭄ᬝᬵ᭟᭒᭒᭔᭞ᬓᬸᬤᬵᬳᬲ᭄ᬢᬶ
ᬲ᭄ᬬᬦ᭄ᬤᬡ᭄ᬦᬵᬓᬤᬶᬕᬸᬦᬸᬂ᭞ᬕᬺᬩᭂᬕ᭄ᬳᬶᬓᬂᬩᬮᬵ᭞ᬓᬬᬵᬳᬫ᭄ᬩᬸᬢᬸᬮᬶᬂᬧᬺᬢᬶᬯ᭄ᬯᬶ᭞ᬲᬂᬅᬃᬚᬸᬡ᭄ᬦᬵᬳᬸᬫᬸᬗ᭄ᬕᬸ᭞ᬳᬦᬾᬂᬭᬢᬵᬢᬸᬳ᭄ᬬᬵᬩᬕᬸᬲ᭄᭞ᬲᬭᬵᬩᬲ᭄ᬯᬭᬵᬳᬶᬗ
ᬬᬢ᭄᭞ᬲᬂᬯᬺᬓᭀᬤᬭᬵᬮᬸᬫᬓᬸ᭞ᬦᬸᬗ᭄ᬕᬂᬮᬶᬫᬦ᭄ᬗᬕᭂᬫ᭄ᬕᬤ᭄ᬥᬵ᭞ᬳᬓᬵᬓᬮᬸᬂᬲᬃᬧᬵᬧᭂᬮᬂ᭟᭒᭒᭕᭞ᬲᬂᬦᭂᬓᬸᬮᬵᬲᭂᬤᬾᬯ᭄ᬯᬵᬳᬦ᭄ᬥᬸᬮᬸᬃ᭞ᬳᬦᬸᬗ᭄ᬕᬦᬶᬂ
[᭔᭙ 49A]
ᬭᬡ᭞ᬭᬸᬧᬦᬾᬢᬸᬳ᭄ᬯᬵᬗᬗ᭄ᬭᬯᬶᬢ᭄᭞ᬲᬂᬤᬃᬫ᭄ᬫᬵᬢᭂᬦᬬᬵᬬᬾᬓᬸ᭞ᬳᬭᬢ᭄ᬝᬵᬫᬲ᭄ᬢᬸᬢᬸᬃ᭞ᬳᬩᬕᬸᬲ᭄ᬧᬶᬦᬬᬸᬂᬗᬦ᭄᭞ᬭᬶᬦᬜ᭄ᬘᬡ᭄ᬦᬵᬧᭀᬮᬄᬳᬳᭂᬳᬲ᭄ᬧᬢᬶᬳᬩᬕᬸᬲ᭄᭞
ᬩᬮᬦ᭄ᬬᬵᬗᬬᬢ᭄ᬲᬂᬚᬢ᭄ᬝᬵ᭞ᬓᬤᬶᬯᬺᬲᬵᬲᬫᬫ᭄ᬩᬸᬳ᭄ᬭᬢ᭄᭟᭒᭒᭖᭞ᬯ᭄ᬯᭀᬂᬧᬜ᭄ᬘᬮᬵᬦᭂᬕᬭᬵᬓᭂᬳᬸᬗ᭄ᬓᬸᬃ᭞ᬢᬦ᭄ᬧᬾᬦ᭄ᬤᬄᬭᬶᬂᬲᬸᬭᬢ᭄᭞ᬲᬂᬤᬦᬸᬭᬚᬵᬓᬶᬳᬶ
ᬭᬶᬂ᭞ᬳᬮᬵᬳᬮᬸᬯᬸᬂᬮᬸᬯᬸᬂ᭞ᬕᭀᬂᬕᭂᬦ᭄ᬤᬶᬂᬤ᭄ᬯᬚᬵᬲᬳᬸᬗ᭄ᬕᬸᬮ᭄᭞ᬲᬂᬦᬢ᭄ᬝᬵᬬᬦᬸᬗ᭄ᬕᬂᬭᬢ᭄ᬝᬵ᭞ᬲᬫᬵᬢᬸᬫᬦ᭄ᬤᬂᬗᬵᬧᬸᬧᬸᬮ᭄᭞ᬲᭂᬲᬾᬓᬵᬫᬧᭂᬦᬶᬂᬫᬃᬕ᭄ᬕᬵ᭞ᬧᬺᬱᬫᬵᬦᬢ᭄ᬝᬵ
ᬲᬜ᭄ᬚᬢ᭄ᬝᬵ᭟᭒᭒᭗᭞ᬧᬺᬱᬫᬵᬦᬶᬭᬵᬮᬸᬫᬫ᭄ᬧᬄᬳᬲ᭄ᬭᬸ᭞ᬧᬸᬧᬸᬘᬸᬓᬶᬂᬫᬭᬵ᭞ᬧ᭄ᬭᬩ᭄ᬯᬶᬂᬯᬶᬭᬢ᭄ᬝᬵᬮᬸᬫᬭᬶᬲ᭄᭞ᬤ᭄ᬯᬚᬵᬲᬳᬵᬢᬸᬩᬳᬦ᭄ᬳᬸᬫᬸᬂ᭞ᬭ
Page:Bali-lontar-gaguritan-jagat-karana-300ppi.pdf/49
This page has been proofread.
