[᭔᭙ 49B]
᭞᭔᭙᭞
ᬫ᭄ᬬᬵᬳᬗᬶᬗᬶᬃᬭᬶᬂᬳᬶᬓᬸ᭞ᬫᬺᬤᬗ᭄ᬕᬵᬧᬜ᭄ᬘᬮᬵᬦᭂᬕᬭᬵ᭞ᬧᬺᬲᬫᬵᬮᬸᬯᬸᬂᬮᬸᬯᬸᬂ᭞ᬲᬫᬵᬳᬗᬺᬕᭂᬧ᭄ᬲᬜ᭄ᬚᬢ᭄ᬝᬵ᭞ᬓᬤ᭄ᬬᬵᬳᬧ᭄ᬱᬭᬶᬗᬶᬦ᭄ᬥᬵᬭᬢ᭄᭟᭒᭒᭘᭞ᬲᬦᬢᬾᬂ
ᬯᬡ᭄ᬦᬵᬲᬩᬵ᭞ᬳᬦᬸᬗ᭄ᬕᬂᬗᬶᬂᬭᬢ᭄ᬝᬵ᭞ᬳᬗ᭄ᬭᬭᬲ᭄ᬢᬦ᭄ᬧᬾᬦ᭄ᬤᬄᬮ᭄ᬯᬶᬃᬕᬸᬦᬸᬂᬰᬭᬶ᭞ᬯ᭄ᬯᭀᬂᬗᬶᬂᬕᬚᬄᬯᬬᬾᬓᬸ᭞ᬧᬾᬗ᭄ᬓᬸᬄᬮ᭄ᬯᬶᬃᬕᬸᬦᬸᬂᬲᬶᬦᬸᬲᬸᬦ᭄᭞ᬲᬂᬩᬶᬫᬵᬳᬦᬸᬗ᭄ᬕᬂᬮᬶᬦᬦ᭄᭞
ᬳᬸᬮᬵᬯᬾᬮᬂᬫᬓᬵᬓᬮᬸᬂ᭞ᬧᬦ᭄ᬢᭂᬲ᭄ᬳᬗᬯ᭄ᬯᬵᬕᬤ᭄ᬥᬵ᭞ᬭᬸᬧᬦᬾᬫᭂᬓᬤᬶᬬᬵᬫᬺᬚᬬᬵ᭟᭒᭒᭙᭞ᬩᬮᬵᬫᬭᬶᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵᬓᬸᬫᬸᬲᬸᬄ᭞ᬢᬦ᭄ᬧᬾᬦ᭄ᬤᬄᬭᬶᬂᬓᭂᬫ᭄ᬩᬂ᭞
ᬧᭂᬗᬗ᭄ᬕᭀᬦᬾᬲᬫᬵᬮ᭄ᬯᬶᬄᬲᬂᬅᬃᬚᬸᬡ᭄ᬦᬵᬢᬸᬫᬦ᭄ᬥᬸᬓ᭄᭞ᬓᬂᬭᬢᬵᬫᬲ᭄ᬢᬸᬳ᭄ᬯᬵᬩᬕᬸᬲ᭄᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬫᬗ᭄ᬓᬾ᭞ᬳᬫᬃᬕ᭄ᬕᬵᬲᬶᬭᬵᬭᬶᬂᬧᬸᬗ᭄ᬓᬸᬃ᭞ᬲᬫᬵ
[᭕᭐ 50A]
ᬦᬶᬭᬵᬦᬸᬗ᭄ᬕᬂᬭᬢ᭄ᬝᬵ᭞ᬫᬲ᭄ᬳᬤᬶᬫᬬᬵᬫᬬᬵ᭟᭒᭓᭐᭞ᬰ᭄ᬭᬶᬤᬃᬫ᭄ᬫᬵᬯᬗ᭄ᬱᬵᬲᭀᬃᬭᬶᬂᬅᬃᬚᬸᬡ᭄ᬦᬵ᭞ᬪᬝᬭᬵᬓᬺᬱ᭄ᬡᬵ᭞ᬢᬦ᭄ᬧᬾᬦ᭄ᬤᬄᬮ᭄ᬯᬶᬃᬯᬶᬱ᭄ᬡᬸᬫᬸᬃᬢ᭄ᬝᬶ᭞ᬲᬳᬵᬤ᭄ᬯᬚᬵᬲᬢᬸᬗ᭄ᬕᬮ᭄᭞
ᬢᬩᭂᬄᬢᬩᭂᬳᬦ᭄ᬕᬸᬫᬸᬭᬸᬄ᭞ᬢᬶᬕᬂᬲᭂᬧ᭄ᬭᬶᬳᬦᬾᬂᬫᬃᬕ᭄ᬕᬵ᭞ᬳ᭄ᬦᭂᬂᬳᬓ᭄ᬦᬵᬳᬶᬓᬸ᭞ᬰ᭄ᬭᬶᬓᬮᬵᬫᬤᬸᬲᭀᬤᬡ᭄ᬦᬵ᭞ᬯᬸᬲ᭄ᬫᬗ᭄ᬓᬢ᭄ᬮᬸᬫᬓᬸᬯᬾᬂᬅᬯ᭄ᬯᬦ᭄᭟᭒᭓᭑᭞ᬧ᭄ᬭᬬᬦ᭄ᬳᬶᬭᬵ
ᬳᬲ᭄ᬢᬶᬫᬭᬵᬳᬗ᭄ᬮᬸᬭᬸᬕ᭄᭞ᬫᬭᬾᬂᬯᬡ᭄ᬦᬵᬲᬩᬵ᭞ᬢ᭄ᬓᬦᬶᬂᬕᬚᬄᬳᬬᬾᬓᬶ᭞ᬫ᭄ᬯᬂᬭᬶᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬾᬓᬵ᭞ᬯ᭄ᬯᭀᬂᬩᬂᬳᬲ᭄ᬢᬸᬢ᭄ᬝᬶᬬᬵᬲᬫ᭄ᬧᬸᬦ᭄᭞ᬫᬢᬶᬳᬾᬦᬓᬵᬤᬾᬦ᭄ᬧᭂᬚᬄ᭞ᬧᭂ
ᬦ᭄ᬤᬯ᭄ᬯᬵᬲᭂᬲᬦᬓ᭄ᬳᬶᬧᬸᬦ᭄᭞ᬭᬸᬚᭂᬕᬦ᭄ᬳᬦᬵᬭᬶᬂᬧ᭄ᬭᬂ᭞ᬳᬭᭂᬧ᭄ᬕᬦ᭄ᬢᬶᬬᬦᬶᬂᬧᭂᬦ᭄ᬥᬯ᭄ᬯᬵ᭟᭒᭓᭒᭞ᬫᬢᬶᬢᬸᬗ᭄ᬕᬮ᭄ᬧ᭄ᬚᬄᬓᬩᬾᬄᬳᬶᬓᬸ᭞ᬮᬸᬫᬭᬵᬭᬓ᭄ᬱᬱᬵ
Page:Bali-lontar-gaguritan-jagat-karana-300ppi.pdf/50
This page has been proofread.
