[᭕᭐ 50B]
᭞᭔᭙᭞
ᬭ᭄ᬫᬫ᭄ᬧᬓᬵᬕᬶᬭᬶᬕᬶᬭᬶᬳᬧᬦ᭄ᬩᬮᬦ᭄ᬦᬶᬭᬵᬯᬶᬩᬸᬄ᭞ᬥᬾᬢ᭄ᬬᬵᬥᬦᬯ᭄ᬯᬵᬳᬶᬓᬸ᭞ᬧᬶᬲᬘ᭄ᬘᬵᬧᬸᬮᬸᬂᬯᬶᬮ᭄ᬤᬾᬓ᭄᭞ᬳᭀᬭᭂᬕ᭄ᬮᬫ᭄ᬧᬄᬦ᭄ᬬᬵᬓᬸᬫᬸᬲᬸᬄ᭞ᬳᬬᬲᬵᬢ᭄ᬫᬳᬦ᭄
ᬢ᭄ᬕᬮ᭄᭞ᬓᭂᬮᬯ᭄ᬯᬦ᭄ᬤᬾᬦᬶᬂᬭᬓ᭄ᬱᬱᬵ᭟᭒᭓᭓᭞ᬓᬸᬦᬂᬩᬮᬦ᭄ᬬᬵᬫᬸᬗ᭄ᬕᬸᬄᬲᬸᬧ᭄ᬦᬸᬄ᭞ᬳᬦᬵᬳᭂᬦ᭄ᬢᬶᬬᬦ᭄ᬬᬵᬭᬶᬤᬸ᭞ᬳᬗᭂᬭᬓ᭄ᬲᬃᬯ᭄ᬯᬶᬦ᭄ᬬᬵᬫᭂᬮᬬᬸ᭞ᬓᬂᬧᭂᬗᬜ᭄ᬚᬸᬃᬦᬶᬂᬮᬸᬫᬫ᭄ᬧᬄ᭞ᬧ
ᬢ᭄ᬝᬶᬄᬭᬗ᭄ᬕᬵᬯ᭄ᬯᭀᬂᬮᬸᬫᬸᬭᬸᬕ᭄᭞ᬮᬭᬫ᭄ᬧᬓ᭄ᬕᭀᬭᬵᬯᬘᬡ᭄ᬦᬵ᭞ᬭᬸᬧᬦ᭄ᬬᬵᬧᬦ᭄ᬢᬲᬵᬫᬗ᭄ᬱᬵ᭟᭒᭓᭔᭞ᬧᬢ᭄ᬝᬶᬄᬤᬂᬤᬂᬯ᭄ᬯᭀᬂᬫᬭᬵᬢᬸᬫᬸᬦ᭄ᬥᬸᬓ᭄᭞ᬲᬫᬵᬦᬸᬗ᭄ᬕᬂᬮᬶᬫᬦ᭄᭞ᬭᬸᬧ
ᬦᬾᬮ᭄ᬯᬶᬃᬓᬮᬵᬕ᭄ᬦᬶ᭞ᬭᬗ᭄ᬕᬵᬤᭀᬯᬾᬂᬮᬸᬫᬸᬚᬸ᭞ᬮ᭄ᬯᬶᬃᬚᬢ᭄ᬝᬶᬭᬸᬧᬦ᭄ᬳᬶᬭᬾᬓᬸ᭞ᬬᬓ᭄ᬱᬵᬢᬸᬫ᭄ᬧᬓᬾᬮᬶᬫᬗ᭄ᬓᬾ᭞ᬓᬤᬶᬳᬸᬫᬺᬚᬬᬵᬫᬸᬲᬸᬄ᭞ᬓᬮᬵᬰ᭄ᬭᬶᬫᬤᬸᬲᭀᬤᬡ᭄ᬦᬵ᭞ᬳᬦᬸᬗ᭄ᬕᬂ
[᭕᭑ 51A]
ᬭᬢ᭄ᬝᬵᬲᬶᬬᬦ᭄ᬤᬡ᭄ᬦᬵ᭟᭒᭓᭕᭞ᬮᬸᬫᬫ᭄ᬧᬄᬦᬶᬭᬮ᭄ᬯᬶᬃᬕᬸᬦᬸᬂᬲᬶᬦᬸᬲᬸᬦ᭄᭞ᬰ᭄ᬭᬶᬕᬚᬄᬓᭂᬓᬾᬮᬾᬃ᭞ᬳᬦᬸᬗ᭄ᬕᬂᬓᬸᬤᬵᬳᬶᬲ᭄ᬢ᭄ᬭᬶ᭞ᬳᬶᬩᬸᬦ᭄ᬬᬵᬳᬦᬾᬂᬧᬸᬗ᭄ᬓᬸᬃ᭞ᬤᬾᬭᬵᬲᬂᬧ᭄ᬭᬩᬸ᭞ᬲᭂᬢ᭄ᬭᬶᬫᭂᬗᬦ᭄ᬢᬶᬓᬂᬳ
ᬭᬦᬾ᭞ᬮᬶᬫᬦ᭄ᬫᬲᬳᬵᬧᭂᬧᬬᬸ᭞ᬫ᭄ᬭᬓ᭄ᬫᬗ᭄ᬓᬾᬢᬸᬳ᭄ᬯᬵᬳᬗᬵᬭᬭᬲ᭄᭞ᬕᬶᬦᬵᬦᭂᬩᬕ᭄ᬤᬾᬦᬶᬂᬭᬓ᭄ᬱᬱᬵ᭟᭒᭓᭖᭞ᬲᬫᬵᬳᬗᬯ᭄ᬯᬵᬓᬦ᭄ᬢᬃᬩᭂᬤᬫ᭄ᬬᬵ᭞ᬓᬤ᭄ᬕᬵᬓᭀᬦ᭄ᬢᬮ᭄
ᬫᬗ᭄ᬓᬸ᭞ᬲᬫᬵᬳᬤᬦ᭄ᬤᬦ᭄ᬓᬦ᭄ᬢᬃ᭞ᬭᬶᬋᬂᬳᬾᬗ᭄ᬕᬮ᭄ᬓᬸᬫᬸᬲᬸᬄ᭞ᬲᭂᬓᬢ᭄ᬝᬵᬲᬂᬥᬾᬢ᭄ᬬᬵᬧ᭄ᬭᬩᬸ᭞ᬓ᭄ᬳᭀᬳᬗᭂᬦ᭄ᬤᭀᬦ᭄ᬧᬸᬕᭂᬭᬦ᭄᭞ᬮᬄᬫᬳᬶᬧᭂᬦ᭄ᬥᬯ᭄ᬯᬵᬳᬶᬓᬸ᭞ᬳᬧᬕᬸᬢ᭄ᬧᬸᬦᬂ
ᬭᬓ᭄ᬱᬱᬵ᭞ᬓᭂᬮᬯᬦ᭄ᬩᬮᬵᬧᭂᬦ᭄ᬤᬯ᭄ᬯᬵ᭟᭒᭓᭗᭞ᬭᬫᬾᬦᬶᬂᬧ᭄ᬭᬂᬕᬸᬮᬸᬂᬕᬶᬦᬸᬮᬸᬂ᭞ᬓᬤᬶᬬᬵᬭᭂᬳ᭄ᬦᬶᬂᬳᭀᬫ᭄ᬩᬓ᭄᭞ᬳᬦᬫ᭄ᬧᬸᬄᬓᬂᬲᬾᬮᬵᬳᬤ᭄ᬭᬶ᭞ᬳ᭄ᬬᬂᬦᬶᬂᬭᬸᬭᬕᬵ
Page:Bali-lontar-gaguritan-jagat-karana-300ppi.pdf/51
This page has been proofread.
