[᭕᭑ 51B]
᭞᭕᭑᭞
ᬳᬦ᭄ᬥᬸᬮᬸ᭞ᬭᬓ᭄ᬱᬱᬵᬫᬸᬗ᭄ᬕᬸᬄ᭞ᬧᭂᬦ᭄ᬥᬯ᭄ᬯᬵᬳ᭄ᬬᬂᬫᬗᬸᬭᬶ᭞ᬲᬸᬓᬵᬳᬦ᭄ᬥᬸᬮᬸ᭞ᬳ᭄ᬬᬂᬦ᭄ᬭᬤ᭄ᬥᬵᬩᬾᬱᬵᬡ᭄ᬦᬵ᭞ᬓ᭄ᬯᬾᬄᬓᬩᬾᬄᬯᬢᭂᬓ᭄ᬧᭂᬦ᭄ᬥᬯ᭄ᬯᬵ᭟᭒᭓᭘᭞ᬲᭂᬓ᭄ᬯᬾᬳᬶᬂᬯᬢᭂᬓ᭄
ᬥᬾᬯᬢ᭄ᬝᬵᬳᬦ᭄ᬥᬸᬮᬸ᭞ᬧᬦ᭄ᬤᬳᬢ᭄ᬓᭂᬘᬃᬬ᭄ᬬᬦ᭄᭞ᬳ᭄ᬬᬂᬫᬲᬾᬡ᭄ᬦᬵᬳᬜ᭄ᬘᬋᬰᬶ᭞ᬓᬢᬶᬗ᭄ᬕᬮᬶᬂᬮᬸᬯᬸᬃ᭞ᬲᬓᬶᬂᬅᬓᬱᬵᬤᬶᬦᬸᬮᬸ᭞ᬭᬫᬾᬦᬂᬧ᭄ᬭᬂᬳᬧᬸᬤᭂᬢᬦ᭄᭞ᬲᬶᬮᬶᬄᬳᬸ
ᬓᬶᬄᬲᬶᬮᬶᬄᬩᬸᬭᬸ᭞ᬳᬮᭀᬦ᭄ᬢᬭᬫᬾᬦᬶᬂᬧ᭄ᬭᬂ᭞ᬚᬦ᭄ᬫᬵᬓᭂᬧᬯᬦ᭄ᬭᬓ᭄ᬱᬱᬵ᭟᭒᭓᭙᭞ᬩᬮᬵᬭᬓ᭄ᬱᬱᬵᬲᬶᬮᬸᬄᬓᬧᬵᬮᬬᬸ᭞ᬧᬤᬵᬗᬸᬗ᭄ᬱᬶᬳᬸᬦ᭄ᬢᬢ᭄᭞ᬩᬮᬵ
ᬭᬓ᭄ᬱᬱᬵᬓ᭄ᬯᬾᬄᬫᬢᬶ᭞ᬧᬶᬦᬦᬄᬤᬾᬲᬂᬅᬃᬚᬸᬡ᭄ᬦᬵᬳᬶᬓᬸ᭞ᬦᬾᬕ᭄ᬦᬶᬚ᭄ᬯᬮᬵᬲᬫ᭄ᬧᬸᬦ᭄᭞ᬓᭂᬲᬶᬲᬦ᭄ᬩᬮᬵᬭᬓ᭄ᬱᬱᬵᬰ᭄ᬭᬶᬫᬤᬸᬲᭀᬤᬡ᭄ᬦᬵᬳᬦ᭄ᬥᬸᬮᬸᬤᬤᬶ᭞
[᭕᭒ 52A]
ᬓᬢᭀᬦ᭄ᬲᬂᬅᬃᬚᬸᬡ᭄ᬦᬵ᭞ᬓᬗ᭄ᬕᭂᬲ᭄ᬢ᭄ᬯᬲ᭄ᬱᬂᬥᬾᬢ᭄ᬬᬵᬭᬚᬵ᭟᭒᭔᭐᭞ᬰ᭄ᬭᬶᬫᬤᬸᬲᭀᬤᬡ᭄ᬦᬵᬳᬗ᭄ᬭᬱᬵᬳᬦ᭄ᬢᬸ᭞ᬤᬾᬦᬶᬭᬵᬧᬮ᭄ᬕᬸᬡ᭄ᬦᬵ᭞ᬤᬾᬢ᭄ᬬᬵᬚᬢᭀᬦ᭄ᬮᬕᬶᬉᬭᬶᬧ᭄᭞ᬳ
ᬧᬦ᭄ᬤᬸᬤᬸ᭞ᬫᬓᬵᬮᬯᬦ᭄ᬦᬶᬭᬵᬥᬾᬢ᭄ᬬᬵᬧ᭄ᬭᬩᬸ᭞ᬳᬸᬦᬶᬲᬫ᭄ᬧᬸᬦ᭄ᬫᬢᬶ᭞ᬫᬗ᭄ᬓᬶᬦ᭄ᬤᬤᬶᬓᭂᬤᬸᬮᬸ᭞ᬮᬕᬶᬉᬭᬶᬧ᭄ᬲᬶᬅᬃᬚᬸᬡ᭄ᬦᬵ᭞ᬧᬸᬦ᭄ᬤᬶᬳᭀᬮᬶᬄᬓᭂᬲᬓ᭄ᬢᬶᬬᬦ᭄᭟
᭒᭔᭑᭞ᬧᬦ᭄ᬱᭂᬤᬾᬯ᭄ᬯᬵᬳᬢᬦᬶᬂᬦᬶᬂ᭞ᬓᬮᬵᬢᬸᬫ᭄ᬧᬂᬓᬾᬮᬶ᭞ᬳᬕᬾᬧᬶᬦᬻᬚᬬᬵ᭞ᬲᬫ᭄ᬧᬸᬦ᭄ᬫᬢᬶ᭞ᬲᬂᬦᭂᬓᬸᬮᬵᬳᬫ᭄ᬩᬸᬭᬸ᭞ᬧᬸᬦ᭄ᬭᬗ᭄ᬕᬵᬤᭀᬯ᭄ᬯᬵᬂ
ᬳᬫᬕᬸᬢ᭄᭞ᬭᬫᬾᬦᬶᬂᬧ᭄ᬭᬂᬲᬶᬮᬶᬄᬧᬤᬻ᭞ᬲᬶᬮᬶᬄᬧᬺᬧ᭄ᬩᬸᬭᬸᬩᬶᬦᬸᬭᬸ᭞ᬭᬗ᭄ᬕᬵᬤᭀᬯ᭄ᬯᭀᬂᬲᬫ᭄ᬧᬸᬦ᭄ᬧᭂᬚᬄ᭞ᬓᬯᬾᬦᬂᬤᬾᬲᬂᬦᭂᬓᬸᬮᬵ᭟
Page:Bali-lontar-gaguritan-jagat-karana-300ppi.pdf/52
This page has been proofread.
