[᭕᭓ 53B]
᭞᭕᭒᭞
ᬤᬶᬭᬸᬓ᭄ᬲᬂᬦᬢ᭄ᬝᬵᬢᬸᬳ᭄ᬯᬵᬢᭂᬕᬸᬄ᭞ᬧᬢ᭄ᬝᬶᬄᬭᬗ᭄ᬕᬵᬯ᭄ᬯᭀᬂᬤᬶᬦᬦ᭄ᬥᬵ᭞ᬢ᭄ᬭᬸᬲ᭄ᬤᬤᬵᬭᬄᬦ᭄ᬬᬵᬫᬸᬮᬓᬦ᭄᭟ᬰ᭄ᬭᬶᬥᬾᬯ᭄ᬯᬶᬫᭂᬗᬦ᭄ᬢᬶᬳᬲᭂᬫᬸᬋᬗᬸ᭞ᬓ᭄ᬭᬂᬳ᭄ᬭᬂ᭞ᬫᬭᬵᬤᬾᬦᬶᬂᬲᬸᬢᬦ᭄ᬬᬵᬯᬸᬲ᭄ᬫᬢᬶ᭞
ᬲᬂᬤᬃᬫ᭄ᬫᬵᬯᬗ᭄ᬱᬵᬳᬫᬕᬸᬢ᭄᭞ᬧᬸᬲ᭄ᬢᬓᬵᬫᬶᬦᬸᬲ᭄ᬢᬶᬲᬫ᭄ᬧᬸᬦ᭄᭞ᬢ᭄ᬫᬄᬤᬦ᭄ᬤᬵᬢᬸᬃᬮᬶᬦᭂᬧᬲ᭄᭞ᬳᬦ᭄ᬢᬸᬓ᭄ᬤᬤᬵᬥᬾᬯ᭄ᬯᬶᬫᭂᬗᬦ᭄ᬢᬶ᭞ᬯᬸᬲ᭄ᬗᭂᬫᬲᬦᬵ᭞ᬓᬂᬲᬸᬭᬓ᭄ᬳᬸᬫᬸᬂᬕᬸᬃᬦᬶᬢ᭄ᬝᬵ᭟᭒᭔᭘᭞
ᬲᬾᬓᬶᬂᬫᬢᬶᬲᬫᬵᬫᭂᬮᬬᬸ᭞ᬧᬸᬦ᭄ᬕᬚᬄᬓᭂᬓᬾᬮᬾᬃ᭞ᬧᬸᬦ᭄ᬢ᭄ᬯᬮᬾᬦ᭄ᬳᬂᬗᬫ᭄ᬮᬶ᭞ᬳᬗᬶᬲ᭄ᬦ᭄ᬬᬵᬕᬤᬸᬄᬳᬤᬸᬄ᭞ᬩᬩᬸᬬᬬᬄᬫᬢᬶᬳᬶᬗ᭄ᬱᬸᬦ᭄᭞ᬲᬶᬦᬸᬤᬸᬓ᭄ᬤᬾᬭᬵ
ᬢ᭄ᬯᬮᬾᬦ᭄᭞ᬳᬸᬭᬶᬧᬵᬳᬸᬕᬵᬳᬶᬗ᭄ᬱᬸᬦ᭄᭞ᬳᬾᬦᬓ᭄ᬕᬶᬦᬯᬾᬓᭂᬳᬸᬮᬵ᭞ᬲᬸᬦ᭄ᬢᬸᬫᬸᬢ᭄ᬫᬗ᭄ᬓᬾᬬᬵᬗᬯᬸᬮᬵ᭟᭒᭔᭙᭞ᬕᬯᬾᬳᬸᬕᬵᬳᬶᬗ᭄ᬱᬸᬦ᭄ᬚᬸᬭᬸ
[᭕᭔ 54A]
ᬓᬸᬲᬸᬓ᭄᭞ᬤᬤ᭄ᬬᬦ᭄ᬬᬵᬫᬺᬚᬓᬵ᭞ᬳᬶᬗ᭄ᬱᬸᬦ᭄ᬫᬗ᭄ᬓᬾᬳᬦᬸᬢᬸᬃᬭᬶᬢᬸᬢᬶ᭞ᬳᬶᬗᬬᬢ᭄ᬲᬶᬭᬵᬤᬸᬯᬸᬂ᭞ᬕᬚᬄᬓᭂᬓᬾᬮᬾᬃᬳᬗᬤᬸᬄ᭞ᬩᬩᬸᬉᬭᬶᬧᬦᬵᬳᬗ᭄ᬯᬂ᭞ᬢᬸᬃᬤᬶᬦᬸᬤᬸᬓ᭄᭞ᬲᬶᬭᬵ
ᬳᬜ᭄ᬚᬓᬂ᭞ᬕᬚᬄᬓᭂᬓᬾᬮᬾᬃᬳᬗᭂᬭᬓ᭄᭟᭒᭕᭐᭞ᬧᬸᬦ᭄ᬢ᭄ᬯᬮᬾᬦ᭄ᬲᬶᬕᬸᬬᬸ᭞ᬕᬸᬫᬸᬬᬸᬳᬗᬢᬶᬓ᭄ᬓᬤ᭄ᬕᬵ᭞ᬕᬚᬄᬓᭂᬓᬾᬮᬾᬃᬳᬓ᭄ᬮᬶᬤ᭄᭞ᬳᬢᬸᬓᬸᬧ᭄ᬲᭀᬘᬦ᭄ᬳᬶᬧᬸ
ᬦ᭄᭞ᬧᬸᬦ᭄ᬢ᭄ᬯᬮᬾᬦ᭄ᬧᬶᬦ᭄ᬤᬵᬳᬦᬸᬤᬸᬓ᭄᭞ᬳᬜᭂᬜᭂᬧ᭄ᬧᬸᬦ᭄ᬕᬚᬄᬓᭂᬓᬾᬮᬾᬃ᭞ᬕᬕᬓ᭄ᬳᬫ᭄ᬧᬸᬳᬦ᭄ᬳᬫᬸᬯᬸᬲ᭄᭞ᬳᬚᬵᬳᬸᬕᬵᬳᬂᬭᬭᬵᬭᬭᬵ᭞ᬧ᭄ᬚᬄᬳᬦᬵᬢᬵᬤᬾᬦ᭄ᬳᬗ᭄ᬕᬮ᭄᭟
᭒᭕᭑᭞ᬧᬸᬦ᭄ᬢ᭄ᬯᬮᬾᬦ᭄ᬲᬶᬭᬵᬮᬕ᭄ᬬᬵᬫᬸᬯᬸᬲ᭄᭞ᬧᬧᬦ᭄ᬳᬶᬗ᭄ᬱᬸᬦ᭄ᬓᬓᬵ᭞ᬳᬦᬸᬤᬸᬓ᭄ᬲᬤᬶᬤᬶᬓ᭄ᬤᬶᬓ᭄᭞ᬧᬸᬦ᭄ᬕᬕᬓ᭄ᬳᬫ᭄ᬧᬸᬳᬦ᭄᭞ᬲᬶᬭᬵᬳᬗᬸᬦᬸᬲ᭄ᬤᬸᬯᬸᬂ᭞ᬤᬶ
Page:Bali-lontar-gaguritan-jagat-karana-300ppi.pdf/54
This page has been proofread.
