[᭕᭔ 54B]
᭞᭕᭓᭞
ᬦᬸᬓ᭄ᬓᬶᬕᬚᬄᬓᭂᬓᬾᬮᬾᬃ᭞ᬳᬦ᭄ᬢᬸᬓ᭄ᬚᬚᬦ᭄ᬦᬶᬭᬵᬢᬸᬫᬸᬲ᭄᭞ᬧ᭄ᬚᬄᬳᬦᬶᬩᬵᬭᬶᬂᬍᬫᬄ᭞ᬮ᭄ᬯᬶᬃᬓᬸᬦᬧᬦᬶᬂᬓᭂᬲᬶᬤᬦ᭄᭟᭒᭕᭒᭞ᬰ᭄ᬭᬶᬓᬺᬱ᭄ᬡᬵᬳᬗᭂᬍᬧᬲ᭄ᬳᬓᭂᬦ᭄ᬰᬭᬵᬳᬲ᭄ᬢ᭄ᬭᬵ᭞
ᬓᬮᬵᬕ᭄ᬦᬶᬭᬸᬤᬻ᭞ᬧᬶᬦᬦᬄᬲᬾᬲᬦᬶᬂᬫᬢᬶ᭞ᬕᭂᬲᭂᬂᬳᬢ᭄ᬫᬳᬦ᭄ᬳᬯᬸ᭞ᬲᬂᬓᬺᬱ᭄ᬡᬵᬫᭂᬗᬬᬢ᭄ᬘᬓ᭄ᬭᬵ᭞ᬮᬶᬦᭂᬧᬲᬦ᭄ᬳᬦᬾᬂᬳᬓᬱᬵ᭞ᬳᬸᬤᭀᬦ᭄ᬳᬦᬵᬤᬸᬮᬸᬃᬲᬾᬦ᭄ᬥᬸᬂ᭞ᬕᭂ
ᬦ᭄ᬢᬸᬄᬫᬶᬮᬶᬳᬦᬵᬭᬘᬄ᭞ᬧᬸᬦᬂᬲᬯ᭄ᬯᬵᬲᬶᬦᬧᬸᬳᬦ᭄᭟᭒᭕᭓᭞ᬳᬶᬗᬲ᭄ᬢᬸᬢ᭄ᬝᬶᬥᬶᬢ᭄ᬬᬵᬲᬸᬃᬬ᭄ᬬᬵᬲᬸᬫᬸᬦᬸ᭞ᬳᬫᬤᬂᬗᬶᬂᬅ᭄ᬭᬢ᭄᭞ᬧᬸᬦᬂᬕᭂᬕᬡ᭄ᬦᬵᬳᬾᬦᬶᬂ᭞ᬲᬸᬦᬵᬳ᭄ᬬᬂᬦᬶᬂ
ᬲ᭄ᬯᬃᬕ᭄ᬕᬵᬳᬾᬓᬸ᭞ᬓᬸᬦᬧᬵᬥᭂᬦᬯ᭄ᬯᬵᬥᬶᬢ᭄ᬬᬵᬩᬸᬢᬵ᭞ᬫ᭄ᬯᬂᬓᬮᬵᬓᬮᬶᬫᬗ᭄ᬓᬾ᭞ᬧᬶᬲᬦ᭄ᬢᬤ᭄ᬗᭂᬦ᭄ᬯᬶᬮ᭄ᬲᬫ᭄ᬧᬸᬦ᭄᭞ᬲᬶᬤᬵᬓᬃᬬ᭄ᬬᬵᬲᬶᬦᬧᬸᬳᬦ᭄᭞ᬲᬸᬓᬵᬯᬢᭂᬓᬶᬂᬲ᭄ᬯᬃᬕ᭄ᬕᬵ᭟
[᭕᭕ 55A]
᭒᭕᭔᭞ᬲᬸᬓᬵᬳ᭄ᬬᬂᬧᬺᬢᬶᬯ᭄ᬯᬶᬳᬦ᭄ᬥᬸᬮᬸ᭞ᬲᬶᬃᬦᬦᬶᬂᬭᬓ᭄ᬱᬱᬵ᭞ᬳᬫᬵᬗᬶᬕᭂᬮ᭄ᬢᬵᬳ᭄ᬬᬂᬧᬺᬢᬶᬯ᭄ᬯᬶ᭞ᬢᬸᬫᭀᬦᬶᬂᬲᬂᬫᬳᬵᬓᬮᬵᬳᬦ᭄ᬢᬸ᭞ᬯᬸᬲ᭄ᬳᬦᬯᬸᬢ᭄ᬧᬬᬸᬂ᭞ᬧᬦ᭄ᬤᬳᬢ᭄ᬢᬶᬓ᭄ᬱᭂ
ᬦᬦᬶᬂᬤᬬᬵ᭞ᬳ᭄ᬬᬂᬧᬺᬢᬶᬯ᭄ᬯᬶᬓᭂᬳᬫ᭄ᬩᬳᬵᬤᬶᬬᬸ᭞ᬫ᭄ᬯᬄᬓᬮᬵᬓᬮᬶᬤᬸᬱ᭄ᬝᬵ᭞ᬫᬗ᭄ᬓᬾᬲᬸᬓᬵᬳ᭄ᬬᬂᬧᭂᬢᬮᬵ᭟᭒᭕᭕᭞ᬤᬤ᭄ᬬᬵᬳᬢ᭄ᬫᬳᬦ᭄ᬲᭀᬭᬾᬲᬶᬭᬵᬫᬸᬦ᭄ᬥᬸᬃ᭞ᬧ᭄ᬭᬩᬸᬧ
ᬢ᭄ᬝᬶᬫᬗ᭄ᬓᬾ᭞ᬲᬸᬭᬓ᭄ᬓᭂᬭᬸᬗ᭄ᬕᬸᬯᬶᬂᬮᬗᬶᬢ᭄᭞ᬲᭂᬫ᭄ᬩᬂᬳᬸᬭᬵᬓᬸᬫᬸᬲᬸᬄ᭞ᬧᬸᬲ᭄ᬧᬵᬯᬃᬱᬵᬳᬲᬸᬲᬸᬦ᭄ᬲᬸᬲᬸᬦ᭄᭞ᬲᬶᬦᬶᬭᬶᬭᬶᬂᬫᬭᬸᬢ᭄ᬝᬵ᭞ᬲᬂᬦᬢ᭄ᬝᬵᬧᬺᬲᬫᬵᬫᬦ᭄ᬢᬸᬓ᭄᭞ᬲ
ᬫᬗᬾᬮᬶᬂᬗᬂᬲᭂᬲᬡ᭄ᬦᬵ᭞ᬳᬗ᭄ᬕᬵᬤᬢᭀᬦ᭄ᬲᭀᬯᬂᬲᭀᬯᬂ᭟᭒᭕᭖᭞ᬦ᭄ᬤᬢᬦ᭄ᬓᭂᬯᬃᬡ᭄ᬦᬵᬫᬗ᭄ᬓᬾᬭᬶᬂᬤᬮᬸ᭞ᬯᬸᬲ᭄ᬱᬫᬵᬳᬧ᭄ᬬᬲ᭄᭞ᬳᬾᬦ
Page:Bali-lontar-gaguritan-jagat-karana-300ppi.pdf/55
This page has been proofread.
