[᭕᭕ 55B]
᭞᭕᭔᭞
ᬳᬫᬸᬓ᭄ᬢᬶᬰ᭄ᬭᬶᬦᬭᬵᬧᬢ᭄ᬝᬶ᭞ᬫ᭄ᬯᬂᬯᬢᭂᬓ᭄ᬧᭂᬦ᭄ᬤᬯ᭄ᬯᬵᬳᬮᬗᬸ᭞ᬳᬫᬗ᭄ᬕᬶᬄᬯᬶᬃᬬ᭄ᬬᬵᬓᭂᬧ᭄ᬭᬩᬸᬦ᭄᭞ᬲᬸᬦ᭄ᬲᬦᬓᬵᬩᬮᬵ᭞ᬧᬸᬦᬂᬦᭂᬕᬭᬵᬯᬸᬲ᭄ᬮᬦ᭄ᬥᬸᬄ᭞ᬓᭂᬢ᭄ᬝᬵᬓᬶᬢ᭄ᬝᬶᬫᬬᭀᬕ᭞
ᬲᬸᬓᬵᬲᬓ᭄ᬯᬾᬳᬶᬂᬳᬫᬸᬓ᭄ᬢᬶᬬᬵ᭟᭒᭕᭗᭞ᬧᬸᬦᬂᬢᬳᬸᬦ᭄ᬤᬤᬶᬫ᭄ᬯᬂᬢᬸᬫᬸᬯᬸᬄ᭞ᬩ᭄ᬬᬸᬳᬵᬯᬺᬤᬶᬫᬗ᭄ᬓᬾ᭞ᬦ᭄ᬤᬢᬦ᭄ᬓᭀᬘᬧᬦ᭄ᬧᬸᬦᬶᬓᬶ᭞ᬳᬾᬜ᭄ᬚᬶᬂᬲᬶᬭᬵᬳᬯᬗᬸ᭞ᬳ
ᬲᬸᬘ᭄ᬘᬶᬮᬓ᭄ᬱᬡ᭄ᬦᬵᬲᬫ᭄ᬧᬸᬦ᭄᭞ᬫ᭄ᬢᬸᬫᬭᬶᬂᬧᭂᬦᬗ᭄ᬓᬶᬮᬦ᭄᭞ᬲᬂᬧᭂᬦ᭄ᬤᬯ᭄ᬯᬵᬧᬤᬵᬳᬯᬸᬫ᭄᭞ᬳᬤᬵᬄᬧᬸᬗ᭄ᬕᬸᬯᬶᬂᬲᬶᬗᬵᬲᬡ᭄ᬦᬵ᭞ᬤᬃᬫ᭄ᬫᬵᬯᬗ᭄ᬱᬵᬮᬦ᭄ᬱᬂᬓᬺᬱ᭄ᬡᬵ᭟᭒᭕᭘᭞
ᬪᬝᬭᬶᬓᬸᬡ᭄ᬝᬶᬳᬮᭀᬦ᭄ᬳᬫᬸᬯᬸᬲ᭄᭞ᬓᬓᬶᬤᬃᬫ᭄ᬫᬵᬯᬗ᭄ᬱᬵ᭞ᬳᬗᬧᬵᬤᬾᬭᬵᬗ᭄ᬭᬲᬦᬶᬦ᭄᭞ᬤᬾᬦᬾᬦᭂᬕᬭᬵᬮᬦ᭄ᬥᬸᬄ᭞ᬧᬦ᭄ᬢᬦ᭄ᬗᭂᬭᬱᬦᬶᬦ᭄ᬫᬸᬲᬸᬄ᭞
[᭕᭖ 56A]
ᬮᬕ᭄ᬬᬵᬗᭂᬭᬱᬦᬶᬦ᭄ᬓᬃᬬ᭄ᬬᬵᬧᬗ᭄ᬮᬸᬯᭂᬭᬾᬫᭂᬭᬚᬵᬫᬦ᭄ᬥᬸ᭞ᬓᬓᬶᬓᬺᬱ᭄ᬡᬵᬓᬬᬵᬳᬗᬧᬵ᭞ᬧᬦ᭄ᬢᭂᬲ᭄ᬦᬵᬓᬸᬕᬵᬧᬶᬲᬦ᭄᭟᭒᭕᭙᭞ᬫᬭᬶᬂᬩᬤᬻᬯᬤᬵᬓᬃᬬ᭄ᬬᬵᬧᬸᬦᬶᬓᬸ᭞ᬳᬧᬵᬭᬾ
ᬓᬵᬓᬃᬬ᭄ᬬᬵ᭞ᬢᬦ᭄ᬳᬤᭀᬄᬩᬤᬻᬯᬤᬵᬦᬾᬓᬶ᭞ᬭᬶᬂᬧᭂᬦᬶᬍᬫᬶᬂᬳᬶᬓᬸ᭞ᬩ᭄ᬘᬶᬓ᭄ᬧᬸᬦᬶᬓᬵᬢᬶᬦᬸᬭᬸᬢ᭄᭞ᬬᬦᬵᬫᬸᬭᬸᬕᬶᬓᬃᬬ᭄ᬬᬵ᭞ᬳᬧᬦ᭄ᬢᬦ᭄ᬫᬗ᭄ᬕᬶᬄᬳᬾᬯᬸᬄ᭞ᬲᬫᬵᬫᬸᬭᬸᬕ᭄ᬳᬶᬓᬵ᭞
ᬳᬧᬦᬵᬮᬶᬗ᭄ᬕᬶᬄᬳᬦᭂᬫᬸᬧᬧᬵ᭟᭒᭖᭐᭞ᬮᬶᬂᬗᬶᬂᬳᬚᬶᬤ᭄ᬯᬮ᭄ᬳᬭᬦ᭄ᬳᬭᬶᬓᬸ᭞ᬲᬸᬫᬯᬸᬃᬰ᭄ᬭᬶᬓᬺᬱ᭄ᬡᬵ᭞ᬧᬶᬭᬵᬕᭂᬦᬶᬂᬧᬧᬦ᭄ᬦᬾᬓᬶ᭞ᬪᬝᬭᬶᬓᬸᬦ᭄ᬢᬶᬬᬵᬳᬫᬸᬯᬸᬲ᭄᭞
ᬳᬤᬸᬄᬓᬓᬶᬳᬦᬓ᭄ᬳᬶᬗ᭄ᬱᬸᬦ᭄᭞ᬘᬓ᭄ᬬᬵᬯᬲ᭄ᬯᬵᬲᬶᬜᭀᬓ᭄ᬳᬭᬦᬾ᭞ᬳᬤ᭄ᬯᬵᬮᬶᬂᬲᭂᬲᬡ᭄ᬦᬵᬢᬸᬢᬸᬃ᭞ᬳᬫᬗ᭄ᬕᬶᬄᬧᬧᬵᬧᭂᬢᬓᬵ᭞ᬳᬓᬭᬵᬤ᭄ᬱᬵᬯᬃᬱᬵ᭟
Page:Bali-lontar-gaguritan-jagat-karana-300ppi.pdf/56
This page has been proofread.
