[᭕᭘ 58B]
᭞᭕᭗᭞
ᬢᬸᬫᬸᬮ᭄ᬬᬵᬗᬮᭀᬃᬲᬶᬭᬵᬳᬦᬭᬸᬂ᭞ᬳᬗᬶᬤᬸᬮ᭄ᬲᬂᬩᬶᬫᬵ᭞ᬲᬂᬦᭂᬓᬸᬮᬵᬲᬶᬭᬵᬫᬗ᭄ᬕᬶᬄ᭞ᬥᬾᬢ᭄ᬬᬵᬭᬓ᭄ᬱᬱᬵᬳᬶᬓᬸ᭞ᬓᬶᬭᬸᬭᬵᬳᬫ᭄ᬩᭂᬓ᭄ᬳᬶᬭᬵᬳᬗᬸᬯᬸᬄ᭞ᬓᬤᬶᬕᬸᬦᬸᬂᬍᬮᬫ᭄ᬧᬳᬦ᭄᭞
ᬕᬮᬓ᭄ᬳᬶᬭᬵᬳᬗᬫᬄᬳᬶᬓᬸ᭞ᬲᭂᬤᬾᬯ᭄ᬯᬵᬗ᭄ᬭᬲᬳᬓᭂᬦ᭄ᬧᭂᬚᬄ᭞ᬓᬶᬮᬢᬦ᭄ᬭᬤᬾᬦ᭄ᬦᭂᬓᬸᬮᬵ᭟᭒᭗᭒᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬓᭂᬘᬸᬦ᭄ᬥᬸᬓ᭄᭞ᬥᬾᬢ᭄ᬬᬵᬓᬮᬵᬡ᭄ᬯᬡ᭄ᬦᬵ᭞
ᬳᬗᬸᬗᬲ᭄ᬕᬦ᭄ᬤᬦᬶᬂᬚᬦ᭄ᬫᬶ᭞ᬳᬗ᭄ᬭᬓ᭄ᬱᬶᬭᬵᬳᬗᬫ᭄ᬩᬸᬂ᭞ᬫᬗᬧ᭄ᬫᬗᬧ᭄ᬧᭀᬮᬄᬳᬶᬓᬸ᭞ᬫᬜ᭄ᬘ᭄ᬭᬂᬲᭀᬘᬦ᭄ᬬᬵᬳᬦ᭄ᬥᬸᬮᬸᬯᬵ᭞ᬓᬶᬢ᭄ᬯᬮᬾᬦ᭄ᬳᬲᭂᬫᬸᬓᬾᬯᬸᬄ᭞ᬳᬘᬸᬫ᭄
ᬫᬗ᭄ᬭᬱᬦᬶᬂᬧ᭄ᬚᬄ᭞ᬢᬶᬦᬤᬄᬓᬮᬵᬡ᭄ᬯᬡ᭄ᬦᬵ᭟᭒᭗᭓᭞ᬳᬭᭂᬧ᭄ᬢᬵᬲᬶᬭᬵᬫᬗ᭄ᬓᬾᬫᭂᬮᬬᬸ᭞ᬤᬳᬢ᭄ᬳᬶᬓᬂᬫᬭᬲ᭄᭞ᬢᬦ᭄ᬥᬸᬯᬵᬥᬾᬢ᭄ᬬᬵᬫᬭᭂᬧ᭄ᬳᬾᬓᬶ᭞
[᭕᭙ 59A]
ᬳᬯᬲ᭄ᬫᬭᭂᬧ᭄ᬳᬾᬓᬶ᭞ᬳᬯᬲ᭄ᬲᬶᬭᬵᬳᬦ᭄ᬥᬸᬮᬸ᭞ᬳᬶᬄᬚᬤ᭄ᬫᬵᬳᬦᭀᬫ᭄ᬭᭀᬭᭀᬭᬯᬸᬄ᭞ᬧᬭᬦ᭄ᬧᬭᭂᬧ᭄ᬢᬵᬫᭂᬭᬗ᭄ᬓᬾ᭞ᬚᬸᬫᬸᬕᬵᬭᬶᬂᬚᭀᬕᬦ᭄ᬳᬶᬗ᭄ᬱᬸᬦ᭄᭞ᬮᬯᬲ᭄ᬦᭀᬭᬵ
ᬳᬦᬵᬯ᭄ᬯᭀᬂᬯᬦᬶᬬᬵ᭞ᬫᬭᬵᬭᬶᬂᬓᬬᬂᬗᬦ᭄ᬳᬶᬗ᭄ᬯᬂ᭟᭒᭗᭔᭞ᬲᬂᬦᭂᬓᬸᬮᬵᬲᭂᬤᬾᬯ᭄ᬯᬵᬳᬫᬸᬯᬸᬲ᭄᭞ᬳᬫᬦᬶᬲ᭄ᬲᬩ᭄ᬥᬦᬾ᭞ᬳᬶᬗ᭄ᬱᬸᬦ᭄ᬓᬶᬦᭀᬦ᭄ᬳᬶᬩᬸᬳᬚᬶ᭞
ᬳᬗᬸᬮᬢᬶᬧᬸᬦᬶᬓᬸ᭞ᬳᬭᬶᬦᬵᬲ᭄ᬯᬾᬢ᭄ᬝᬵᬓᬂᬢᬸᬮᬸᬲ᭄᭞ᬓᭀᬘᬧ᭄ᬭᬶᬂᬯᬡ᭄ᬦᬵᬦᬦ᭄ᬤᬦᬵ᭞ᬓᬭᬦᬶᬂᬲᬸᬦ᭄ᬫᬗ᭄ᬓᬶᬬᬵᬭᬯᬸᬄ᭞ᬥᬾᬢ᭄ᬬᬵᬧᬸᬦ᭄ᬢᬵᬓᬬᬵᬩ᭄ᬯᬡ᭄ᬦᬵ᭞ᬓ᭄ᬭᭀᬤᬵ
ᬳᬗᭂᬭᬓᬵᬲᬶᬗᬵᬦᬤᬵ᭟᭒᭗᭕᭞ᬳᬄᬳᬶᬄᬲᬧᬵᬢᬵᬓᬶᬢᬵᬳᬭᬦ᭄ᬫᬸ᭞ᬮᬄᬚᬦ᭄ᬢᭂᬦᭂᬦ᭄ᬳᬶᬗ᭄ᬯᬂ᭞ᬧᬭᬶᬦᬫᬦᬶᬂᬫᬶᬭᬵᬓᬮᬶᬄ᭞ᬯᬦᬶᬭᬶᬂᬮᬭᬂᬗᬦ᭄᭞
Page:Bali-lontar-gaguritan-jagat-karana-300ppi.pdf/59
This page has been proofread.
