[᭕᭙ 59B]
᭞᭕᭘᭞
ᬳᬶᬗ᭄ᬱᬸᬦ᭄᭞ᬭᬭᬾᬩᭀᬜ᭄ᬘᬄᬲᬶᬭᬵᬳᬶᬓᬸ᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬮᬶᬂᬗᬾ᭞ᬳ᭄ᬬᬂᬓᭀᬘᬧᬵᬳᬭᬦ᭄ᬫᬸ᭞ᬓᭂᬧᬧᬕ᭄ᬓᭂᬢᭂᬫᬸᬳᬶᬗ᭄ᬓᬾᬦᬾ᭞ᬮᬄᬚᬦ᭄ᬢᭂᬦ᭄ᬳᬶᬗ᭄ᬯᬂ᭟᭒᭗᭖᭞
ᬥᬾᬢ᭄ᬬᬵᬓᬮᬵᬡ᭄ᬯᬡ᭄ᬦᬵᬳᬭᬦ᭄ᬬᬵᬳᬓᬸ᭞ᬳᬗᬸᬯᬸᬄᬳᬗᭂᬭᬓ᭄ᬧ᭄ᬭᬬᬢ᭄ᬦᬵᬳᬦᬗ᭄ᬱᬵᬚᬦ᭄ᬫᬶ᭞ᬳᬾᬄᬳᬾᬄᬫᬦᬸᬱᬵᬓᬫᬸ᭞ᬤᬓ᭄ᬱᬸᬦ᭄ᬧᬗᬦ᭄ᬓᬶᬢ᭄ᬝᬵᬳᬶᬓᬸ᭞ᬲᬧᬵᬳᬭᬓ᭄ᬦᬶᬭᬵ
ᬫᬗ᭄ᬓᬾ᭞ᬲᬂᬧᭂᬦ᭄ᬤᬯ᭄ᬯᬵᬮᬶᬂᬦ᭄ᬬᬵᬫᬸᬯᬸᬲ᭄᭞ᬳᬶᬗ᭄ᬱᬸᬦ᭄ᬦᭂᬓᬸᬮᬵᬲᭂᬤᬾᬯ᭄ᬯᬵ᭞ᬲᬦᬓᬶᬂᬧᭂᬦ᭄ᬤᬯ᭄ᬯᬵᬚᬬᬵ᭟᭒᭗᭗᭞ᬥᬾᬢ᭄ᬬᬵᬧᬸᬦ᭄ᬢᬵᬓᬬᬵᬩ᭄ᬯᬡ᭄ᬦᬵᬳᬲ᭄ᬭᬸ᭞ᬳᬚ᭄ᬭᬶᬢ᭄ᬳᬕᬾᬲᬶᬭᬵ᭞
ᬳᬭᭂᬧ᭄ᬳᬫᬗᬦᬵᬚᬤ᭄ᬫᬶ᭞ᬳᬕ᭄ᬮᬶᬲ᭄ᬲᬶᬭᬵᬳᬦᬯᬸᬧ᭄᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬫᭂᬍᬘᬸᬢ᭄᭞ᬤᬶᬤᬾᬫᬓ᭄ᬤᬾᬫᬓ᭄ᬢᬦ᭄ᬓᭂᬦᬵ᭞ᬓᬤᬶᬩᬶᬦ᭄ᬢᬢᬵᬍᬧᬓᬸ᭞ᬳᬄᬳᬶᬄᬦ᭄ᬤᬶ
[᭖᭐ 60A]
ᬧᬭᬦᬦ᭄ᬢᬵ᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬳᬗᭂᬭᬂ᭟᭒᭗᭘᭞ᬤᬾᬦ᭄ᬤᭂᬫ᭄ᬩᬮᬶᬧᬸᬦ᭄ᬢᬵᬓᬮᬵᬩ᭄ᬯᬡ᭄ᬦᬵᬳᬶᬓᬸ᭞ᬤᬾᬦᬶᬭᬵᬦᭂᬓᬸᬮᬵ᭞ᬮᬦ᭄ᬲᭂᬤᬾᬯ᭄ᬯᬵᬢᬦᬵᬚ᭄ᬭᬶᬄ᭞ᬦᭂᬳᭂᬃᬫᬗ᭄ᬓᬾᬭᬶᬦᭂᬩᬸᬢ᭄᭞
ᬧᬩᬸᬢ᭄ᬕᬶᬦᬦ᭄ᬢᬶᬕᬦ᭄ᬢᬶ᭞ᬳᬦᬸᬤᬸᬓ᭄ᬢᬦ᭄ᬢᭂᬢᭂᬲ᭄᭞ᬓᬬᬵᬩ᭄ᬯᬡ᭄ᬦᬵᬢᬸᬳᬸᬲᬶᬭᬵᬢ᭄ᬕᬸᬄ᭞ᬢᬶᬫ᭄ᬩᬸᬮ᭄᭞ᬓᬾᬫᭂᬗᬦ᭄ᬭᬤᬾᬦ᭄ᬦᭂᬓᬸᬮᬵ᭞ᬫ᭄ᬯᬄᬲᬶᬭᬤᬾᬦ᭄ᬲᭂᬤᬾᬯ᭄ᬯᬵ᭟᭒᭗᭙᭞ᬮᬶᬂ
ᬳᬶᬭᬵᬥᬾᬢ᭄ᬬᬵᬧᬸᬦ᭄ᬢᬵᬓᬮᬵᬩ᭄ᬯᬡ᭄ᬦᬵᬳᬗᬸᬯᬸᬄ᭞ᬯᬸᬯᬸᬳᬶᬓᬶᬢᬵᬫᬗ᭄ᬓᬾ᭞ᬮᬄᬧᭂᬦ᭄ᬤᬯ᭄ᬯᬵᬓᬶᬢᬵᬳᬭᬶ᭞ᬫᬲᬵᬳᬸᬭᬶᬧᬵᬤᬾᬦᬶᬂᬲᬸᬦ᭄᭞ᬤᬤ᭄ᬬᬵᬧ᭄ᬭᬂᬲᬶᬭᬵᬳᬗᬺᬕᬸᬢ᭄᭞ᬓᬲᬃᬦᭂ
ᬓᬸᬮᬵᬲᭂᬤᬾᬯ᭄ᬯᬵ᭞ᬕ᭄ᬓᬶᬲ᭄ᬢᬵᬲᬶᬭᬵᬫ᭄ᬮᬬᬸ᭞ᬳᬗᬸᬮᬢᬶᬲᬂᬓᬓᬵᬩᬶᬫᬵ᭞ᬳᬦᬸᬮᬶᬓᭂᬧᬗ᭄ᬕᬶᬄᬲᬂᬭᬓᬵ᭟᭒᭘᭐᭞ᬧᬸᬦ᭄ᬢ᭄ᬯᬮᬾᬦ᭄ᬭᬶᬂᬳᬸᬭᬶᬫᭂᬮᬬᬸ᭞ᬢᬶᬜᬓᬩᬸᬮᬬᬄ᭞
Page:Bali-lontar-gaguritan-jagat-karana-300ppi.pdf/60
This page has been proofread.
