[᭖᭙ 69B]
᭞᭖᭘᭞
ᬕᬸᬭᬸ᭞ᬫᬃᬫ᭄ᬫᬦᬶᬂᬫᬗ᭄ᬓᬦᬵ᭞ᬤᬤ᭄ᬬᬵᬦᬯᬸᬃᬭᬵᬓᬂᬩᬓ᭄ᬢᬶ᭞ᬲᬶᬳᬓᬸᬚᬢᬶᬢᬦ᭄ᬳᬳ᭄ᬬᬸᬦ᭄᭞ᬤᬤᬶᬢᬵᬪᬝᬭᬵᬯᬶᬱ᭄ᬡᬸ᭞ᬳᬢᬸᬤᬸᬳᬭᬶᬓᬧᭂᬢᬓ᭄᭞ᬫᬭᬶᬂᬯᬦᬦ᭄ᬢᬭᬵᬳᬶᬓᬸ᭞ᬫᬭᬶᬂᬰ᭄ᬭᬶᬚ
ᬕᬢ᭄ᬓ᭄ᬭᬡ᭄ᬦᬵ᭞ᬢᬸᬫᬸᬬ᭄ᬬᬵᬳᬓᬸᬫᬭᬾᬂᬓᬦᬵ᭟᭓᭒᭗᭞ᬲᬸᬦ᭄ᬧᭂᬮᬓ᭄ᬬᬵᬢᬸᬳᬸᬦᭀᬭᬵᬳᬦᬵᬳᬲᬸᬂ᭞ᬦᭂᬤᬵᬳ᭄ᬦᬸᬓ᭄ᬯᬦᬶᬂᬳᬧ᭄ᬭᬂ᭞ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬫᬮᬶᬄ᭞ᬦᭀᬭᬵᬳ
ᬳ᭄ᬬᬸᬦ᭄ᬳᬧᬸᬧᬸᬄ᭞ᬩᬶᬦᬵᬮᬩᬸᬃᬭᬵᬲᬩ᭄ᬥᬵᬳᬬᬸ᭞ᬧᬸᬦ᭄ᬤᬶᬫᬸᬮᬦᬶᬂᬳᬬᬸᬤ᭄ᬥᬵ᭞ᬳᬫᬶᬢ᭄ᬳᬓᬸᬧᬓ᭄ᬱᬵᬫᬦ᭄ᬢᬸᬓ᭄᭞ᬫᭂᬤᬯ᭄ᬬᬵᬢᬶᬬᬢᬶᬓᬓᬵ᭞ᬫ᭄ᬯᬄᬳᬲᬦᬓ᭄ᬧᭂᬦ᭄ᬤᬯ᭄ᬯᬵ᭟
᭓᭒᭘᭞ᬧᬓ᭄ᬱᬵᬲᬶᬦᭂᬕᬵᬳᬓᬸᬢᬦ᭄ᬳᬳ᭄ᬬᬸᬦ᭄᭞ᬩᬶᬦᭀᬚᬦᬦ᭄ᬫᬗ᭄ᬓᬾ᭞ᬳᬓᬸᬦᭀᬭᬵᬳᬸᬦᬶᬂᬗᬶᬂᬩ᭄ᬯᬚᬶ᭞ᬲᬂᬅᬃᬚᬸᬡ᭄ᬦᬵᬳᬫᬸᬯᬸᬲ᭄᭞ᬤᬶᬤᬶᬦᬾ
[᭗᭐ 70A]
ᬳᬗᬧᬵᬦᬶᬳᬓᬸ᭞ᬤᬦ᭄ᬧ᭄ᬭᬂᬗᬦᬵᬭᬢᬸᬳᬶᬓᬵ᭞ᬉᬢᬫᬵᬳᭀᬮᬶᬬᬦ᭄ᬬᬵᬧᬸᬧᬸᬄ᭞ᬧᬾᬢ᭄ᬕᬦᬲᬓᬶᬂᬧᬺᬓᭀᬲᬵ᭞ᬮᬯᬦᬵᬳᬢᬦ᭄ᬤᬶᬂᬓᭂᬲᬓ᭄ᬢᬶᬬᬦ᭄᭟᭓᭒᭙᭞ᬲᬂᬯᬺᬓᭀᬤᬭᬵᬮᬶᬂᬳᬶ
ᬭᬵᬳᬫᬸᬯᬸᬲ᭄᭞ᬭᬦ᭄ᬢᬾᬦᬦ᭄ᬓᬸᬲᬶᬅᬃᬚᬸᬡ᭄ᬦᬵ᭞ᬧᬦ᭄ᬢᬦ᭄ᬫᬸᬮᬦᬶᬂᬳᬚᬸᬭᬶᬢ᭄᭞ᬲᬶᬚᬕᬢ᭄ᬓ᭄ᬭᬡ᭄ᬦᬵᬳᬶᬓᬸ᭞ᬳᬸᬚᬃᬦ᭄ᬬᬵᬓᬤ᭄ᬬᬵᬗᭂᬫᬸᬫᬤᬸ᭞ᬫᬦᭀᬳᬭᬵᬭᬶᬂᬳᬸᬚᬃᬭᬾ᭞ᬭᬲᬵᬭᬲᬵ᭞ᬳᬦ᭄ᬥᬸᬤᬸᬢ᭄ᬓᬬᬸᬦ᭄᭞
ᬲᬶᬦᬶᬬᬦᬶᬂᬓᭂᬯᬸᬮᬵᬯᬗ᭄ᬱᬵ᭞ᬭᬸᬧᬦ᭄ᬳᬶᬭᬵᬮ᭄ᬯᬶᬃᬳ᭄ᬬᬂᬲᭂᬫᬭᬵ᭟᭓᭓᭐᭞ᬲᬂᬅᬃᬚᬸᬡ᭄ᬦᬵᬮᬶᬂᬗᬶᬭᬵᬲᬸᬫᬯᬸᬃ᭞ᬧᬶᬭᬵᬧᭂᬓᬶᬓᬦᬾ᭞ᬰ᭄ᬭᬶᬚᬕᬢ᭄ᬓ᭄ᬭᬭᬡ᭄ᬦᬵᬳᬶᬓᬶ᭞ᬫᬗ᭄ᬓᬾᬮᬯᬦ᭄
ᬳᬶᬗ᭄ᬱᬸᬦ᭄᭞ᬲᬂᬯᬺᬓᭀᬤᬭᬵᬳᬫᬸᬯᬸᬲ᭄᭞ᬢᬸᬳᬸᬧᭂᬓᬶᬓ᭄ᬭᬶᬂᬭᬸᬧᬦᬾ᭞ᬢᬸᬃᬢᬸᬳᬸᬬᬸᬓ᭄ᬢᬶᬫᭂᬯᬸᬯᬸᬲ᭄᭞ᬦ᭄ᬤᬦ᭄ᬬᬵᬫᬦᭀᬳᬭᬵᬭᬶᬂᬳᬸᬚᬃ᭞ᬩᬶᬲᬵᬳᬗ᭄ᬕᬯᬾᬲᬶᬳᬶᬦ᭄ᬫᬸᬮᬢ᭄᭟
Page:Bali-lontar-gaguritan-jagat-karana-300ppi.pdf/70
This page has been proofread.
