[᭗᭐ 70B]
᭞᭖᭙᭞
᭓᭓᭑᭞ᬮᬾᬬᭂᬧ᭄ᬮᬶᬜ᭄ᬚᬶᬭᬶᬂᬭᬸᬧᬵᬳᬦᬸᬮᬸᬲ᭄᭞ᬲᬩ᭄ᬥᬵᬬᬸᬓ᭄ᬢᬶᬫᬗ᭄ᬓᬾ᭞ᬓᬤᬶᬩ᭄ᬮᬩᬸᬃᬕᭂᬦ᭄ᬤᬶᬲ᭄᭞ᬬᬬᬵᬳᬗᭂᬦ᭄ᬢᬸᬄᬚᬸᬭᬸᬄ᭞ᬳᬲᬕᬭᬵᬤᬾᬦᬶᬂᬫᬤᬸ᭞ᬳᬩᬂᬳᬯᬦ᭄ᬓᬶᬩᬂᬫᬗ᭄ᬓᬾ᭞
ᬧᭀᬮᬄᬦ᭄ᬬᬵᬳᬮᭂᬧ᭄ᬳᬭᬸᬭᬸᬲ᭄᭞ᬧᬭᬦ᭄ᬢᬵᬫᬸᬮᬦᬶᬂᬳᬧ᭄ᬭᬂ᭞ᬤᬾᬦᬵᬲᬩ᭄ᬥᬵᬫᬦᭀᬳᬭᬲ᭄᭟᭓᭓᭒᭞ᬲᬂᬧᬃᬢ᭄ᬝᬵᬳᬲᭂᬫᬸᬭᬸᬦ᭄ᬢᬶᬓ᭄ᬤᬾᬦ᭄ᬬᬵᬢᬶᬦᬸᬢᬸᬃ᭞ᬩᬕᬸᬲᬾᬢᬦ᭄ᬧ
ᬭᬾᬄ᭞ᬬᬸᬓ᭄ᬢᬶᬦᬶᬂᬳᬸᬚᬃᬭᬾᬫᬦᬶᬲ᭄᭞ᬓᬤᬶᬳᬜ᭄ᬚᬸᬂᬚᬸᬂᬚᬸᬂᬚᬸᬂ᭞ᬳᬫᬸᬚᬶᬫᬸᬚᬶᬭᬶᬲᬶᬂᬢᬸᬢᬸᬃ᭞ᬓᬾᬭᬂᬳᬾᬭᬂᬲᬂᬅᬃᬚᬸᬡ᭄ᬦᬵ᭞ᬤᬾᬦᬾᬓᬮᬶᬦ᭄ᬢᬂᬗᬦ᭄ᬩᬕᬸᬲ᭄᭞ᬳᬸᬚᬃᬭᬾᬲᬂᬯᬺ
ᬓᭀᬤᬭᬵ᭞ᬗᭂᬃᬗᭂᬲᭂᬦ᭄ᬲᬶᬭᬵᬅᬃᬚᬸᬡ᭄ᬦᬵ᭟᭓᭓᭓᭞ᬳᬄᬓᬓᬶᬩᬶᬫᬵᬧᭀᬮᬄᬢᬵᬳᬶᬓᬸ᭞ᬳᬦ᭄ᬤᬶᬓ᭄ᬯᬶᬤ᭄ᬜᬦᬾ᭞ᬳᬓᬾᬄᬢᬶᬯᬄᬲᬧᬸᬦᬶᬓᬶ᭞ᬓᬸᬤ᭄ᬯᬳᬵ
[᭗᭑ 71A]
ᬓ᭄ᬦᬶᬂᬳᬧᬸᬧᬸᬄ᭞ᬢᬦ᭄ᬯᭂᬭᬸᬄᬳᬗ᭄ᬭᬱᬦᬶᬦ᭄ᬧᬸᬧᬸᬄ᭞ᬳᬕᬫᭀᬮ᭄ᬢᬸᬃᬓᬦᬶᬃᬕᬸᬡ᭄ᬦᬵ᭞ᬬᬾᬦ᭄ᬧᬾᬢᬵᬬᬸᬕᬵᬧᬸᬦᬶᬓᬸ᭞ᬓᬶᬤᬂᬲ᭄ᬯᬾᬢ᭄ᬝᬵᬢᭂᬫ᭄ᬩᬾᬳᬶᬗ᭄ᬯᬂ᭞ᬢᬦ᭄ᬕᬯ᭄ᬯᬵᬧᬢᬸᬓᬸᬦ᭄ᬳᬶᬭᬵ᭟᭓᭓᭔᭞
ᬓᬓᬶᬩᬶᬫᬵᬳᬮᬶᬜᭀᬓᬶᬂᬯᬸᬯᬸᬲ᭄᭞ᬫᬸᬦᬵᬕᬜ᭄ᬘᬂᬫᬗ᭄ᬓᬾ᭞ᬓᬸᬭᬂᬤᬬᬵᬗᬧᬵᬳᬶᬓᬶ᭞ᬲᬂᬯᬺᬓᭀᬤᬭᬵᬳᬫᬸᬯᬸᬲ᭄᭞ᬲᭂᬳᬸᬚᬃᬲᬶᬭᬵᬳᬧᬾᬗ᭄ᬓᬸᬄ᭞ᬳᬾᬄᬅᬃᬚᬸᬡ᭄ᬦᬵ
ᬳᬸᬚᬃᬩᭀᬜ᭄ᬘᬄ᭞ᬳᬓᬸᬤᬾᬦ᭄ᬳᬸᬘᬧᬵᬳᬶᬓᬸ᭞ᬧᬸᬦᬶᬓᬶᬢ᭄ᬝᬵᬓᭀᬢᭀᬲ᭄ᬮᬸᬗᬵ᭞ᬳᬸᬫ᭄ᬩᬭᬵᬳᬾᬂᬯᬡ᭄ᬦᬵ᭟᭓᭓᭕᭞ᬤᬸᬓ᭄ᬳᬶᬗᬸᬢᬸᬲ᭄ᬫᬗ᭄ᬓᬾᬳᬫᬸᬯᬸᬲ᭄᭞
ᬭᬶᬂᬰ᭄ᬭᬶᬤᬡ᭄ᬦᬵᬭᬚᬵ᭞ᬓᭀᬮᬶᬳᬾᬲᬶᬭᬵᬳᬫᬾᬢ᭄ᬲ᭄ᬯᬫᬶ᭞ᬲᬸᬫᬸᬲᬸᬧ᭄ᬲᭀᬃᬭᬶᬂᬲᬧ᭄ᬢᬵᬧᭂᬢᬮᬵ᭞ᬲᬶᬭᬵᬳᬦᭂᬫᬸᬳᬶᬲ᭄ᬢ᭄ᬭᬶ᭞ᬳᬳᬶᬧᬸᬓ᭄ᬳᬶᬧᬸᬓᬦ᭄ᬲᬭᬵ᭞
Page:Bali-lontar-gaguritan-jagat-karana-300ppi.pdf/71
This page has been proofread.
