[᭗᭔ 74B]
᭞᭗᭓᭞
ᬫᬗ᭄ᬓᬾ᭞ᬲᭂᬮᬶᬦ᭄ᬢᬗᬦᬶᬂᬩᬕᬸᬲ᭄᭞ᬫ᭄ᬯᬄᬢᬂᬓᬢ᭄ᬬᬵᬯᬶᬯᬾᬓᬸ᭞ᬓᭂᬲᬸᬫ᭄ᬩᬸᬂᬗᬶᬂᬚᬕᬢ᭄ᬭᬬᬵ᭟᭓᭕᭐᭞ᬬᬾᬦ᭄ᬱᬶᬭᬵᬳᬫᬮᬓ᭄ᬭᬶᬂᬉᬭᬶᬧ᭄᭞ᬬᬸᬓ᭄ᬢᬶᬳᬗᬢᬸᬃᬭᬵ᭞ᬲᭂᬫ᭄ᬩᬳᬶᬂᬳᬮ᭄ᬧᬶ
ᬓᬵᬭᬶᬂᬲᬸᬦ᭄ᬬᬬᬶ᭞ᬦ᭄ᬤᬦ᭄ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬳᬫᬸᬯᬸᬲ᭄᭞ᬓᬬᬶᬗᬦ᭄ᬦᬶᬓᬸᬦᬶᬧᬸᬦ᭄᭞ᬢᬵᬓᬶᬦᭀᬦ᭄ᬓᭀᬦ᭄ᬫᬗ᭄ᬓᬾ᭞ᬳᬗᬢᬸᬃᬭᬵᬲᭂᬫ᭄ᬩᬄᬳᬶᬓᬸ᭞ᬤᬾᬦᬾᬲᬶᬅᬃᬚᬸᬡ᭄ᬦᬵᬳᬶᬓᬵ᭞
ᬦ᭄ᬤᬶᬢᬵᬧᬭᬦᬶᬂᬲᭂᬫ᭄ᬩᬄ᭟᭓᭕᭑᭞ᬧᬦ᭄ᬳᬶᬗ᭄ᬱᬸᬦ᭄ᬤᬾᬭᬾᬂᬓᬲᭀᬃᬭᬶᬂᬧᬸᬧᬸᬄ᭞ᬧᬦ᭄ᬧᬤᬵᬓᬦ᭄ᬤᭂᬮᬦᬵ᭞ᬭᬶᬂᬰᬶᬄᬳᬶᬭᬵᬳ᭄ᬬᬂᬯᬶᬤᬶ᭞ᬲᬫ᭄ᬩᬯ᭄ᬯᬵᬬᬾᬦ᭄ᬳᬶᬗ᭄ᬱᬸᬦ᭄᭞ᬳᬗᬮ᭄ᬧᬶᬓᬵᬭᬶᬲᬾ
ᬓᬸ᭞ᬫᬭᬾᬂᬲᬶᬅᬃᬚᬸᬡ᭄ᬦᬵᬫᬗ᭄ᬓᬾ᭞ᬳᬧᬦ᭄ᬲᬫᬵᬲᬫᬦᬶᬂᬭᬢᬸ᭞ᬤᬸᬭᬸᬂᬳᬢᬓᭂᬃᬢ᭄ᬝᬩᬯ᭄ᬯᬵ᭞ᬧᬶᬭᬵᬢᬵᬓᬲᬓ᭄ᬢᬶᬬᬦ᭄ᬳᬶᬭᬵ᭟᭓᭕᭒᭞ᬮᬄᬳᬢᬸᬃᬭᬦᬵᬳᬸᬕᬵᬳᬶᬗ᭄ᬱᬸᬦ᭄᭞
[᭗᭕ 75A]
ᬳᬾᬦᬓ᭄ᬳᬤᬦ᭄ᬳᬧ᭄ᬭᬂ᭞ᬮᬄᬓᭀᬦᬂᬗᬦ᭄ᬢᬶᬲᬸᬦᬶᬓᬶ᭞ᬭᬶᬂᬢ᭄ᬕᬮ᭄ᬲᬶᬗᬵᬓᭀᬫ᭄ᬩᬸᬮ᭄᭞ᬢᬸᬃᬲᬶᬦᬸᬗᬦ᭄ᬤᬤᬃᬯᬲ᭄ᬢ᭄ᬭᬵᬓᬸ᭞ᬓᬤᬶᬫᬭᬲ᭄ᬧᬸᬦᬂᬯᬸᬯᬸᬲᬦ᭄᭞ᬳᬦ᭄ᬢᬶᬬᬦ᭄ᬢᬵᬓᬲ᭄ᬘᬃᬬ᭄ᬬᬦ᭄ᬳᬶᬧᬸᬦ᭄᭞
ᬓᬂᬳᬸᬢᬸᬲᬦ᭄ᬧᬢ᭄ᬝᬶᬄᬭᬢ᭄ᬝᬵ᭞ᬢᬸᬫᭀᬦᬶᬂᬚᬕᬢ᭄ᬓ᭄ᬭᬡ᭄ᬦᬵ᭟᭓᭕᭓᭞ᬲᬓ᭄ᬱᬢ᭄ᬮ᭄ᬯᬶᬃᬚᬫ᭄ᬩᬾᬢᬸᬗ᭄ᬕᬮ᭄ᬧᬸᬦᬶᬓᬵ᭞ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵ᭞ᬮᬯᬦ᭄ᬱᬶᬭᬵᬲᬂᬓᬺᬢ᭄ᬝᬶ᭞ᬮᬶᬦᬾᬯᬶᬄᬭᬸᬧᬦ᭄ᬳᬶᬧᬸᬦ᭄᭞
ᬳᬧᬦ᭄ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬳᬶᬓᬸ᭞ᬳᬦᭀᬫ᭄ᬩᬕᬸᬲ᭄ᬭᬸᬧᬦ᭄ᬦᬶᬭᬵ᭞ᬲᬂᬅᬃᬚᬸᬡ᭄ᬦᬵᬢᬸᬳ᭄ᬯᬵᬭᬸᬧᬦ᭄ᬳᬶᬭᬾᬓᬸ᭞ᬤᬶᬦᬶᬭᬂᬳᬸᬢᬸᬲᬦ᭄᭞ᬲᬓ᭄ᬱᬦᬵᬳᬫᬶᬢ᭄ᬧᬸᬦᬂᬳᬸᬢᬸᬲᬦ᭄᭟᭓᭕᭔᭞ᬳᬸ
ᬘᬧᭂᬦ᭄ᬧ᭄ᬭᬩ᭄ᬯᬶᬂᬯᬦᬦ᭄ᬢᬭᬵᬳᬾᬓᬸ᭞ᬓᭀᬦᬵᬦᬩᬸᬄᬢᭂᬗᭂᬭᬦ᭄᭞ᬓᭂᬓᬾᬢᬾᬕ᭄ᬕᬸᬫᬶᬦ᭄ᬢᬸᬭᬵᬕ᭄ᬮᬶᬲ᭄᭞ᬕᭂᬦ᭄ᬤᭀᬗᬦ᭄ᬫᬸᬦᬶᬬᬵᬳᬫ᭄ᬩᬭᬸᬂ᭞ᬩᭂᬦ᭄ᬤᬾᬕᬸᬫᭂᬦ᭄ᬢᬸᬲ᭄ᬢᬶᬦᬩᬸᬄ᭞ᬕᭀᬂ
Page:Bali-lontar-gaguritan-jagat-karana-300ppi.pdf/75
This page has been proofread.
