[᭗᭕ 75B]
᭞᭗᭔᭞
ᬫᬸᬦᬶᬬᬵᬫᬗ᭄ᬓᬾᬯᬸᬭᬳᬦ᭄᭞ᬕᬾᬕᬾᬃᬩᬮᬵᬲᭂᬓ᭄ᬱᬸᬲᭂᬦᬸᬄ᭞ᬧ᭄ᬭᬧ᭄ᬢᬦ᭄ᬳᬶᬭᬵᬗᭂᬩᭂᬓᬶᬦ᭄ᬢ᭄ᬕᬮ᭄᭞ᬧᭂᬧᭂᬓ᭄ᬧ᭄ᬭᬬᭀᬤᬵᬲᬶᬭᬵ᭟᭓᭕᭕᭞ᬧᬢ᭄ᬝᬶᬄᬫᭂᬃᬤᬸᬲ᭄ᬯᬭᬵᬲ᭄ᬬᬦ᭄ᬤᬦᬵᬫᬸᬭᬸᬩ᭄᭞ᬲᬂᬳᬲᬸᬭᬾᬂ
ᬭᬡ᭄ᬦᬵ᭞ᬳᬸᬫᬗ᭄ᬕᬸᬯᬵᬭᬶᬂᬳᬧ᭄ᬢᬶ᭞ᬫ᭄ᬯᬂᬲᬦᬓ᭄ᬳᬶᬭᬵᬲᬫ᭄ᬧᬸᬦ᭄᭞ᬲᬫᬵᬦᬸᬗ᭄ᬕᬂᬕᬚᬄᬳᬕᬸᬂ᭞ᬲᬶᬭᬵᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵ᭞ᬳᬫᬸᬗ᭄ᬕᬸᬯᬶᬂᬭᬢ᭄ᬝᬵᬫᬲᬸᬢᬸᬃ᭞ᬧᬶᬦᬬᬸᬂᬗᬦ᭄ᬫᬲ᭄ᬱᬶᬦᭀᬘ᭄ᬘᬵ᭞ᬦᭂᬢᭂᬲᬶᬭᬵᬳᬗᬺᬕᭂᬧ᭄ᬧᬦᬄ᭟
᭓᭕᭖᭞ᬲᬶᬭᬵᬗᬲ᭄ᬯᬭᬵᬳᬶᬗᬬᬢ᭄ᬲᬫ᭄ᬧᬸᬦ᭄᭞ᬢᬦ᭄ᬧᬾᬦ᭄ᬤᬄᬭᬶᬲᬸᬭᬢ᭄᭞ᬲᭀᬢᬾᬚᬦ᭄ᬳᬶᬭᬵᬭᬵᬳ᭄ᬬᬂᬲᭀᬫᬭᬾᬓᬶ᭞ᬧᬸᬲ᭄ᬧᬵᬤᬡ᭄ᬝᬵᬧᬸᬲ᭄ᬧᬵᬲᬶᬬᬸᬂ᭞ᬭᬶᬂᬕᬶᬮᬶᬂᬗᬦ᭄ᬳᬩᬕᬸᬲ᭄᭞ᬭᬸᬧᬵ
ᬦᬾᬓᬤᬶᬕᭂᬦ᭄ᬤᬃᬯ᭄ᬯᬵ᭞ᬳᬸᬯᬗ᭄ᬓᬢ᭄ᬩᬮᬵᬲᬸᬧᭂᬦᬸᬄ᭞ᬓᭂᬦ᭄ᬤᬂᬕᭀᬂᬫᬸᬦᬶᬬᬵᬯ᭄ᬭᬸᬳᬦ᭄᭞ᬤ᭄ᬯᬚᬵᬳᬤᬸᬮᬸᬃᬳᬸᬫ᭄ᬩᬸᬯᬦ᭄᭟᭓᭕᭗᭞ᬧᬗ᭄ᬭᬶᬓ᭄ᬦᬶᬂᬓᬸᬤᬵᬯᬳᬤᬵᬳᬸᬫᬸᬂ᭞ᬯᬸᬳ᭄ᬯᬵᬫᬮᬶᬂᬗᬶᬂᬓᬃᬡ᭄ᬦᬵ᭞
[᭗᭖ 76A]
ᬧ᭄ᬢᬧ᭄ᬢᬶᬦᭀᬫᬮᬾᬂᬧᬸᬦᬶᬓᬶ᭞ᬳᬫ᭄ᬩᬵᬍᬩᭂᬓ᭄ᬬᬵᬭᬯᬸᬄ᭞ᬳᬗᬶᬩᭂᬓᬶᬢ᭄ᬕᬮ᭄ᬲᬫ᭄ᬧᬸᬦ᭄᭞ᬧᬺᬲᬫᬵᬳᬢᬶᬗ᭄ᬓᬄᬕ᭄ᬮᬃ᭞ᬳ᭄ᬬᬂᬧᭂᬦ᭄ᬤᬯ᭄ᬯᬵᬕ᭄ᬮᬃᬧᬤ᭄ᬫᬵᬩ᭄ᬬᬸᬳᬵ᭞ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬕ᭄ᬮᬃ᭞ᬦᬶᬭᬵᬘᬓ᭄ᬭᬵᬩ᭄ᬬᬸᬳᬵ᭟
᭓᭕᭘᭞ᬧᬤᬵᬧᬤᬵᬯᬶᬲ᭄ᬢᬶᬕ᭄ᬮᬃᬳᬶᬭᬾᬓᬸ᭞ᬦ᭄ᬤᬦ᭄ᬳᬧᬕᬸᬫᬗ᭄ᬓᬾ᭞ᬮᬯ᭄ᬯᬵᬮᬯᬾᬦᬶᬂᬧᬤ᭄ᬫᬾᬓᬶ᭞ᬳᬢᭂᬫ᭄ᬧᬸᬄᬢᬶᬓ᭄ᬱᬾᬦᬦᬶᬂᬘᬓᬻ᭞ᬭᬫ᭄ᬬᬵᬧᭂᬧ᭄ᬭᬂᬗᬵᬭᬶᬤᬸ᭞ᬳᬦᬸᬢ᭄ᬢᬸᬦᬸᬢ᭄ᬳᬯᭀᬃ
ᬯᬦ᭄ᬬᬵ᭞ᬧᭂᬧ᭄ᬭᬂᬗᬾᬩᬸᬭᬸᬩᬶᬦᬸᬭᬸ᭞ᬳᬮᬶᬯᬢᬦᬶᬂᬕ᭄ᬮᬃ᭞ᬳᬫᬢᬂᬧᬲᬶᬮᬶᬄᬯᬢᬂ᭟᭓᭕᭙᭞ᬳᬗᬸᬓᬶᬄᬲᬶᬮᬶᬄᬳᬸᬓᬶᬄᬳᬲᬸᬲᬸᬄ᭞ᬳᬭᭀᬓ᭄ᬭᬶᬭᭀᬓ᭄ᬫᬗ᭄ᬓᬾ᭞ᬧᬸᬭᬸᬲᬵᬦᭀ
ᬭᬵᬚᬦᬵᬚ᭄ᬭᬶᬄ᭞ᬳᬗ᭄ᬕᬸᬮᬸᬂᬲᬶᬮᬶᬄᬕᬸᬮᬸᬂ᭞ᬤᬤᬧ᭄ᬧᬦᬄᬳᬭᬶᬤᬸ᭞ᬢᬦ᭄ᬓᭂᬯ᭄ᬭᬸᬳᬦᬶᬂᬮᬯᬦᬶᬂᬭᭀᬯᬂ᭞ᬯᬸᬲ᭄ᬧᬤᬵᬳᬓᬾᬄᬮᭀᬂᬳᬶᬧᬸᬦ᭄᭞ᬢᬦ᭄ᬯᬃᬡ᭄ᬦᬦᬶᬂᬭᬫᬾᬦᬶᬂᬧᬂ
Page:Bali-lontar-gaguritan-jagat-karana-300ppi.pdf/76
This page has been proofread.
