[᭘᭑ 81B]
᭞᭘᭐᭞
ᬲᬂᬩᬶᬫᬵᬧᬓ᭄ᬱᬦ᭄ᬦᬶᬦ᭄ᬳᬗᬫᬸᬓ᭄᭞ᬫᬭᬶᬂᬲᬸᬭᬵᬮᬬᬵ᭞ᬯ᭄ᬭᬸᬄᬪᬕᬯ᭄ᬯᬦ᭄ᬦᬭᬵᬳᬾᬓᬶ᭞ᬳᬲ᭄ᬮᬶᬲ᭄ᬲᬶᬭᬵᬧᭂᬮᬬᬸᬳᬬᬸ᭞ᬫᬭᬶᬂᬲ᭄ᬯᬃᬕ᭄ᬕᬦ᭄ᬓᬂᬕᬶᬦᬸᬦᬸᬂ᭞ᬫᭂᬳᬯᬦ᭄ᬳᬦ᭄ᬢᬭᬵᬕᬡ᭄ᬦᬵᬳᬯᬭᬄᬭᬾᬄᬳᬶ
ᬭᬵᬲᬂᬳᬦ᭄ᬢᬸ᭞ᬭᬶᬂᬥᬥᬭᬶᬦᬶᬲᬸᬧ᭄ᬭᬩᬵ᭞ᬬᬦ᭄ᬮᬓᬶᬲᬶᬅᬃᬚᬸᬡ᭄ᬦᬵᬧ᭄ᬚᬄ᭟᭓᭘᭖᭞ᬳᬤᬤᬕᬦ᭄ᬮᬦ᭄ᬳᬦᬓ᭄ᬳᬶᬭᬾᬓᬸ᭞ᬲᬂᬚᬕᬢ᭄ᬓ᭄ᬭᬡ᭄ᬦᬵ᭞ᬲᬂᬲᬸᬧ᭄ᬭᬩᬵᬲᬶᬭᬵᬳᬦᬗᬶᬲ᭄᭞ᬫᬭᭂᬓ᭄ᬫᬭᬶᬂᬳ᭄ᬬᬂᬳᬤᬶ
ᬕᬸᬭᬸ᭞ᬫᬢᬸᬃᬭᬵᬢᬶᬗ᭄ᬓᬄᬦᬶᬂᬚᬮᬸ᭞ᬲᬶᬅᬃᬚᬸᬡ᭄ᬦᬵᬮᬦ᭄ᬳᬸᬢ᭄ᬦᬚᬦᬾ᭞ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬳᬦ᭄ᬢᬸ᭞ᬪᬝᬭᬵᬕᬸᬭᬸᬗᬦ᭄ᬤᬶᬓᬵ᭞ᬮᬄᬦᬶᬦᬶᬳᬗᬧᬵᬓᬾᬦᬶᬓᬵ᭟᭓᭘᭗᭞ᬬᬾᬦ᭄ᬫᬢᬶᬲᬶᬅᬃᬚᬸ
ᬡ᭄ᬦᬵᬳᬶᬓᬸ᭞ᬮᬯᬦ᭄ᬚᬕᬢ᭄ᬓ᭄ᬭᬡ᭄ᬦᬵ᭞ᬧ᭄ᬚᬄᬭᬶᬂᬫᬤ᭄ᬬᬵᬧᬤᬾᬓᬶ᭞ᬧᬭᬦ᭄ᬭᬳᬬᬸᬦ᭄ᬳᬶᬧᬸᬦ᭄᭞ᬤᬤ᭄ᬬᬦᬶᬂᬩᬸᬃᬩ᭄ᬯᬄᬳᬶᬓᬸ᭞ᬤᬤ᭄ᬬᬧᬶᬦ᭄ᬦᬶᬓᬂᬲᬯᬳᬵ᭞ᬫᭂᬲᬦᬵᬢᬸᬘᬶᬓ᭄ᬧᬸᬦᬶᬓᬸ᭞ᬧᬦ
[᭘᭒ 82A]
ᬤᬲᬃᬲᬧ᭄ᬝᬵᬧᭂᬢᬮᬵ᭞ᬧᭂᬕᬦ᭄ᬢᬸᬂᬗᬦᬶᬂᬅᬓᬱᬵ᭟᭓᭘᭘᭞ᬮᬄᬢᬵᬫᬗ᭄ᬓᬾᬦᬶᬦᬶᬳᬦᬓ᭄ᬳᬶᬗ᭄ᬱᬸᬦ᭄᭞ᬳᬸᬭᬶᬧ᭄ᬳᬦᬓᬶᬂᬳᬶᬗ᭄ᬯᬂ᭞ᬮᬦ᭄ᬳᬦᬓ᭄ᬳᬶᬭᬾᬓᬶ᭞ᬲᬓ᭄ᬱᬡ᭄ᬦᬵᬳᬶᬦᬶᬗ᭄ᬓᬄ᭞ᬤᬾᬦᬶᬂᬓᬾᬃᬱᬦᬶᬂ
ᬰ᭄ᬭᬶᬕᬸᬭᬸ᭞ᬫᬡ᭄ᬦᬶᬓ᭄ᬚᬕᬻᬕᭀᬭᬵᬲᬶᬭᬵ᭞ᬳᬶᬓᬶᬲᬶᬦᬶᬦᬶᬲᬸᬧ᭄ᬭᬩᬵ᭞ᬫᬡ᭄ᬦᬶᬓ᭄ᬫᬾᬲ᭄ᬬᬵᬭᬶᬂᬚ᭄ᬭᭀᬦ᭄ᬬᬵ᭞ᬳᬫᭂᬃᬢ᭄ᬝᬵᬲᬜ᭄ᬚᬶᬯᬡ᭄ᬦᬶᬳᬶᬓᬵ᭟᭓᭘᭙᭞ᬬᬦᬶᬂᬩᬶᬦᬲᬵᬳᬓ᭄ᬦᬵᬧᬸᬦᬶᬓᬸ᭞ᬓᬂᬳᬫᭂᬃᬢ᭄ᬝᬵ
ᬳᬶᬓᬵ᭞ᬲᭂᬤᬡ᭄ᬦᬵᬦ᭄ᬳᬶᬭᬵᬳᬫ᭄ᬩᬓ᭄ᬢᬶ᭞ᬢᬂᬗᬾᬓᬵᬘᬶᬢ᭄ᬝᬵᬫᭂᬃᬤᬸᬮᬸᬯᬸᬂ᭞ᬢᬸᬗ᭄ᬕᬮ᭄ᬳᬓ᭄ᬦᬵᬫᬦᬄᬘᬶᬢ᭄ᬝᬵ᭞ᬢᬸᬃᬢᬳᬵᬧ᭄ᬭᬡ᭄ᬦᬵᬬᬫᬵ᭞ᬲᭂᬤᬡ᭄ᬦᬵᬳᬗᬧ᭄ᬢᬶᬓᬸ᭞ᬲᬂᬲᬸᬧ᭄ᬭᬩᬵᬳᬫᬶᬢ᭄ᬮᬸᬗᬵ᭞
ᬲᬶᬭᬵᬳᬯ᭄ᬯᬦ᭄ᬕᭂᬕᬡ᭄ᬦᬵ᭟᭓᭙᭐᭞ᬳ᭄ᬬᬂᬥᬥᬭᬶᬲᬶᬭᬵᬧᬤᬵᬳᬦ᭄ᬥᬸᬮᬸᬃ᭞ᬲᬶᬭᬵᬳᬗᬵᬕᬡ᭄ᬦᬵ᭞ᬲᬂᬦᬶᬮᭀᬢᬫᬵᬳᬗᬶᬭᬶᬂ᭞ᬕᬕᬃᬫᬬᬂᬢᬸᬜ᭄ᬚᬸᬂᬩᬶᬭᬸ᭞ᬧ᭄ᬭᬦᬵ
Page:Bali-lontar-gaguritan-jagat-karana-300ppi.pdf/82
This page has been proofread.
