[᭘᭒ 82B]
᭞᭘᭑᭞
ᬳᬰᬶᬄᬓᬸᬡ᭄ᬝᬶᬓᬰᬶᬄᬧᬸᬦᬶᬓᬸ᭞ᬧᬸᬬᬾᬂᬳᬰᬶᬄᬫ᭄ᬯᬄᬓᬾᬡ᭄ᬥ᭄ᬭᬦ᭄᭞ᬕᬸᬦ᭄ᬤᬶᬓ᭄ᬢᭀᬳᭀᬓ᭄ᬳᬾᬚᭂᬃᬲᬫ᭄ᬧᬸᬦ᭄᭞ᬧᬺᬲᬫᬵᬮᬸᬫᬫ᭄ᬧᬳᬵᬭᬫ᭄ᬧᬓ᭄᭞ᬳᬗᬶᬭᬶᬂᬥᬾᬯ᭄ᬯᬶᬲᬸᬧ᭄ᬭᬩᬵ᭟᭓᭙᭑᭞
ᬧ᭄ᬭᬧ᭄ᬢᬶᬢ᭄ᬕᬮ᭄ᬓᭀᬫ᭄ᬩᬮᬵᬲᬶᬭᬵᬳᬲ᭄ᬭᬸ᭞ᬓᬂᬧᬸᬦᬧᬵᬳᬓᬾᬄ᭞ᬳ᭄ᬬᬂᬦᭂᬭᬤᬵᬲᬫᬵᬧ᭄ᬭᬧ᭄ᬢᬶ᭞ᬳ᭄ᬬᬂᬮᬸᬫᬂᬕ᭄ᬮᬂᬤᬸᬤᬸᬮᬸᬃ᭞ᬳᬦᭀᬦᬶᬓᬸᬦᬧᬦ᭄ᬳᬶᬧᬸᬦ᭄᭞ᬮᬬᭀᬦᬾᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵ᭞
ᬲᬶᬦᬫ᭄ᬩᬸᬢ᭄ᬤᬾᬦᬶᬭᬵᬳᬶᬩᬸ᭞ᬳᬦᬗᬶᬲ᭄ᬢᬶᬦᬸᬢᬸᬃᬭᬦ᭄᭞ᬮᬬᭀᬦᬾᬓᬤᬶᬳᬦᬶᬤᬻ᭟᭓᭙᭒᭞ᬯᬶᬤ᭄ᬬᬵᬥᬭᬶᬲᬫᬶᬳᬦᬗᬶᬲ᭄᭞ᬲᬾᬦ᭄ᬥᬸᬳᭀᬮᬲᬶᬂᬚᬕᬢ᭄
ᬓ᭄ᬭᬡ᭄ᬦᬵ᭞ᬮᬬᭀᬦᬾᬓᬤᬶᬳᬕᬸᬮᬶᬂ᭞ᬦ᭄ᬤᬦ᭄ᬳᬶᬗᬭᬲ᭄ᬳᬫᭂᬓᬸᬮ᭄᭞ᬓᬸᬦᬧᬵᬦᬾᬲᬂᬳᬗᬵᬩᬕᬸᬳᬵ᭞ᬢᬦ᭄ᬧᬾᬦ᭄ᬤᬄᬮᬬᭀᬦᬶᬂᬲᭂᬫᬭᬵ᭞ᬓᬶᬦᬗᬶᬲᬦ᭄
[᭘᭓ 83A]
ᬓᬶᬦᬵᬭᬸᬩᬸᬂ᭞ᬓᬸᬓᬸᬯᬸᬂᬫᭂᬦ᭄ᬥᬸᬂᬗᬶᬂᬯᬶᬬᬢ᭄᭞ᬢᬾᬚᬵᬫᬮᬂᬗᬶᬂᬅᬓᬱᬵ᭟᭓᭙᭓᭞ᬳᬸᬭᬶᬧ᭄ᬬᬵᬯᬮᬬᬸᬚᬢᬶᬭᬶᬂᬤᬗᬸ᭞ᬧᬸᬦᬂᬘᬡ᭄ᬥ᭄ᬭᬫᬗ᭄ᬓᬸ᭞ᬓᬕᬾᬢ᭄ᬢᬸᬫᭀᬦᬵᬳᬶᬩ᭄ᬯᬳᬵᬳᬚᬶ᭞
ᬳᬦᭂᬫ᭄ᬩᬄᬭᬶᬂᬲᬂᬳᬶᬩᬸ᭞ᬲᬸᬧ᭄ᬭᬩᬵᬳᬲᭂᬫᬸᬍᬲᬸ᭞ᬮᬶᬂᬳᬶᬭᬵᬲᬸᬦ᭄ᬳᬤᬤᬕᬦ᭄᭞ᬮᬯᬦ᭄ᬲᬂᬅᬃᬚᬸᬡ᭄ᬦᬵᬳᬶᬓᬸ᭞ᬮᬶᬂᬳᬶᬭᬵᬥᬾᬯ᭄ᬯᬶᬲᬸᬧ᭄ᬭᬩᬵ᭞ᬬᬾᬓᬸᬓᬓᬶᬭᬫᬦ᭄᭟᭓᭙᭔᭞
ᬓᭂᬧᭂᬃᬦᬄᬮᬓᬶᬤᬾᬦᬶᬗ᭄ᬱᬸᬦ᭄ᬮᬗᬸ᭞ᬲᬶᬓᬓᬵᬅᬃᬚᬸᬡ᭄ᬦᬵ᭞ᬗᬸᬦᬶᬭᬶᬂᬩ᭄ᬯᬡ᭄ᬦᬵᬦᬾᬓᬶ᭞ᬰ᭄ᬭᬶᬚᬕᬢ᭄ᬓ᭄ᬭᬡ᭄ᬦᬵᬫᬢᬸᬃ᭞ᬫᬲᬵᬯ᭄ᬬᬓ᭄ᬢᬶᬬᬵᬓᬂᬳᬶᬩᬸ᭞ᬲᬸᬤᬵᬧ᭄ᬭᬗᬶᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵ᭞ᬢᬦ᭄
ᬲᬸᬤᬵᬭᬱᬦᬶᬂᬓᬬᬸᬦ᭄᭞ᬬᬤ᭄ᬬᬦ᭄ᬧᬶᬂᬲᬧ᭄ᬢᬵᬲᬸᬦ᭄ᬳᬤ᭄ᬚᬤ᭄ᬫᬵ᭞ᬤᬤᬶᬲᬢ᭄ᬭᬸᬓᬮᬶᬮᬶᬃᬭᬦ᭄᭟᭓᭙᭕᭞ᬥᬥᬭᬶᬲᬸᬧ᭄ᬭᬩᬵᬲᬾᬭᬾᬂᬳᬫᬸᬯᬸᬲ᭄᭞ᬓᬓᬶᬚᬕᬢ᭄
Page:Bali-lontar-gaguritan-jagat-karana-300ppi.pdf/83
This page has been proofread.
