[᭙ 9B]
᭙
᭞ᬜᬸᬘᬶᬬᬂᬫᬦᬄᬫᬬᬚ᭄ᬜᬵ᭞ᬗᬯᬾᬢᬢᭂᬗᭂᬭᬶᬂᬪᬹᬫᬶ᭞ᬲᬸᬦ᭄ᬤᬭᬷᬓᬯᬱ᭄ᬝᬦᬶᬦ᭄᭞ᬢᬶᬳᬶᬂᬫᬗ᭄ᬕᬾᬓᬤᬶᬢᬸᬗ᭄ᬕᬸᬮ᭄᭞ᬩᭀᬮᭀᬗᬶᬦ᭄ᬧᬶᬦ᭄ᬤᬵᬲᬸᬭᬢ᭄᭞ᬫᬳᬸᬜ᭄ᬘᬮ᭄ᬫᬤᬕᬶᬂᬳᭀᬃᬢ᭄ᬣᬷ᭞ᬫᬶᬲᬶᬳᭂᬤᬸᬓ᭄᭞
ᬫᬧᬶᬡ᭄ᬥᬵᬩᭀᬚᭀᬕ᭄ᬗᬸᬗ᭄ᬕᬳᬂ᭚ᬬᬦ᭄ᬢᬦ᭄ᬤᬾᬯᬾᬓ᭄ᬧᬓᬾᬃᬢ᭄ᬣᬷᬬᬵ᭞ᬢᬦ᭄ᬤᬤᬶᬳᬶᬲᭂᬗᬃᬬ᭄ᬬᬦᬶᬦ᭄᭞ᬓ᭄ᬦᬶᬲᬧᬵᬤᬾᬪᬝᬵᬭᬵ᭞ᬗ᭄ᬭᬭᬶᬤᬸᬳᬸᬮᬳᬶᬂᬪᬹᬫᬶ᭞ᬫᬧ᭄ᬯᬭᬵᬤᬤᬶᬧᬮᬶᬂ᭞ᬓᬢ᭄ᬫᬄᬦ᭄ᬤᬢᬦ᭄ᬧᬯ
ᬲ᭄ᬢᬸ᭞ᬢ᭄ᬯᬭᬦᬯᬂᬧᬯᬓᬦ᭄᭞ᬓᬾᬢᭀᬳᬸᬗ᭄ᬕᬸᬳᬦᬶᬂᬳᬚᬷ᭞ᬫᬗ᭄ᬤᬾᬢᬳᬸ᭞ᬳᬚ᭄ᬚᬵᬳᬫ᭄ᬧᬄᬭᬶᬂᬮᬓ᭄ᬱᬡ᭄ᬦᬵ᭚ᬤᬾᬦᬶᬂᬤᬳᬢ᭄ᬫᬉᬢ᭄ᬢᬫᬵ᭞ᬬᬦ᭄ᬧᬶᬦᭂᬳᬕ᭄ᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬢᬸᬚᬸᬯᬦ᭄ᬢᬢ᭄ᬗᭂᬃᬳᬶᬤ᭄ᬥᬵ᭞ᬲ
ᬦᬾᬫᬯᬱ᭄ᬝᬵᬲᬸᬦ᭄ᬤᬭᬶ᭞ᬲᬂᬳ᭄ᬬᬂᬰᬶᬯ᭄ᬯᬵᬗᬃᬬ᭄ᬬᬦᬶᬦ᭄᭞ᬫᬗ᭄ᬕᬯᬾᬲᬶᬧᬢᬶᬓᬂᬪᬹᬄ᭞ᬓᬤᬸᬮᬸᬭᬶᬦ᭄ᬢᬮᬸᬓ᭄ᬢᬓ᭄᭞ᬓ᭄ᬢᬸᬗᬦ᭄ᬫᬓᬵᬘᬘᬶᬭᬷ᭞ᬕᬯᬾᬳᬬᬸ᭞ᬫᬫᬸᬜᬶᬩᬳᬸᬦ᭄ᬤᬕ᭄ᬲᬹᬃᬬ᭄ᬬᬵ᭚ᬲᬸᬦ᭄ᬤᬭᬶᬧᬶᬦ᭄ᬤᬓᬵᬤ
[᭑᭐ 10A]
ᬧᬃ᭞ᬚᬚ᭄ᬦᭂᬂᬕᬯᬾᬦᬾᬩ᭄ᬘᬶᬓ᭄᭞ᬫᬫ᭄ᬭᬢᬬᬂᬫᬦᬄᬲᬲᬃ᭞ᬲᬂᬳ᭄ᬬᬂᬯᬶᬤ᭄ᬥᬶᬫᬜᬓ᭄ᬱᬶᬦᬶᬦ᭄᭞ᬲᬂᬗ᭄ᬯᬗᬹᬦ᭄ᬓᬃᬬ᭄ᬬᬵᬜᬸᬘᬶ᭞ᬓᬾᬢᭀᬲᬸᬤᬸᬓᬾᬓᬲᬸᬫ᭄ᬩᬸᬂ᭞ᬢᬮᬸᬓ᭄ᬢᬓ᭄ᬫᬦ᭄ᬢᬶᬕᬂᬳᬯᬓ᭄᭞ᬧᬕᭂᬄᬓᬓ᭄ᬦᬸᬦᬲ᭄ᬩᬸᬓ᭄ᬢᬶ᭞
ᬫᬜᬘᬭᬂ᭞ᬫᬺᬢᬦᬾᬭᬶᬂᬳ᭄ᬬᬂᬧ᭄ᬭᬢᬶᬯ᭄ᬬᬵ᭚ᬓ᭄ᬢᬸᬗᬦ᭄ᬲ᭄ᬫᭂᬂᬫᬰ᭄ᬯᬭᬵ᭞ᬫᬗᬸᬦ᭄ᬤᬂᬳ᭄ᬬᬂᬯᬶᬤ᭄ᬬᬵᬤᬭᬷ᭞ᬢᬢᭂᬗᭂᬃᬤᬾᬯᬢᬵᬓᭀᬘᬧ᭄᭞ᬧᬤᬧ᭄ᬭᬧ᭄ᬢᬵᬮᬦᬂᬳᬶᬲ᭄ᬢ᭄ᬭᬷ᭞ᬳᬶᬘ᭄ᬙᬵᬫᬗᬶᬘᬦ᭄ᬲᬭᬷ᭞ᬫᬺᬢᬵᬲᬭᬷᬦᬾᬓᬳᬸ
ᬚᬸᬢ᭄᭞ᬢᬸᬫᬶᬩᬵᬭᬶᬂᬧᬓᬶᬃᬢ᭄ᬢ᭄ᬬᬵ᭞ᬓᬾᬢᭀᬓᭀᬚᬭᬦᬶᬂᬳᬚᬶ᭞ᬦᬾᬓᬳᬸᬗ᭄ᬕᬸᬄ᭞ᬢᬢᬦᬶᬂᬯ᭄ᬯᬂᬗ᭄ᬯᬗᬸᬦ᭄ᬬᬵᬚ᭄ᬜᬵ᭚ᬲᬗ᭄ᬓᬦᬶᬂᬗᬭᬦ᭄ᬧᬜᬸᬘ᭄ᬬᬦ᭄᭞ᬢᬦ᭄ᬯᭂᬦᬂᬫᬳᬫ᭄ᬩᭂᬯᬘᬶᬦ᭄᭞ᬜᬸᬘ᭄ᬘᬶᬕ᭄ᬦᬶᬂᬧᬸᬱ᭄ᬧᬢᬦ᭄ᬬ᭞ᬕ᭄ᬦᬶᬂᬕᬶ
ᬦᭂᬂᬚ᭄ᬭᭀᬦᬶᬂᬳᬢᬶ᭞ᬫᬃᬕ᭄ᬕᬶᬲᬦᬾᬧᬢᬶᬢᬶᬲ᭄᭞ᬓᬭᬡᬵᬫᬮᬸᬓᬢ᭄ᬤᬶᬢᬸ᭞ᬫᬫᬹᬃᬡ᭄ᬦᬵᬩᬸᬤ᭄ᬥᬶᬘᬫᬄ᭞ᬭᬚᬄᬢᬫᬄᬧᬥᬳᬺᬢᬶᬦ᭄᭞ᬢᬹᬃᬤᬶᬤᬸᬳᬸᬃᬫᬲ᭄ᬳᭂᬢ᭄ᬤᬲ᭄ᬢᬃᬲᬶᬧ᭄ᬝᬦ᭄ᬬ᭚ᬓᬾᬦᬾᬓᭀᬘᬧ᭄ᬢᬢ᭄ᬗᭂᬃᬦ᭄ᬬ᭞ᬲᬂᬫ
Page:Bali-lontar-gaguritan-janmaprawreti-02-300ppi.pdf/10
This page has been proofread.
