[᭘ 8B]
᭘
ᬦᬶᬦ᭄᭞ᬯᬲ᭄ᬢ᭄ᬭᬵᬓᬸᬮᬶᬢ᭄ᬫᬸᬂᬓᬯᬗ᭄ᬰᬦ᭄᭞ᬤᬫᬃᬫᬃᬕ᭄ᬕᬵᬤᬤᬶᬰᬓ᭄ᬱᬷ᭞ᬯᬯᬗᬷᬫ᭄ᬜᬦ᭄ᬳᬱ᭄ᬝᬵᬗ᭄ᬕᬶ᭞ᬯᬶᬪᬯ᭄ᬯᬵᬧᬜᬸᬲᬸᬧ᭄ᬳᬶᬧᬸᬦ᭄᭞ᬓᬺᬩ᭄ᬧᬬᬸᬂᬳᬸᬗ᭄ᬓᬸᬮᬦ᭄᭞ᬯᬭᬶᬗᬶᬦ᭄ᬲᬲᬫᬾᬦ᭄ᬬᬾᬓᬶ᭞ᬨᬮᬵᬯᬶᬚ᭄ᬚᬵ᭞ᬧᬢ᭄ᬢᬸᬦᬶᬂᬳ
ᬢᬶᬲᬹᬓ᭄ᬱ᭄ᬫᬵ᭚ᬳ᭄ᬫᬲ᭄ᬲᬢ᭄ᬬᬵᬭᬶᬂᬓᬮᬶᬕᬦ᭄᭞ᬫᬓᬸᬗ᭄ᬕᬗᬦ᭄ᬓᭂᬩᭀᬲᬧᬶ᭞ᬧᬶᬭᬓ᭄ᬢᬦ᭄ᬧᬗᬶᬢᬸᬂᬮᬫ᭄ᬧᬄ᭞ᬲᬥᬦᬦ᭄ᬬᬵᬚ᭄ᬜᬵᬧ᭄ᬝᬶᬓᬶᬦ᭄᭞ᬳᬶᬗᭂᬃᬤᬶᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬧᬶᬓ᭄ᬦᭀᬄᬫᬶᬯᬄᬲᬲᬸᬤᬸᬓ᭄᭞ᬧᬶᬦᭂᬳᬶᬦ᭄ᬫᬗ᭄ᬤᬵ
ᬢ᭄ᬭᬂ᭞ᬩ᭄ᬘᬶᬓᬂᬤᬸᬫᬸᬦ᭄ᬗ᭄ᬯᬲ᭄ᬯᬲᬶᬦ᭄᭞ᬤᬾᬦᬶᬂᬓᬸᬫᬸᬭ᭄᭞ᬓᬦ᭄ᬤᬤᬶᬩᬳᬦ᭄ᬦᭂᬭᬗᬂ᭚ᬤᬾᬦᬶᬂᬳᬶᬮᬶᬤ᭄ᬧᬶᬲᬦ᭄ᬧᬶᬲᬦ᭄᭞ᬗᬯᬲ᭄ᬮᬶᬗ᭄ᬕᬶᬄᬲᬂᬳ᭄ᬬᬂᬯᬶᬤ᭄ᬥᬶ᭞ᬫᬶᬦᬩ᭄ᬳᬶᬤᬵᬢᬦ᭄ᬧᬭᬕ᭄ᬕᬵ᭞ᬤᬤᬶᬘᬭᬵᬩᬸᬤᬸᬄᬧᬮᬶᬂ᭞ᬫᬫᬃᬡ᭄ᬦᬵ
ᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬳᬶᬮᬶᬤᬂᬫᬍᬄᬤᬶᬢᬸ᭞ᬢᬶᬗ᭄ᬕᬭᬂᬬᬢᬦ᭄ᬓᬢᭀᬦ᭄᭞ᬩᬸᬮᬸᬦ᭄ᬳᬮᬶᬲᬾᬦᬯᭂᬗᬶᬦ᭄᭞ᬲᬗ᭄ᬓᬦ᭄ᬓᬸᬫᬹᬃ᭞ᬲᬂᬳ᭄ᬬᬂᬳᬬᬸᬢ᭄ᬯᬭᬵᬗᭂᬦᬄ᭚ᬫᬸᬮᬵᬭᬶᬫ᭄ᬩᬶᬢ᭄ᬗᬢ᭄ᬗᬄᬳᬶᬤ᭄ᬥᬵ᭞ᬭᬶᬂᬳᬶᬫᬵᬮᬬᬵᬫᬮᬶᬗ᭄ᬕᬶᬄ
[᭙ 9A]
᭞ᬬᬦ᭄ᬲᬓᬶᬂᬕᬸᬦᬸᬂᬓᬾᬮᬰᬵ᭞ᬢᬶᬗ᭄ᬕᬃᬓᬢᭀᬦ᭄ᬫᬓᬵᬲᬫᬶ᭞ᬓᬤᬤᬶᬦᬾᬳᬮᬵᬩ᭄ᬘᬶᬓ᭄᭞ᬳᬧᬦ᭄ᬘᬘᭀᬭᭀᬗᬾᬤᬶᬢᬸ᭞ᬦᬗ᭄ᬳᬶᬂᬳᬭᬂᬜᬶᬤ᭄ᬥᬬᬂ᭞ᬬᬦ᭄ᬢᬦ᭄ᬮᬸᬯᬶᬳᬂᬓᬤᬤᬶᬦ᭄᭞ᬤᬳᬓ᭄ᬓᬾᬯᬸᬄ᭞ᬗᬮᬶᬄᬮᬶ
ᬗ᭄ᬕᬶᬄᬲᬂᬳ᭄ᬬᬂᬲᬹᬓ᭄ᬱ᭄ᬫᬵ᭚ᬳᬾᬗ᭄ᬕᬮᬦ᭄ᬩᬜ᭄ᬘᬦᬢ᭄ᬓᬵ᭞ᬧᬜ᭄ᬘᬪᬹᬝᬵᬦᬾᬫᬫᬹᬃᬢ᭄ᬢᬷ᭞ᬢᬶᬕ᭄ᬕᬵᬪᬹᬘᬭᬶᬗᬗᭀᬦᬂ᭞ᬫᬮᬶ[strike/]ᬩ[/strike]ᬫ᭄ᬩᬄᬫᬗ᭄ᬮᬸᬭᬸᬕ᭄ᬩᭂᬚᬶᬢ᭄᭞ᬫᬜᬸᬲᬸᬧ᭄ᬓᬦᬕᬭᬷ᭞ᬨᬮᬵᬓᬃᬫ᭄ᬫᬵᬢᬦ᭄ᬭᬳᬬᬸ᭞ᬚᬦᬶᬩᬓ
ᬢ᭄ᬢᭂᬫᭀᬓᬂ᭞ᬲᬭᬶᬦ᭄ᬧᬕᬯᬾᬦᬾᬭᬶᬳᬶᬦ᭄᭞ᬢ᭄ᬯᬄᬓᬢ᭄ᬫᬸ᭞ᬢ᭄ᬯᬭᬵᬬᬤᬤᬶᬮᬾᬫ᭄ᬧᬲᬂ᭚ᬓᬾᬢᭀᬓ᭄ᬭᬡ᭄ᬦᬵᬫᬜᬭᬢᬂ᭞ᬮᬦ᭄ᬤᬤᬶᬫᬰᬶᬄᬕᬯᬾᬦᬶᬦ᭄᭞ᬳᬗ᭄ᬕᬾᬦᬂᬫᬳᬬᬸᬚᬕᬢ᭄᭞ᬚᬕᬢ᭄ᬭᬕ᭄ᬕᬵᬲᬫᬦ᭄ᬬᬾᬓᬶ
᭞ᬧᬢᭂᬄᬢᬸᬢᬸᬭᬶᬂᬪᬹᬫᬶ᭞ᬭᬶᬂᬭᬕᬧᬕ᭄ᬦᬄᬳᬶᬧᬸᬦ᭄᭞ᬬᬦ᭄ᬳᬯᬜ᭄ᬚᬕᬢᬾᬭᬸᬦ᭄ᬤᬄ᭞ᬭᬕᬦᬾᬭᬸᬕ᭄ᬤᬤᬶᬯᬾᬘᬶ᭞ᬲᬗ᭄ᬓᬦᬸᬢᬹᬃ᭞ᬦᬸᬢᬹᬭᬶᬦ᭄ᬳᬯᬓ᭄ᬓᬢᬸᬦᬦ᭄᭚ᬲᬸᬩᬵᬳᬤᬵᬩᬸᬓ᭄ᬢᬶᬢᭂᬭᬂ᭞ᬬᬦ᭄ᬳᬦᬓ᭄ᬫᬳᬬᬸᬪᬹᬫᬶ
Page:Bali-lontar-gaguritan-janmaprawreti-02-300ppi.pdf/9
This page has been proofread.
