[᭗ 7B]
᭗
ᬭᬶᬂᬗᬹᬦᬶ᭞ᬢᬹᬃᬫᬯᬾᬄᬳᬕᬫ᭄ᬫᬵᬤ᭄ᬥᬶ᭞ᬰᬰᬡᬦᬶᬂᬳᬡ᭄ᬥᬦᬶᬂᬪᬹᬄ᭞ᬤᬢᬦ᭄ᬤᬤᬶᬓᭀᬭᬸᬧᬂ᭞ᬬᬦ᭄ᬲᬫ᭄ᬧᬸᬦ᭄ᬢᬢᬶᬲᬶᬂᬗᬚᬶ᭞ᬬᬦᬶᬂᬓᭀᬭᬸᬧ᭄᭞ᬫᬢ᭄ᬫᬄᬭᬸᬦ᭄ᬤᬄᬢᬂᬚᬕᬢ᭄᭚ᬓᬾᬢᭀᬲᬗ᭄ᬓᬦ᭄ᬧᬓᬶᬦ᭄ᬓᬶᬦᬂ᭞
ᬓᬥᬃᬫ᭄ᬫᬦ᭄ᬤᬾᬯᬾᬓᬾᬳᬧ᭄ᬢᬶ᭞ᬳᬲ᭄ᬢᬶᬢᬶᬲᬤᬶᬦᬵᬲᬦ᭄ᬩ᭄ᬭᬦ᭄᭞ᬧ᭄ᬢᭂᬂᬍᬫᬄᬳᬬ᭄ᬯᬵᬕᬶᬗ᭄ᬲᬶᬃ᭞ᬧ᭄ᬮᬚᬳᬶᬦ᭄ᬲᬳᬶᬕᬸᬮᬶᬓ᭄᭞ᬳᬗ᭄ᬕᭀᬫ᭄ᬓᬵᬤᬫᬃᬤᬶᬢᬸ᭞ᬤᬶᬓ᭄ᬦᭂᬳᬾᬓᬩᬸᬦᬦ᭄᭞ᬲᬂᬳ᭄ᬬᬂᬲᬹᬃᬬ᭄ᬬᬵᬳᬗ᭄ᬕᭀᬲᬓ᭄ᬱᬶ
᭞ᬳᬶᬤ᭄ᬥᬵᬳᬸᬚᬸᬢ᭄᭞ᬢᬸᬦᬲᬶᬦ᭄ᬳᬶᬤᬵᬧᬦᬶᬢᬄ᭚ᬤᬾᬦᬶᬂᬳᬶᬤᬵᬧᬗ᭄ᬮᬸᬓᬢᬦ᭄᭞ᬫᬫᬹᬃᬡ᭄ᬦᬵᬍᬢᭂᬳᬶᬂᬪᬹᬫᬶ᭞ᬤᬤᬶᬲᬸᬦ᭄ᬤᬃᬭᬶᬂᬪᬹᬯᬡᬵ᭞ᬫᬓᬵᬰᬓ᭄ᬱᬶᬳᬮᬵᬩ᭄ᬘᬶᬓ᭄᭞ᬦᬶᬢᬳᬂᬲᬮ᭄ᬯᬶᬭᬶᬂᬤᬤᬶ᭞ᬲᬂᬳ᭄ᬬᬂᬲᬹᬃ
ᬬ᭄ᬬᬵᬫᬓᬵᬲᬸᬮᬸᬃ᭞ᬜᬸᬮᬸᬄᬳᬶᬲᬶᬦᬶᬂᬚᬕᬢ᭄᭞ᬳᬶᬤᬵᬦᬾᬗ᭄ᬯᬶᬰᬾᬱᬵᬲᬫᬶ᭞ᬓᬗ᭄ᬕᭂᬄᬕᬸᬭᬸ᭞ᬳᬦ᭄ᬢᬸᬓ᭄ᬲᬂᬧᬭᬵᬤᬾᬯᬢ᭄ᬢᬵ᭚ᬧᬸᬡ᭄ᬬᬵᬧᬶᬦᬓᬵᬯᬯᬤᬄ᭞ᬚᬮᬭᬦ᭄ᬤᬾᬯᬾᬓᬾᬤᬤᬶ᭞ᬪᬹᬓ᭄ᬢᬶᬲ
[᭘ 8A]
ᬓᬮᬵᬳᬭᬦ᭄ᬬ᭞ᬢᬧᬓᬦᬶᬂᬬᬚ᭄ᬜᬵᬍᬯᬶᬄ᭞ᬲᬗ᭄ᬓᬦ᭄ᬤᬥᬃᬓᬤᬦᬶᬦ᭄᭞ᬲᬤᬦᬦᬾᬓᬧᬶᬗᬬᬸᬦ᭄᭞ᬤᬤᬶᬩᬦ᭄ᬤᬦᬶᬂᬚᬕᬢ᭄᭞ᬦᬕ᭄ᬕᬵᬮᬶᬗ᭄ᬓᭂᬃᬫᬓᬵᬢᬮᬶ᭞ᬓᬾᬢᭀᬲᬸᬤᬸᬓ᭄᭞ᬩᬬᬸᬢᬺᬱ᭄ᬡᬵᬦᬾᬫᬗᬢᬢ᭄
᭚ᬲᬗ᭄ᬓᬦᬶᬂᬓᬾᬯᭂᬄᬫ᭄ᬮᬲᬂ᭞ᬩᬸᬤᬶᬢᬺᬱ᭄ᬡᬦᬾᬫᬗ᭄ᬮᬶᬮᬶᬢ᭄᭞ᬪᬤ᭄ᬥᬯ᭄ᬯᬂᬦᬵᬮᬦᬾᬓᭀᬘᬧ᭄᭞ᬦᬕ᭄ᬕᬵᬦᬾᬫᭂᬤ᭄ᬩᭂᬤ᭄ᬫᬗ᭄ᬕᬶᬲᬶ᭞ᬫᬗ᭄ᬭᬾᬢᭀᬫᬧᬸᬮᬶᬮᬶᬢ᭄᭞ᬫᬕᭂᬳᬂᬥᬲᬃᬭᬶᬓᬂᬪᬹᬄ᭞ᬬᬦ᭄ᬢᬦ᭄ᬳᬶᬦᬕ᭄ᬕᬵᬓᭀᬯᬢ᭄᭞
ᬫᬕᬾᬜ᭄ᬚᭀᬗᬦ᭄ᬢᬶᬓᬂᬪᬹᬫᬶ᭞ᬢᬦᬸᬭᬸᬂᬭᬸᬕ᭄᭞ᬓᭀᬘᬧ᭄ᬲᬳᬶᬲᬶᬦᬶᬂᬚᬕᬢ᭄᭚ᬲᬥᬦᬦᬾᬫᬮᬸᬓᭀᬯᬢᬂ᭞ᬧᬕᭂᬳᬂᬤᬶᬳᬢᬶᬕᬶᬲᬶ᭞ᬢᬮᬶᬦᬶᬦ᭄ᬩᬦ᭄ᬢᬸᬢᬹᬃᬫ᭄ᬮᬄ᭞ᬲᬧ᭄ᬢᬯᬾᬘᬶᬓᭀᬜ᭄ᬘᬶᬲᬫᬶ᭞ᬢ᭄ᬭᬶᬮᬶᬗ᭄ᬕᬦᬾ
ᬉᬢ᭄ᬧ᭄ᬢᬶ᭞ᬢᬸᬗ᭄ᬕᬮᬂᬮᬸᬗ᭄ᬕᬸᬳᬾᬫᬮᬸ᭞ᬬᬦ᭄ᬲᬚ᭄ᬚᬵᬲᬸᬩᬵᬢᬸᬗ᭄ᬕᬮ᭄᭞ᬫᬭᬵᬚᬮᬦᬂᬮᬫ᭄ᬧᬳᬶᬦ᭄᭞ᬢ᭄ᬯᬄᬲᬓᬳ᭄ᬬᬸᬦ᭄᭞ᬲᬶᬤ᭄ᬥᬵᬢᬓᬦ᭄ᬳᬦᬵᬮᬾᬫ᭄ᬧᬲ᭄᭚ᬪᬥᬯ᭄ᬯᬂᬧᬶᬦᬓᬵᬯᬥᬄ᭞ᬚᬶᬦᬄᬲᬥᬦᬵᬓᬤ
Page:Bali-lontar-gaguritan-janmaprawreti-02-300ppi.pdf/8
This page has been proofread.
