[᭖ 6B]
᭖
ᬤᬦᬵᬧᬥᬮᬭᬸᬤ᭄᭞ᬲᬗ᭄ᬓᬦ᭄ᬧᬥᬧ᭄ᬥᬲᬂ᭞ᬜᬕᬵᬲᬢ᭄ᬭᬸᬦᬾᬤᬶᬳᬢᬶ᭞ᬫᬗ᭄ᬤᬵᬲᬫ᭄ᬧᬸᬦ᭄᭞ᬨᬮᬦ᭄ᬬᬵᬚ᭄ᬜᬦᬾᬢᬦ᭄ᬧᬯ᭄ᬭᬢ᭄᭚ᬓᬾᬦ᭄ᬓᬾᬦ᭄ᬓᬓ᭄ᬭᬡᬵᬫᬧᬸᬦ᭄ᬬᬵ᭞ᬓᬲᬸᬕᬶᬳᬦ᭄ᬩᬓᬢ᭄ᬳᬶᬧᬶᬄ᭞ᬳᬗ᭄ᬕᭀᬤᬦᬵ
ᬧᬸᬦ᭄ᬬᬵᬤᬤᬃ᭞ᬨᬮᬦᬾᬫᬮᬸᬳᬶᬯᬲᬶᬦ᭄᭞ᬧᬶᬓ᭄ᬦᭀᬳᬾᬧᬢᬶᬢᬶᬲ᭄᭞ᬧᬼᬗᬂᬤᬶᬳᬢᬶᬫᬮᬸ᭞ᬕᬮᬃᬕᬮᬭᬶᬦ᭄ᬯᬲ᭄ᬯᬲ᭄᭞ᬲᬤᬦᬵᬦ᭄ᬜᬦᬾᬳᬶᬯᬲᬶᬦ᭄᭞ᬬᬦ᭄ᬢ᭄ᬯᬄᬧᬢᬹᬢ᭄᭞ᬜᬦ᭄ᬤᬂᬚᬮᬦᬂᬲᬭᬢᬂ
᭚ᬫᬗ᭄ᬤᬵᬲᬵᬫ᭄ᬧᬸᬦ᭄ᬢᭂᬓᬵᬮᭀᬕᬲ᭄᭞ᬢᬦ᭄ᬯ᭄ᬭᬶᬂᬮᬓᬸᬲᬦᬾᬳᬸᬗ᭄ᬲᬷ᭞ᬜᬶᬸᬲᬶᬜᬳᬦᬓ᭄ᬫᬜᬾᬓᬬᬂ᭞ᬗᬾᬜᭀᬃᬩᬳᬦ᭄ᬫᬸᬜᬶᬫᬦᬶᬲ᭄᭞ᬦᬗ᭄ᬳᬶᬂᬫᬧ᭄ᬭᬶᬄᬧᬶᬓᭀᬮᬶᬄ᭞ᬫᬗᬸᬫ᭄ᬧᬦᬶᬬᬫᬦᬸᬮ᭄ᬤᬸᬮ᭄᭞ᬫᬧ᭄ᬭᬶᬄ
ᬧᬬᬸᬦᬾᬗᬫᬄ᭞ᬢᬦ᭄ᬧᬗᬾᬢᬂᬪᬬᬵᬤᬤᬶ᭞ᬲᬕ᭄ᬓᬦ᭄ᬓᬾᬯᬸᬄ᭞ᬫᬗᬶᬢᬸᬗᬶᬦ᭄ᬨᬮᬵᬦ᭄ᬓᬃᬫ᭄ᬫᬵ᭚ᬳᬗ᭄ᬳᬶᬂᬳᬦᬵᬭᬯᬢ᭄ᬭᬯᬢ᭄᭞ᬳᬸᬗ᭄ᬕᬸᬳᬦ᭄ᬭᬶᬂᬰᬵᬲ᭄ᬢ᭄ᬭᬳᬚᬶ᭞ᬬᬦ᭄ᬤᬾᬯᬾᬓ᭄ᬤᬤᬶᬫᬦᬹᬱᬵ᭞ᬤ᭄ᬥᬵᬮᬾᬫ᭄ᬧᬲ᭄ᬦᬗᬹᬦ᭄
[᭗ 7A]
ᬧᬓᬾᬃᬢ᭄ᬢᬶ᭞ᬫᬫ᭄ᬭᬢᬬᬂᬓᬤᬤᬶᬦ᭄᭞ᬓᬯᬶᬢᬦ᭄ᬲᬦ᭄ᬢᬦᬵᬢᬸᬫᬸᬢ᭄᭞ᬢᭀᬦᬾᬧᬢᬹᬢ᭄ᬲᬭᬢᬂ᭞ᬓᬥᬃᬫ᭄ᬫᬦᬾᬮᬓ᭄ᬱᬡᬦᬶᬦ᭄᭞ᬤ᭄ᬥᬵᬫᬗᬫᬸᬂ᭞ᬓᬾᬢᭀᬢᬸᬢᬸᬭᬶᬂᬳᬕᬫ᭄ᬫᬵ᭚ᬨᬮᬦᬶᬂᬤᬾᬯᬾᬓ᭄ᬫᬬᬰᬵ᭞ᬲᬮ᭄ᬯᬶᬭᬶᬂ
ᬤᬦᬵᬧᬓᬾᬃᬢ᭄ᬢᬶ᭞ᬢᬦ᭄ᬓᬸᬭᬶᬂᬰ᭄ᬭᬶᬲᬤᬦᬵ᭞ᬭᬶᬓᬮᬵᬦᬸᬫᬶᬢᬶᬲ᭄ᬫᬮᬶᬄ᭞ᬤᬶᬢᬸᬧᬘᬂᬧᭀᬦᬶᬦ᭄᭞ᬧᬕᬯᬾᬦᬾᬤᬸᬓᬾᬳᬶᬤᬸᬧ᭄᭞ᬳᬶᬲᬦ᭄ᬢᬦᬵᬫᬦᬫ᭄ᬫᬵ᭞ᬧᬕᬯᬾᬦ᭄ᬤᬾᬯᬾᬓᬾᬗᬹᬦᬶ᭞ᬓᬾᬢᭀᬢᬹᬢᬸᬃ᭞ᬓ
ᬥᬃᬫ᭄ᬫᬦᬶᬂᬤᬤᬶᬚᬦ᭄ᬫᬵ᭚ᬬᬚ᭄ᬜᬦ᭄ᬫᬵᬢᬦ᭄ᬫᬧᬓᬶᬃᬢ᭄ᬬᬵ᭞ᬫᬩ᭄ᬭᬢᬵᬬᭀᬕ᭄ᬕᬵᬲᬫᬤ᭄ᬥᬶ᭞ᬢᬸᬫᬶᬢᬶᬲᬦᬾᬓᬦ᭄ᬧᬯ᭄ᬭᬢ᭄᭞ᬓᬤᬤᬶᬦᬾᬫᬸᬯᬢ᭄ᬫᬳᬶᬢ᭄᭞ᬢᬦ᭄ᬧᬫᬗ᭄ᬕᬶᬄᬨᬮᬵᬦᭀᬕᬶ᭞ᬫᬜᭂᬮ᭄ᬲᭂᬮ᭄ᬭᬕ᭄ᬕᬵᬫᬗ᭄ᬭᬸᬫᬸ
ᬢ᭄᭞ᬢᭀᬲᬗ᭄ᬓᬦ᭄ᬫᬗ᭄ᬮᬾᬫᬾᬓᬂ᭞ᬫᬶᬢ᭄ᬓᭂᬢᬂᬬᬦ᭄ᬢᬄᬤᬤᬶ᭞ᬳᬗ᭄ᬕᬾᬫᬸᬗᬹ᭞ᬧᬧᬶᬦᭂᬳᬾᬓᬲ᭄ᬮᬶᬫᬸᬭᬦ᭄᭚ᬤᬾᬦᬶᬂᬫᬸᬮᬵᬕᬕᬥᬸᬳᬦ᭄᭞ᬧᬦᬶᬢᬳᬶᬂᬲᬂᬳ᭄ᬬᬂᬯᬶᬤ᭄ᬥᬶ᭞ᬲ᭄ᬥᬸᬓ᭄ᬳᬶᬤ᭄ᬥᬵᬗ᭄ᬯᬗᬸᬦ᭄ᬩ᭄ᬯᬦᬵ᭞ᬳᬗᬚᬃᬚᬦ᭄ᬫᬵ
Page:Bali-lontar-gaguritan-janmaprawreti-02-300ppi.pdf/7
This page has been proofread.
