[᭕ 5B]
᭕
ᬢᬂᬲᬤ᭄ᬭᬶᬧᬸᬭᬯᬸᬄ᭞ᬫᬸᬓ᭄ᬱᬄᬢᬦ᭄ᬧᬕᬦ᭄ᬢᬸᬮᬦ᭄᭞ᬲᬤ᭄ᬭᬶᬧᬸᬦᬾᬭᬭᬸᬤ᭄ᬗᬶᬮᬶ᭞ᬧᬥᬫᬸᬦ᭄ᬤᬸᬃ᭞ᬢᬦᬦᬵᬯᬦᬶᬗᬋᬧᬂ᭚ᬲᬤ᭄ᬭᬶᬧᬸᬦᬾᬧᬹᬃᬡ᭄ᬦᬲᬫ᭄ᬬᬦ᭄᭞ᬯ᭄ᬢᬸᬢᬂᬥᬃᬫ᭄ᬫᬵᬧᬓᬾᬃᬢ᭄ᬣᬶ᭞ᬫᬓᬤᬲᬃᬧᬜ᭄ᬘᬬᬚ᭄ᬜᬵ᭞
ᬯᭀᬲᬤ᭄ᬥᬶᬫᬓᬵᬢᬢᬮᬶ᭞ᬥᬃᬫ᭄ᬫᬵᬲᬸᬲᬢ᭄ᬬᬵᬩᬸᬤ᭄ᬥᬶ᭞ᬩ᭄ᬭᬢᬵᬢᬧᬵᬧᬥᬭᬯᬸᬄ᭞ᬳᬗ᭄ᬕᬾᬗᬸᬗ᭄ᬲᬶᬓᬯᬗᬦ᭄᭞ᬗᬮᬶᬄᬓᬯᬶᬢᬦᬶᬂᬤᬤᬶ᭞ᬲᬗ᭄ᬓᬦ᭄ᬢᬸᬫ᭄ᬩᬸᬄ᭞ᬤᬤᬶᬚᬦ᭄ᬫᬵᬭᬶᬂᬩ᭄ᬯᬄᬮ᭄ᬧ᭄ᬓᬵ᭚ᬩᬘᬓ
ᬦ᭄ᬳᬶᬧᬜ᭄ᬘᬬᬚ᭄ᬜ᭄ᬬᬵ᭞ᬤᬾᬯ᭄ᬯᬵᬬᬚ᭄ᬜᬵᬓᬧᬶᬂᬭᬶᬳᬶᬦ᭄᭞ᬪᬹᬝᬵᬬᬚ᭄ᬜᬵᬓᬧᬶᬂᬗᬸᬦ᭄ᬢᬢ᭄᭞ᬧᬸᬢᬺᬬᬚ᭄ᬜᬵᬫᬫ᭄ᬭᬶᬬᬸᬓᬶᬦ᭄᭞ᬋᬱᬶᬫᬦᬹᬱᬵᬫᬮᬶᬄ᭞ᬫᬤᬸᬮᬸᬭᬵᬦ᭄ᬩᭂᬓ᭄ᬭᬳᬬᬸ᭞ᬧᭀᬲᬤ᭄ᬥᬶᬦᬾᬩᬸᬯᬢᬂ᭞ᬳᬗ᭄ᬕᭀᬤᬲᬭᬶᬂ
ᬧᬓᬾᬃᬢ᭄ᬢᬷ᭞ᬗᬾᬱ᭄ᬝᬶᬳᬬᬸ᭞ᬤᬓ᭄ᬱᬶᬡ᭄ᬦᬵᬢᭀᬂᬤᬤᬶᬩ᭄ᬮᬲ᭄᭚ᬲᬗ᭄ᬓᬦᬶᬂᬫᬤᬦ᭄ᬕᬮᬳᬦ᭄᭞ᬳᬮᬄᬕᬶᬮᬶᬄᬓᬳᬤᬦᬶᬦ᭄᭞ᬧᬕᬶᬮᬶᬄᬦᬶᬂᬤᬾᬯ᭄ᬯᬵᬧᬶᬢᬺ᭞ᬪᬹᬝᬵᬫᬦᬹᬱᬵᬫ᭄ᬯᬂᬋᬱᬶ᭞ᬫᬓᬸᬫ᭄ᬧᬸᬮ᭄ᬢᬂᬧᬜ᭄ᬘᬵᬤᬶ᭞ᬏᬓᬵ
[᭖ 6A]
ᬢᬸᬗ᭄ᬕᬮ᭄ᬤᬤᬦᬶᬧᬸᬦ᭄᭞ᬫᬢᬸᬗ᭄ᬕᬮᬦ᭄ᬥᬓ᭄ᬱᬶᬡ᭄ᬦᬵ᭞ᬩᬶᬩᬶᬢᬶᬂᬚᬦ᭄ᬫᬵᬦᬸᬫᬤᬶ᭞ᬧᬜ᭄ᬘᬩᬬᬸ᭞ᬤᬤᬶᬤᬲᬭᬶᬂᬤᬸᬫᬤ᭄ᬬᬵ᭚ᬢᬦ᭄ᬮᬾᬫ᭄ᬧᬲ᭄ᬭᬶᬂᬧᬜ᭄ᬘᬬᬚ᭄ᬜᬵ᭞ᬤᬓ᭄ᬱᬶᬡᬦᬾᬓᬗ᭄ᬕᬾᬦ᭄ᬩᬸᬗ᭄ᬓᬶᬮ᭄᭞ᬬᬦᬶᬂᬳᬦᬵᬧᬜ᭄ᬘᬬᬚ᭄ᬜᬵ
᭞ᬭᬦᬵᬗᬗ᭄ᬕᬾᬤᬓ᭄ᬱᬶᬡ᭄ᬦᬵ᭞ᬬᬚ᭄ᬜᬵᬉᬝᬵᬓᬤᬦᬶᬦ᭄᭞ᬢᬦ᭄ᬳᬦᬵᬧᬶᬓ᭄ᬦᭀᬄᬳᬶᬧᬸᬦ᭄᭞ᬦᬶᬃᬤᭀᬦ᭄ᬢᬶᬓᬂᬲ᭄ᬯᬵᬓᬃᬬ᭄ᬬᬵ᭞ᬳᬗ᭄ᬳᬶᬂᬧ᭄ᬥᬲᬂᬗᬶᬯᬲᬶᬦ᭄᭞ᬫᬗ᭄ᬤᬵᬲᬫ᭄ᬧᬸᬦ᭄᭞ᬓᬢᬦ᭄ᬤ᭄ᬭᬸᬳᬦ᭄ᬢᬶᬓᬂᬬᬚ᭄ᬜᬵ᭚ᬗᬯᬾᬫᬦᬄ
ᬓᬲ᭄ᬮᬶᬫᬸᬭᬦ᭄᭞ᬧᬓᬶᬃᬢ᭄ᬢᬷᬦᬾᬳᬶᬮᬂᬲᬫᬶ᭞ᬕᬯᬾᬳᬬᬸᬦᬾᬲᬸᬫᬸᬗ᭄ᬲᬂ᭞ᬯᬶᬦᬮᬶᬓ᭄ᬢᬂᬬᬰᬵᬓᬾᬃᬢ᭄ᬢᬷᬨᬮᬭᬳᬬᬸᬦᬾᬕᬶᬗ᭄ᬲᬶᬃ᭞ᬫᬢᬹᬄᬫᬦ᭄ᬤᬤᬶᬓᬾᬯᬸᬄ᭞ᬭᬚᬄᬢᬫᬳᬾᬢ᭄ᬓᬵ᭞ᬲᬤ᭄ᬭᬶᬧᬸᬢ᭄ᬓᬵᬗ᭄ᬮᬸᬭᬸᬕᬶᬦ᭄᭞ᬧᬬᬸ
ᬳᬜᬸᬤ᭄᭞ᬧᬜ᭄ᬘᬬᬚ᭄ᬜᬵᬦᬾᬢᬦ᭄ᬧᬯ᭄ᬭᬢ᭄᭚ᬢ᭄ᬭᬶᬫᬾᬤᬦᬾᬫᬗᬮᬳᬂ᭞ᬫᬗᭂᬩᬸᬕ᭄ᬬᬰᬵᬲᬸᬓᬾᬃᬢ᭄ᬢᬷ᭞ᬤᬤᬶᬳᬶᬮᬂᬨᬮᬵᬓᬃᬫ᭄ᬫᬵ᭞ᬫᭀᬳᬮᭀᬩᬦᬾᬫᬫᬹᬃᬢ᭄ᬢᬷ᭞ᬗᬮᬗᬂᬬᬰᬵᬓᬶᬃᬢ᭄ᬢᬶ᭞ᬯᬾᬯᬾᬄ
Page:Bali-lontar-gaguritan-janmaprawreti-02-300ppi.pdf/6
This page has been proofread.
