[᭔ 4B]
᭔
ᬰᬾᬱᬵ᭞ᬫᬧᬦ᭄ᬧᬮᬸᬗ᭄ᬕ᭄ᬯᬦ᭄ᬳ᭄ᬬᬂᬯᬶᬤ᭄ᬥᬶ᭞ᬳᬶᬤᬵᬫᬸᬗ᭄ᬕᬸᬄ᭞ᬗ᭄ᬮᬶᬗ᭄ᬕᬦᬶᬦ᭄ᬤᬾᬯᬾᬓ᭄ᬫᬦᬹᬱᬵ᭚ᬬᬦ᭄ᬤᬾᬯᬾᬓ᭄ᬤᬤᬶᬫᬦᬹᬱᬵ᭞ᬢ᭄ᬭᬶᬓᬬᬦᬾᬓᬧᬶᬂᬭᬶᬳᬶᬦ᭄᭞ᬩ᭄ᬭᬢᬬᬂᬭᬶᬂᬧᬮᬓ᭄ᬱᬡᬦ᭄᭞ᬢ᭄ᬭᬶᬓᬬᬵᬲᬸᬤ᭄ᬥᬵᬦᬾᬚ
ᬢ᭄ᬣᬷ᭞ᬢ᭄ᬭᬶᬓᬬᬵᬥᬃᬫ᭄ᬫᬵᬗᬾᬫ᭄ᬧᬾᬮᬶᬦ᭄᭞ᬩ᭄ᬭᬢᬵᬲᬫᬤ᭄ᬥᬶᬦᬾᬦᬸᬢᬸᬕ᭄᭞ᬤᬦᬵᬧᬸᬡ᭄ᬬᬵᬦᬾᬗᬢᬢ᭄᭞ᬱᬩᬸᬓ᭄ᬢ᭄ᬬᬦᬶᬂᬚᬦ᭄ᬫᬵᬉᬭᬶᬧ᭄᭞ᬫᬓᬵᬲᬗᬸ᭞ᬧᬩᬸᬓ᭄ᬢ᭄ᬬᬦ᭄ᬚᬦ᭄ᬫᬵᬭᬶᬂᬧᬤ᭄ᬥᬵ᭚ᬦᬵᬗ᭄ᬳᬶᬂᬫᬰᬓ᭄ᬱᬶᬪᬝᬵᬭᬵ
᭞ᬫᬓᬵᬲᬸᬦ᭄ᬤᬵᬃᬲᬂᬳ᭄ᬬᬂᬯᬶᬤ᭄ᬥᬶ᭞ᬫᬓᬵᬲᬸᬮᬸᬳᬶᬂᬮᬓ᭄ᬱᬡᬵ᭞ᬦᬾᬗᬯᬾᬦᬂᬳᬮᬵᬩ᭄ᬘᬶᬓ᭄᭞ᬢ᭄ᬯᬭᬵᬤᬤᬶᬧᬘᬂᬓ᭄ᬮᬶᬤᬶᬦ᭄᭞ᬧᬦᬶᬢᬳᬶᬂᬲᬂᬳ᭄ᬬᬂᬢᬸᬤᬸᬄ᭞ᬢ᭄ᬯᬄᬢ᭄ᬭᬷᬓᬬᬦᬾᬦᬸᬤᬸᬳᬂ᭞ᬯᬘᬶᬓᬵᬓᬬᬸᬓᬵ᭞ᬚᬢᬷ᭞
ᬫᬦᬘᬶᬓᬵ᭞ᬤᬤᬶᬫᬃᬕ᭄ᬕᬵᬚ᭄ᬮᬾᬫ᭄ᬮᬄ᭚ᬬᬦ᭄ᬲᬶᬤ᭄ᬥᬵᬫᬓ᭄ᬚᬂ᭞ᬢ᭄ᬭᬶᬓᬬᬦᬾᬗᬯᬾᬩ᭄ᬘᬶᬓ᭄᭞ᬫᬗᬫ᭄ᬩᬳᬂᬫᭀᬮᬶᬄᬲᬸᬓᬵ᭞ᬨᬮᬵᬲ᭄ᬯᬃᬕ᭄ᬕᬦᬾᬓᬩᬸᬓ᭄ᬢᬶ᭞ᬬᬦ᭄ᬲᬮᬄᬩᬦ᭄ᬗᬫ᭄ᬩᬳᬶᬦ᭄᭞ᬨᬧᬵᬦ᭄ᬭᬓ
[᭕ 5A]
ᬦᬾᬫᬗ᭄ᬭᬶᬗ᭄ᬓᬸᬲ᭄᭞ᬲᬗ᭄ᬲᬭᬦᬶᬂᬧᬯᬓᬦ᭄᭞ᬤ᭄ᬬᬤ᭄ᬬᬸᬫ᭄ᬯᬢ᭄ᬫᬳᬶᬢ᭄᭞ᬫᬲᬶᬄᬳᬶᬓᬸ᭞ᬢ᭄ᬭᬷᬓᬬᬦᬾᬫᬗᭂᬤᭂᬗᬂ᭚ᬬᬦ᭄ᬲᬩᬵᬢ᭄ᬭᬷᬓᬬᬲᬸᬤ᭄ᬥᬵ᭞ᬧᬜ᭄ᬘᬰᬶᬮᬦᬾᬫ᭄ᬭᬶᬬᬸᬓᬶᬦ᭄᭞ᬬᬦ᭄ᬲᬫ᭄ᬧᬸᬦ᭄ᬢᬢᬲᬶᬂᬰᬶ
ᬮᬵ᭞ᬓᬭᬳᬬᬸᬩᬦ᭄ᬗᬫ᭄ᬩᬳᬶᬦ᭄᭞ᬓᭀᬫᬯᬓ᭄ᬱᬸᬩᬵᬍᬯᬶᬄ᭞ᬯ᭄ᬭᬸᬳᬶᬂᬢᬢᬵᬓ᭄ᬭᬫᬵᬳᬬᬸ᭞ᬫᬤᭀᬄᬭᬶᬧᬸᬭᬶᬂᬤᬯᬓ᭄᭞ᬯ᭄ᬢᬸᬢᬂᬧᬜ᭄ᬘᬧᬓᬾᬃᬢ᭄ᬢᬶ᭞ᬫᬓᬵᬭᬸᬭᬸᬂ᭞ᬨᬮᬵᬲᬸᬓᬵᬓᬯᬶᬪᬯᬦ᭄᭚ᬧᬜ᭄ᬘᬰᬶᬮ
ᬦᬾᬢᬸᬢᬹᬭᬂ᭞ᬯ᭄ᬭᬸᬄᬭᬶᬂᬧᬦᬶᬢᬳᬶᬂᬯᬶᬤ᭄ᬥᬶ᭞ᬯ᭄ᬭᬸᬄᬭᬶᬂᬧᬳᬤᬸᬂᬫᬜ᭄ᬚᬦ᭄ᬫᬵ᭞ᬯ᭄ᬭᬸᬄᬭᬶᬂᬤᬾᬯᬾᬓ᭄ᬫᬲᭀᬃᬲᬶᬗ᭄ᬕᬶᬄ᭞ᬯ᭄ᬭᬸᬄᬭᬶᬂᬯᬶᬪᬹᬄᬳᬶᬂᬪᬹᬫᬶ᭞ᬯ᭄ᬭᬸᬄᬗᬯ᭄ᬯᬾᬭᬳᬬᬸᬦᬶᬂᬪᬹᬄ᭞ᬳᬭᬶᬫ᭄ᬩᬯᬵᬭᬶᬂᬧᬭᬵ᭞ᬭᬶᬂᬉᬱᬵᬤᬾᬱ
ᬦᬶᬂᬤᬥᬶ᭞ᬦ᭄ᬤᬢᬦ᭄ᬓᬾᬮᬸᬕ᭄᭞ᬜᬸᬫ᭄ᬧᬸᬭᬶᬂᬮᬓ᭄ᬱᬡ᭄ᬦᬵᬘᭀᬭᬄ᭚ᬬᬦ᭄ᬳᬶᬧᬜ᭄ᬘᬥᬃᬫ᭄ᬫᬵᬓ᭄ᬢᬄ᭞ᬧᬜ᭄ᬘᬮᬓ᭄ᬱᬡᬦᬾᬩ᭄ᬘᬶᬓ᭄᭞ᬧᬜ᭄ᬘᬓᬃᬫ᭄ᬫᬵᬫᬰᬶᬄᬫ᭄ᬮᬄ᭞ᬫ᭄ᬮᬄᬨᬮᬦᬶᬂᬤᬸᬫᬤ᭄ᬥᬶ᭞ᬢᬶᬦᬶᬭᬸᬫᬭᬶᬂᬪᬹᬫᬶ᭞ᬫᬤᭀᬄ
Page:Bali-lontar-gaguritan-janmaprawreti-02-300ppi.pdf/5
This page has been proofread.
