Page:Bali-lontar-gaguritan-janmaprawreti-02-300ppi.pdf/4

[᭓ 3B]
᭓
ᬦ᭄ᬫᬵᬓᬯᬱ᭄ᬝᬦᬶᬦ᭄᭞ᬲᬗ᭄ᬓᬦ᭄ᬫᬰᬶᬄᬫᬗᬸᬗ᭄ᬕᬸᬳᬂ᭞ᬭᬶᬂᬕᬸᬭᬶᬢ᭄ᬳᬗ᭄ᬕᬾᬫᬕᭂᬡ᭄ᬥᬶᬂ᭞ᬳᬗ᭄ᬕᬾᬜᬮᬶᬫᬹᬃᬧᬮᬶᬂ᭞ᬧᬮᬶᬂᬢᬦ᭄ᬯ᭄ᬭᬸᬄᬳᬶᬤᬢ᭄ᬳᬤᬸᬢ᭄᭞ᬓᬤ[damage]
ᬧᬬᬮᬩᬸᬄ᭞ᬧᬫ᭄ᬭᬕᬢ᭄ᬤᬾᬯᬾᬓᬾᬲᬸᬗ᭄ᬓᬦ᭄᭚ᬜᬾᬦ᭄ᬢᬸᬦ᭄ᬤᬾᬦᬂᬫᬦᬳᬦᬂ᭞ᬧ᭄ᬮᬶᬄᬭᬕ᭄ᬕᬵᬓᬯᬱ᭄ᬝᬦᬶᬦ᭄᭞ᬲᬗ᭄ᬓᬦ᭄ᬚᬦᬶᬧ᭄ᬮᬚᬳᬂ᭞ᬢᬸᬦᬲᬂᬭᬶᬂᬲᬂᬳ᭄ᬬᬂᬳ[damage]
ᬦᬶᬂᬭᬕ᭄ᬕᬵᬢᬸᬫᬸᬯᬸᬄ᭞ᬳᬧᬵᬓᬾᬲᬗ᭄ᬓᬦ᭄ᬧᬭᬦ᭄᭞ᬯ᭄ᬢᬸᬦᬶᬂᬳ᭄ᬬᬂᬫᬯᬾᬄᬉᬭᬶᬧ᭄᭞ᬧᬗ᭄ᬤᬵᬓᬸᬫᬹᬃ᭞ᬧᬢᬹᬢ᭄ᬧ᭄ᬥᬲᬂᬭᬶᬂᬫᬦ᭚ᬬᬦ᭄ᬢᬶᬗ᭄ᬓᬳᬶᬂᬓ᭄ᬭᬫ᭄ᬫᬵᬳᬤᬢ᭄᭞ᬩ᭄ᬬᬵᬱᬫᬭᬗᬮᬧ᭄ᬭᬩᬶ᭞ᬩᬸ[damage]
ᬯᬂᬓᬸᬋᬡᬦ᭄᭞ᬗᬯᬾᬲᬗ᭄ᬕᬄᬭᭀᬂᬓᬢ᭄ᬭᬶᬡᬷ᭞ᬗᬱ᭄ᬝᬶᬢᬶᬲᬂᬳ᭄ᬬᬂᬯᬶᬤ᭄ᬥᬶ᭞ᬢᬶᬕᬵᬲ᭄ᬣᬦᬵᬤᬶᬢᬸᬫᬸᬗ᭄ᬕᬸᬄ᭞ᬜᬾᬦ᭄ᬢᭀᬤᬾᬯᬦᬾᬓᭀᬘᬧ᭄᭞ᬓᬮᬶᬗ᭄ᬕᬬᬂᬲ᭄ᬣᬶᬢᬶᬚᬢᬶ᭞ᬧᬘᬂᬲᬸᬗ᭄ᬲᬸᬂ᭞ᬉᬧᬢᬶ
[᭔ 4A]
ᬢ᭄ᬯᬵᬫᬸᬗ᭄ᬕᬸᬄᬭᬶᬂᬕᬸᬭᬶᬢ᭄᭞ᬲᬦᬾᬯ᭄ᬢᬸ᭞ᬕᬡᬮ᭄ᬳᬶᬮᬶᬢ᭄ᬫᬭᬶᬂᬩ᭄ᬯᬦᬵ᭚ᬳᭂᬦ᭄ᬢᭀᬦᬾᬧᬢᬹᬢ᭄ᬧ᭄ᬥᬲᬂ᭞ᬧ᭄ᬝᬶᬓ᭄ᬭᬶᬂᬗ᭄ᬳᬶᬥᭂᬧ᭄ᬧ᭄ᬮᬚᬳᬶᬦ᭄᭞ᬢᬶᬫ᭄ᬩᬗᬂᬭᬶᬂᬓᬚᬃᬢᬢ᭄ᬯᬵ᭞ᬓᬸᬦᬵᬤᬺᬱ᭄ᬝᬵᬰᬵᬲ᭄ᬢ᭄ᬭᬵᬤᬺᬱ᭄ᬝᬶ᭞ᬧᬹᬃᬯ᭄ᬯᬵᬤᬺᬱ᭄ᬝᬦᬾᬗᬯᬶᬢ᭄
᭞ᬮᬓ᭄ᬱᬡᬬᬂᬳᬧᬂᬧᬢᬸᬢ᭄᭞ᬢ᭄ᬭᬷᬓᬬᬦᬾᬧᬂᬫ᭄ᬮᬄ᭞ᬢ᭄ᬭᬷᬮᬓ᭄ᬱᬡᬵᬫᬗᬾᬫ᭄ᬧᬾᬮᬶᬦ᭄᭞ᬤᬶᬢᬸᬳᬤᬸᬂ᭞ᬳᬧᬂᬯ᭄ᬭᬸᬄᬭᬶᬂᬧᬳᬯᬓᬦ᭄᭚ᬳᬧᬜ᭄ᬚᭂᬮᬾᬓᬲᬶᬦᬫ᭄ᬩᬢ᭄᭞ᬬᬦ᭄ᬢᬦ᭄ᬯ᭄ᬭᬸᬄᬭᬶᬂᬢᬢ᭄ᬯᬦ᭄ᬤᬤᬶ᭞ᬚᬦ᭄ᬫᬵ
ᬢᬦ᭄ᬯ᭄ᬭᬸᬄᬭᬶᬂᬓᬮᬶᬗᬦ᭄᭞ᬓᬾᬢᭀᬓᭀᬘᬧ᭄ᬫᬸᬗ᭄ᬕ᭄ᬯᬶᬂᬳᬚᬷ᭞ᬲᬫᬵᬮᬦ᭄ᬲᬢᭀᬚᬢ᭄ᬣᬶ᭞ᬢᬸᬫᬶᬓᬶᬲᬦ᭄ᬲᬃᬯ᭄ᬯᬧᬰᬸ᭞ᬲᬃᬯ᭄ᬯᬩᬕᭀᬃᬫᬜ᭄ᬚᬦ᭄ᬫ᭞ᬓᬫᬺᬘ᭄ᬙᬧᬤ᭄ᬥᬦᬸᬫᬶᬢᬶᬲ᭄᭞ᬲᬗ᭄ᬓᬦ᭄ᬧᬢᬹᬢ᭄᭞ᬧᬸᬭᬸᬓᬶᬦ᭄ᬲᬫᬶᬤ᭄ᬥᬵ
ᬲᬶᬤ᭄ᬥᬦ᭄᭚ᬩᬲ᭄ᬢᬦ᭄ᬧᬶᬲᬦ᭄ᬫᬫ᭄ᬭᬢᬬᬂ᭞ᬓᬫᭀᬢ᭄ᬳᬫᬦ᭄ᬤᬾᬯᬾᬓ᭄ᬤᬤᬶ᭞ᬤᬾᬦᬶᬂᬤᬾᬯᬾᬓ᭄ᬓᬲᬶᬦᬫ᭄ᬩᬢ᭄᭞ᬫᬦᬹᬱᬵᬲᬓ᭄ᬢᬶᬭᬶᬂᬪᬹᬫᬶ᭞ᬗ᭄ᬯᬶᬰᬾᬱᬵᬲᬮ᭄ᬯᬶᬭᬶᬂᬤᬤᬶ᭞ᬲᬮ᭄ᬯᬶᬭᬶᬂᬫᬸᬦᬶᬫᬩᬬᬸ᭞ᬳᬶᬫᬦᬹᬱᬵᬗ᭄ᬯᬶ