[᭑᭒ 12B]
᭑᭒
ᬲ᭄ᬢᬶᬢᬶᬤᬾᬯ᭄ᬯᬵ᭞ᬲᬦᬾᬧᬢᬹᬢ᭄᭞ᬫᬕᬫ᭄ᬫᬵᬰᬶᬯ᭄ᬯᬵᬩᭀᬤ᭄ᬥᬶ᭞ᬲᬚᬶᬩᬦ᭄ᬢᭂᬦ᭄ᬳᬗ᭄ᬕᬾᬦᬸᬳᬸᬃ᭞ᬮᬶᬗ᭄ᬕᬶᬄᬳ᭄ᬬᬂᬯᬶᬤ᭄ᬥᬶᬯᬰᬵ᭞ᬓᬤᬸᬮᬸᬭᬶᬦ᭄᭞ᬧᬹᬚᬵᬲᬫᬺᬢᬶᬦᬶᬂᬢᬦᬸ᭞ᬥᬸᬧᬵᬦᬾᬰᬓ᭄ᬱᬶᬧᬗᬸᬦ᭄ᬤᬂ᭞
ᬢᭀᬬᬳᬜᬭᬾᬫᬺᬱ᭄ᬳᬶᬳᬶᬦ᭄᭚ᬫᬺᬱ᭄ᬳᬶᬳᬶᬦ᭄ᬘᬶᬢᬦᬶᬂᬚᬦᬵ᭞ᬫᬗᬲ᭄ᬢᬶᬢ᭞ᬮᬶᬗ᭄ᬕᬶᬄᬳᬶᬤ᭄ᬥᬵᬳ᭄ᬬᬂᬯᬶᬤ᭄ᬥᬶ᭞ᬉᬧ᭄ᬢᬶᬲᬚ᭄ᬭᭀᬦᬶᬂᬓᬳ᭄ᬬᬸᬦ᭄᭞ᬬᬦ᭄ᬤᬶᬚᬵᬳᬸᬗ᭄ᬕ᭄ᬯᬦ᭄ᬳᬶᬤ᭄ᬤ᭄ᬚᬵ᭞ᬲᬦᬾᬓᭀᬧ᭄ᬢᬄ᭞ᬕᬯᬾᬦᬂᬕ᭄ᬤᭀᬂ
ᬧᬮᬸᬗ᭄ᬕᬸᬄ᭞ᬬᬦᬶᬂᬧᬸᬭᬵᬧᬓᬸᬋᬡᬦ᭄᭞ᬲᬗ᭄ᬕᬄᬓᬫᬸᬮᬦ᭄ᬓᬤᬤᬦᬶᬦ᭄᭚ᬬᬦᬶᬂᬲᬗ᭄ᬕᬄᬧᬥᬤ᭄ᬬᬵᬦᬦ᭄᭞ᬗᬶᬂᬧᬳᬶᬩᭀᬦ᭄᭞ᬧᬚ᭄ᬜᭂᬗᬦ᭄ᬓᬯᬱ᭄ᬝᬦᬶᬦ᭄᭞ᬬᬦᬶᬂᬳᬩᬜ᭄ᬚᬃᬫᬜᬸᬗ᭄ᬲᬸᬂ᭞ᬧᬦ᭄ᬢᬶᬫᬶᬯᬄ
ᬧᬫᬓ᭄ᬱᬦ᭄᭞ᬬᬦ᭄ᬭᬶᬂᬤᬾᬰᬵᬓ᭄ᬢᬄᬧᬸᬲᭂᬄᬳᬾᬧᬗ᭄ᬳᬸᬮᬸ᭞ᬢ᭄ᬭᬶᬓᬳ᭄ᬬᬗᬦᬾᬓᬮᬸᬫ᭄ᬩ᭄ᬭᬄ᭞ᬲᬤ᭄ᬓᬳ᭄ᬬᬗᬦ᭄ᬫᬗᬾᬫ᭄ᬧᬾᬮᬶᬦ᭄᭚ᬫᬮᬶᬫ᭄ᬩᬓ᭄ᬳᬶᬤᬤ᭄ᬓᬳ᭄ᬬᬗᬦ᭄᭞ᬫᬳᬾᬦ᭄ᬤᬳᬦ᭄ᬯᬱ᭄ᬝᬦ᭄ᬧᬸᬭᬦᬾᬲᬶᬯᬷ᭞
[᭑᭓ 13A]
ᬦᬯ᭄ᬯᬵᬲᬗ᭄ᬳᬦᬾᬫᬗ᭄ᬯᬶᬪᬹᬄ᭞ᬧᬸᬦᬶᬓᬵᬓᬲ᭄ᬣᬦᬬᬂ᭞ᬗ᭄ᬳᬶᬫᬦᬸᬭᬸᬢ᭄᭞ᬧᬤ᭄ᬫᬵᬩ᭄ᬯᬦᬵᬳᬸᬗ᭄ᬕᬸᬳᬶᬧᬸᬦ᭄᭞ᬧᬸᬦᬶᬓᬵᬩ᭄ᬬᬱᬦᬾᬓ᭄ᬢᬄ᭞ᬧᬸᬭᬡᬵᬤᬾᬯ᭄ᬯᬭᬶᬂᬩᬮᬶ᭚ᬧᬯᬗᬸᬦ᭄ᬧᬸᬭᬵᬭᬶᬂᬤᬤ᭄ᬬ᭞ᬭᬶᬂᬧ
ᬳᬶᬩᭀᬦ᭄᭞ᬲᬦᬾᬢᭂᬢᭂᬧᬮᬶᬗ᭄ᬕᬶᬄ᭞ᬢᬸᬭᬸᬢᬂᬭᬶᬂᬢᬸᬢᬸᬭᬶᬧᬸᬦ᭄᭞ᬧᬤ᭄ᬫᬵᬩ᭄ᬯᬦᬦᬾᬓ᭄ᬢᬄ᭞ᬭᬶᬂᬉᬢ᭄ᬢᬭᬵ᭞ᬮᬮᬶᬫ᭄ᬫᬵᬲᬦᬾᬫᬸᬗ᭄ᬕᬸᬄ᭞ᬧᬤ᭄ᬫᬵᬰᬡ᭄ᬦᬵᬦᬗ᭄ᬕᬸᬯᬾᬢᬦ᭄᭞ᬧ᭄ᬭᬮᬶᬗ᭄ᬕᬦ᭄ᬳᬶᬤᬵᬳ᭄ᬬᬂᬯᬶᬤ᭄ᬥᬶ᭚
ᬲᬗ᭄ᬕᬃᬳᬕᬸᬂᬓᬯᬱ᭄ᬝᬦᬶᬦ᭄᭞ᬳ᭄ᬬᬂᬅᬓᬱᬵ᭞ᬧ᭄ᬭᬫ᭄ᬫᬰᬶᬯᬗ᭄ᬮᬶᬗ᭄ᬕᬦᬶᬦ᭄᭞ᬋᬰᬶᬗ᭄ᬮᬗᬶᬓ᭄ᬫᬲᬶᬄᬤᬶᬢᬸ᭞ᬰᬶᬯ᭄ᬯᬵᬭᬤᬶᬢ᭄ᬬᬵᬢᬸᬗ᭄ᬕᬮ᭄᭞ᬭᬶᬂᬳᬲ᭄ᬣᬦᬵ᭞ᬲᬗ᭄ᬕᬃᬳᬕᬸᬂᬳᬶᬤᬵᬫᬸᬗ᭄ᬕᬸᬄ᭞ᬳ᭄ᬬᬂᬦᬶᬂᬕᬕᬡᬳᬶ
ᬤ᭄ᬥᬵ᭞ᬮᬶᬗ᭄ᬕᬦᬶᬂᬤᬾᬯᬢᬰᬓ᭄ᬱᬶ᭚ᬫᬮᬶᬄᬮᬶᬫᬲᬭᬷᬗᬭᬦ᭄᭞ᬫᬓᭂᬋᬩ᭄ᬥᬸᬓ᭄᭞ᬫᬧ᭄ᬭᬸᬘᬸᬢ᭄ᬫᬗ᭄ᬕᬾᬘᬶᬭᬷ᭞ᬧᬳᬸᬗ᭄ᬕ᭄ᬯᬦ᭄ᬲᬤᬦᬵᬤᬶᬢᬸ᭞ᬭᬫ᭄ᬩᬸᬢ᭄ᬲᬥᬦᬵᬗᬭᬦ᭄᭞ᬦᬾᬓᬲ᭄ᬢᬶᬢᬶ᭞ᬲᬓᬶᬂᬲᬗ᭄ᬕᬳᬾᬫ
Page:Bali-lontar-gaguritan-janmaprawreti-02-300ppi.pdf/13
This page has been proofread.
