[᭑᭓ 13B]
᭑᭓
ᬧ᭄ᬭᬸᬘᬸᬢ᭄᭞ᬭᬶᬓᬮᬵᬧᬘᬂᬫᬢᬸᬯᬦ᭄᭞ᬫᬗ᭄ᬤᬵᬲᬫ᭄ᬧᬸᬦ᭄ᬲᬮᬄᬳᬾᬱ᭄ᬝᬶ᭚ᬫᬜᬦ᭄ᬤᬶᬂᬲᬗ᭄ᬕᬄᬲᬶᬦᬸᬗ᭄ᬕᬮ᭄᭞ᬘᬘᬶᬭᬾᬦᬾ᭞ᬧᬦᬾᬫᬗ᭄ᬕᬾᬦᭂᬓᭂᬧᬶᬦ᭄᭞ᬮᬶᬫᬲ᭄ᬘᬢᬸᬳᬭᬦ᭄ᬬᬾᬓᬸ᭞ᬲᬂᬳ᭄ᬬᬂᬰ᭄ᬭᬷᬓ
ᬲ᭄ᬣᬦᬵᬬᬂ᭞ᬳ᭄ᬬᬂᬦᬶᬂᬩ᭄ᬭᬲ᭄᭞ᬳᬶᬤᬵᬓᬳᬸᬧ᭄ᬢᬶᬤᬶᬢᬸ᭞ᬭᬶᬂᬮᬶᬫᬲ᭄ᬘᬢᬸᬉᬗ᭄ᬕ᭄ᬯᬜ᭞ᬦᬕ᭄ᬲ᭄ᬢᬸᬢᬷᬪᬝᬵᬭᬷᬰ᭄ᬭᬷ᭚ᬭᬶᬂᬲᬫ᭄ᬧᬶᬂᬲᬗ᭄ᬕᬃᬲᬮ᭄ᬯᬃ᭞ᬫᬓᬵᬘᬶᬭᬷ᭞ᬫᬜ᭄ᬚᬗᬦ᭄ᬓᬤᬕᬶᬗᬶᬦ᭄᭞ᬳᬭᬶᬡᬵᬫᬳᬸᬗ᭄ᬕᬸᬄᬤᬶᬢᬸ᭞ᬳ᭄ᬬᬂ
ᬯᬶᬱ᭄ᬡᬸᬤᬾᬯᬢᬦ᭄ᬬ᭞ᬳ᭄ᬬᬂᬦᬶᬂᬩᬜᬸ᭞ᬫᬺᬢᬦᬶᬂᬚᬦ᭄ᬫᬢᬸᬫᬸᬯᬸᬄ᭞ᬧᬗᬼᬩᬸᬭᬦ᭄ᬤᬰᬫᬮᬵ᭞ᬲᬂᬳ᭄ᬬᬂᬯᬶᬱ᭄ᬡᬸᬓᬳᬱ᭄ᬝᬸᬢᬶ᭚ᬦᬗ᭄ᬕᬸᬓᬸᬮᭀᬦ᭄ᬢᬢ᭄ᬧᬲᬦ᭄᭞ᬲᬗ᭄ᬕᬄᬗ᭄ᬭᬸᬭᬄᬫᬡᬶᬓ᭄ᬖ᭄ᬦᬶᬧᬧᬰᬶᬄ᭞ᬳ᭄ᬬᬂ
ᬧᬯᬓᬵᬉᬧ᭄ᬢᬶᬤᬶᬢᬸ᭞ᬳᬶᬤᬵᬳᬸᬭᬶᬧᬶᬂᬚᬕᬢ᭄᭞ᬧᬰᬸᬧᬢᬶ᭞ᬧᬗᭂᬲᭂᬂᬲᬃᬯ᭄ᬯᬵᬫᬍᬢᬸᬄ᭞ᬮᬮᬶᬫᬵᬚᬚᬭᬦ᭄ᬲᬗ᭄ᬕᬄ᭞ᬭᬶᬂᬉᬢ᭄ᬢᬭᬮᬶᬗ᭄ᬕᬶᬄᬯᬶᬤ᭄ᬥᬶ᭚ᬬᬦ᭄ᬳᬦᬵᬫᬮᬶᬄᬲᬯᭀᬲᬦ᭄᭞ᬬᬦᬶᬂᬫᬾᬭᬸ᭞
[᭑᭔ 14A]
ᬕ᭄ᬤᭀᬂᬕ᭄ᬤᭀᬂᬫᬜᬋᬗᬶᬦ᭄᭞ᬧᬲᬶᬫ᭄ᬧᬗᬦ᭄ᬯᬲ᭄ᬢᬦᬶᬧᬸᬦ᭄᭞ᬲᬦᬾᬓ᭄ᬢᬄᬓᬳᬸᬘᬧ᭄᭞ᬲᬦᬾᬭᬶᬂᬮᭀᬃ᭞ᬲᬗ᭄ᬕᬄᬯᬦ᭄ᬢᬄᬮᬶᬫᬂᬩᬸᬗ᭄ᬓᬸᬮ᭄᭞ᬧᬢᬸᬢᬾᬲᬦᬾᬢᬗᬹᬦᬂ᭞ᬧᬮᬶᬗ᭄ᬕᬶᬳᬦ᭄ᬲᬂᬳ᭄ᬬᬂᬯᬶᬤ᭄ᬥᬶ
᭚ᬚᬚᬃᬲᬗ᭄ᬕᬄᬫᬸᬮᬸᬯᬾᬓᬦ᭄᭞ᬩᬢᬹᬃᬲᬭᬷ᭞ᬧᬳᬶᬩᭀᬦ᭄ᬓᬯᬱ᭄ᬝᬦᬶᬦ᭄᭞ᬲᬗ᭄ᬕᬄᬚᬚᬃᬢᬶᬕᬵᬤᬶᬢᬸ᭞ᬓᬾᬗᬶᬦᬂᬳᬯᬦ᭄ᬢᬶᬮᬦ᭄᭞ᬮᬶᬗ᭄ᬕᬶᬄᬳᬶᬤᬵ᭞ᬲᬂᬳ᭄ᬬᬂᬢᬶᬕᬕᬸᬭᬸᬫᬦᬹᬢ᭄᭞ᬩᬧᬵᬅᬓ
ᬱᬵᬦᬾᬓ᭄ᬢᬄ᭞ᬇᬩᬸᬧ᭄ᬭᬢᬶᬯᬷᬜᬋᬗᬶᬦ᭄᭚ᬤᬶᬢᬸᬳᬶᬤᬵᬫᬢᬸᬗ᭄ᬕᬮᬦ᭄᭞ᬓᬧᬭᬩᬶᬦ᭄᭞ᬇᬩᬸᬓᬫᬶᬫᬶᬢᬦ᭄ᬤᬾᬯᬶ᭞ᬲᬂᬳ᭄ᬬᬂᬢᬶᬕᬵᬦᬸᬗ᭄ᬕᬮ᭄ᬤᬶᬢᬸ᭞ᬫᬧᬭᬩ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬓᬫᬶᬫᬶᬢᬦ᭄᭞ᬯᬶᬤ᭄ᬥᬶᬦᬾᬓᬉᬧ᭄ᬢᬶ
ᬤᬶᬢᬸ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬫᬰᬶᬄᬳᬶᬤᬵ᭞ᬇᬰ᭄ᬯᬭᬵᬲᬂᬳ᭄ᬬᬂᬓᬢ᭄ᬭᬶᬡᬶ᭚ᬭᬶᬂᬮᭀᬭᬶᬂᬇᬩᬸᬢ᭄ᬭᬷᬮᬶᬗ᭄ᬕᬵ᭞ᬢᬸᬫ᭄ᬧᬂᬢ᭄ᬮᬸ᭞ᬫᬾᬭᬸᬦᬾᬫᬸᬮᬸᬓᬗᬶᬦ᭄᭞ᬧᬶᬢ᭄ᬣᬵᬓᬯᬶᬢᬦ᭄ᬳᬸᬫᬸᬗ᭄ᬕᬸᬄ᭞ᬫᬲ᭄ᬣᬦᬵᬕ᭄ᬤᭀᬂᬢ᭄ᬭᬷᬮᬶᬗ᭄ᬕᬵ᭞ᬭᬶᬓᬮ
Page:Bali-lontar-gaguritan-janmaprawreti-02-300ppi.pdf/14
This page has been proofread.
