[᭑᭔ 14B]
᭑᭔
ᬦᬶᬂ᭞ᬫᬯᬾᬄᬧᬜᬸᬲᬸᬧ᭄ᬭᬶᬂᬫᬦᬸ᭞ᬳ᭄ᬬᬂᬓᬫ᭄ᬫᬵᬭᬾᬓᬵᬧᬗᬭᬦ᭄᭞ᬳᬦᬃᬫ᭄ᬫᬓᬵᬰᬭᬷᬭᬵᬤ᭄ᬥᬷ᭚ᬭᬶᬓᬶᬥᬸᬮᬶᬂᬲᬂᬳ᭄ᬬᬂᬢᬶᬕ᭄ᬕᬵᬩ᭄ᬬᬵᬱᬓ᭄ᬢᬄ᭞ᬲᬗ᭄ᬕᬄᬭᭀᬂᬤ᭄ᬯᬲᬲᬶᬓᬶ᭞ᬲᬗ᭄ᬕᬃᬍᬧᬶᬢᬦ᭄ᬧᬸᬦᬶᬓᬸ᭞ᬮᬶᬗ᭄ᬕᬶᬄ
ᬳ᭄ᬬᬂᬤᬾᬯ᭄ᬯᬵᬧᬶᬢᬺ᭞ᬓᬘᬦ᭄ᬤᬶᬬᬂ᭞ᬳ᭄ᬬᬂᬓᭀᬫ᭄ᬧ᭄ᬬᬂᬧᬧᬰᬶᬄᬫᬸᬗ᭄ᬕᬸᬄ᭞ᬭᬶᬂᬲᬗ᭄ᬕᬳᬾᬫᬭᭀᬂᬤ᭄ᬯᬵ᭞ᬓᬾᬢᭀᬓ᭄ᬢᬄᬮᬶᬗ᭄ᬕᬶᬄᬯᬶᬤ᭄ᬥᬶ᭚ᬓᬸᬤᬸᬮ᭄ᬦ᭄ᬬ᭄ᬢ᭄ᬧᬲ᭄ᬧᬗ᭄ᬭᬸᬭᬄ᭞ᬓ᭄ᬧᬲ᭄ᬤᭂᬗᭂᬦ᭄᭞ᬳᬤᬵᬓᬾᬢᭀᬗᬤᬦᬶᬦ᭄᭞
ᬲᬂᬳ᭄ᬬᬂᬧᬜᬭᬶᬓᬦ᭄ᬫᬸᬗ᭄ᬕᬸᬄ᭞ᬪᬝᬵᬭᬷᬤᬹᬃᬖ᭄ᬕᬵᬧᬭᬩ᭄᭞ᬦᬾᬫᬲ᭄ᬣᬦᬵ᭞ᬗ᭄ᬭᬸᬭᬄᬰᬓ᭄ᬢᬶᬫᬲᬶᬄᬤᬶᬢᬸ᭞ᬓᬾᬢᭀᬓ᭄ᬢᬄᬓᬲᬶᬦᬫ᭄ᬩᬢ᭄᭞ᬳᬸᬗ᭄ᬕᬸᬳᬦ᭄ᬧᬲ᭄ᬣᬦᬦ᭄ᬯᬶᬤ᭄ᬥᬶ᭚ᬭᬶᬂᬢ᭄ᬗᬄᬩᬮᬾᬧᬗᬭᬸᬫᬦ᭄᭞ᬩ
ᬮᬾᬧ᭄ᬮᬶᬓ᭄᭞ᬧᬸᬦᬶᬓᬵᬓᬧᬭᬩᬶᬦ᭄᭞ᬮᬶᬗ᭄ᬕᬶᬄᬤᬾᬯᬢᬵᬫᬧᬸᬧᬸᬮ᭄᭞ᬭᬶᬓᬮᬦᬶᬂᬓᬋᬚ᭄ᬯᬵ᭞ᬤᬾᬲᬂᬯᬶᬓᬸ᭞ᬫᬶᬯᬄᬳᬶᬧᬫᬗ᭄ᬓᬸᬦᬸᬳᬸᬦ᭄᭞ᬳᬫᬸᬫᬸᬚᬷᬲᬂᬳ᭄ᬬᬂᬯᬶᬤ᭄ᬬᬵ᭞ᬭᬶᬓᬮᬵᬯ᭄ᬥᬮᬦ᭄ᬯᬶᬤ᭄ᬥᬶ
[᭑᭕ 15A]
᭚ᬫᬶᬯᬄᬳᬦᬵᬩᬮᬾᬧ᭄ᬬᬲᬦ᭄᭞ᬧᬳᬸᬗ᭄ᬕ᭄ᬯᬦᬶᬂ᭞ᬳ᭄ᬬᬂᬯᬶᬤ᭄ᬥᬶᬓᬸᬧᬵᬋᬗ᭄ᬕᬦᬶᬦ᭄᭞ᬓᬢᬸᬭᬦ᭄ᬧᬗᬶᬬᬲ᭄ᬤᬶᬢᬸ᭞ᬫᬶᬯᬄᬮᬶᬗ᭄ᬕᬶᬄᬧᬥᬡ᭄ᬥᬵ᭞ᬭᬶᬓᬵᬮᬦᬶᬂ᭞ᬫᬯᬾᬤ᭄ᬥᬵᬫᬗᬲ᭄ᬢᬸᬧᬸᬗ᭄ᬓᬸ᭞ᬗᬲ᭄ᬢᬸᬢᬶᬧ
ᬭᬵᬤᬾᬯᬢᬵ᭞ᬭᬶᬓᬮᬓᬢᬸᬭᬦ᭄ᬳᬘ᭄ᬘᬶ᭚ᬫᬮᬶᬄᬳᬤᬵᬫᬸᬮᬸᬓᬸᬮ᭄ᬯᬦ᭄᭞ᬢᬢ᭄ᬧᬲᬦ᭄᭞ᬲᬗ᭄ᬕᬄᬢᬓ᭄ᬱᬸᬓᬤᬦᬶᬦ᭄᭞ᬮᬶᬗ᭄ᬕᬄᬲᬂᬳ᭄ᬬᬂᬓᬾᬥᭂᬧ᭄ᬯᬱ᭄ᬝᬸ᭞ᬳ᭄ᬬᬂᬦᬶᬂᬭᬭᬾᬓᬳᬸᬘᬧ᭄᭞ᬦᬾᬫᬲ᭄ᬣᬦᬵ
᭞ᬤᬶᬢ᭄ᬱᬲᬾᬫᬸᬮᬸᬓᬯᬸᬄ᭞ᬓᬾᬢᭀᬓ᭄ᬢᬄᬓᬲᬶᬦᬫ᭄ᬩᬢ᭄᭞ᬳᬸᬗ᭄ᬕᬸᬳᬦ᭄ᬧᬸᬭᬡᬵᬯᬶᬤ᭄ᬥᬶ᭚ᬫᬮᬶᬄᬲᬦᬾᬭᬶᬂᬚᬩᬬᬦ᭄᭞ᬢ᭄ᬧᬲ᭄ᬓᭂᬫ᭄ᬩᬃ᭞ᬳᬧᬶᬢ᭄ᬮᬯᬂᬓᬤᬦᬶᬦ᭄᭞ᬧᬚᬕᬬᬦ᭄ᬤᬶᬢᬸᬫᬸᬗ᭄ᬕᬸᬄ᭞ᬧᬗ᭄ᬭ᭠
ᬓ᭄ᬱᬦᬶᬂᬤᬾᬯᬢᬵ᭞ᬦᬾᬫᬧᬭᬩ᭄᭞ᬳ᭄ᬬᬂᬧᬡ᭄ᬥᬶᬰ᭄ᬯᬭᬵᬫᬸᬗ᭄ᬕᬸᬄ᭞ᬳ᭄ᬬᬂᬫᬳᬵᬓᬮᬵᬓᬳᬸᬘᬧ᭄᭞ᬧᬧᬰᬶᬄᬤᬾᬯ᭄ᬯᬵᬫᬓ᭄ᬫᬶᬢ᭄᭚ᬳᬓᬾᬢᭀᬩ᭄ᬬᬱᬵᬦᬾᬓ᭄ᬢᬄ᭞ᬦᬾᬓᬢᬫᬶ᭞ᬧᬮᬶᬗ᭄ᬕᬶᬳ
Page:Bali-lontar-gaguritan-janmaprawreti-02-300ppi.pdf/15
This page has been proofread.
