[᭑᭕ 15B]
᭑᭕
ᬦ᭄ᬲᬂᬳ᭄ᬬᬂᬯᬶᬤ᭄ᬥᬶ᭞ᬳᬸᬫᬸᬗ᭄ᬕᬸᬄᬲᬚ᭄ᬭᭀᬦᬶᬂᬳᬶᬩᬸ᭞ᬬᬦ᭄ᬳᬦᬵᬲᬗ᭄ᬕᬃᬮ᭄ᬬᬦᬦ᭄᭞ᬧᬲᬶᬫ᭄ᬧᬗᬦ᭄᭞ᬓᬯᬱ᭄ᬝᬦᬶᬦ᭄ᬲᬗ᭄ᬕᬃᬳᬶᬓᬸ᭞ᬳᬸᬗ᭄ᬕᬸᬳᬦ᭄ᬧᬤ᭄ᬫᬵᬪᬯᬡᬵ᭞ᬦᬾᬓᬢᬸᬮᬤ᭄ᬫᬗ᭄ᬕᬾᬩᬸᬓ᭄ᬢᬶ᭚ᬬᬦᬶᬂ
ᬫᬳᬬᬸᬧᬃᬬᬗᬦ᭄᭞ᬲᬮᬸᬯᬶᬭᬾ᭞ᬭᬶᬂᬧᬸᬲᭂᬄᬥᬍᬫ᭄ᬧᬦ᭄ᬢᬶ᭞ᬧᬫᬓ᭄ᬱᬦ᭄ᬤᬾᬰᬵᬯᬮ᭄ᬬᬵᬕᬸᬂ᭞ᬲᬓᬶᬂᬫᬭᬵᬗᬯᬶᬢᬂ᭞ᬫᬫᬳᬬᬸ᭞ᬲᬗ᭄ᬕᬄᬳᬾᬲᬦᬾᬓᬯᬗᬸᬦ᭄᭞ᬓᬧᬶᬂᬧᬶᬲᬦ᭄ᬧᬲᬲᬧ᭄ᬯᬦ᭄
᭞ᬫᬮᬲ᭄ᬧᬲᬶᬦ᭄ᬓᬧᬶᬂᬓᬮᬶᬄ᭚ᬓᬧᬶᬂᬢᬶᬕ᭄ᬕᬵᬫᬗᭂᬦ᭄ᬢᭂᬕᬂ᭞ᬫ᭄ᬯᬂᬦᬕᬶᬗᬶᬦ᭄᭞ᬧᬧᭂᬡ᭄ᬥᭂᬫᬦ᭄ᬳᭂᬫᬲ᭄ᬧᬶᬧᬶᬲ᭄᭞ᬧᬸᬧᬸᬢ᭄ᬗᭂᬦ᭄ᬢᭂᬕ᭄ᬯᬳᬸᬫ᭄ᬢᬸ᭞ᬳᬘ᭄ᬘᬶᬳᬘ᭄ᬘᬶᬯ᭄ᬥᬮᬦ᭄᭞ᬬᬦ᭄ᬭᬶᬂᬤᬾᬰᬵ᭞ᬉᬰᬩᬵᬲᬭᬸᬦ᭄ᬢᬸ
ᬢ᭄ᬳᬶᬧᬸᬦ᭄᭞ᬓᬾᬢᭀᬕᬚᬭᬶᬂᬳᬕᬫ᭄ᬫᬵ᭞ᬢᬶᬗ᭄ᬓᬳᬶᬂᬗᬲ᭄ᬢᬸᬢᬶᬯᬶᬤ᭄ᬥᬶ᭚ᬓᬢᬢ᭄ᬯᬦᬶᬂᬧᬜ᭄ᬘᬬᬚ᭄ᬜᬵ᭞ᬓᬧᬶᬂᬧᬶᬲᬦ᭄᭞ᬤᬾᬯᬬᬚ᭄ᬜᬓᬤᬦᬶᬦ᭄᭞ᬲᬓᬜ᭄ᬘᬦ᭄ᬩᬩᬘᬓ᭄ᬳᬶᬧᬸᬦ᭄᭞ᬗᬹᬧᬵᬓᬭᬵᬪ
[᭑᭖ 16A]
ᬝᬵᬭᬵ᭞ᬤᬾᬯ᭄ᬯᬵᬬᬚ᭄ᬜ᭞ᬓᬯᬱ᭄ᬝᬦᬶᬦ᭄ᬓᬃᬬ᭄ᬬᬵᬳᬶᬓᬸ᭞ᬉᬰᬩᬵᬫᬶᬯᬄᬧᬢᬶᬃᬢ᭄ᬣᬦ᭄᭞ᬤᬾᬯ᭄ᬯᬬᬚ᭄ᬜᬵᬓᬯᬱ᭄ᬝᬦᬶᬦ᭄᭚ᬪᬹᬝᬵᬬᬚ᭄ᬜᬦᬾᬢᬸᬢᬸᬭᬂ᭞ᬲᬓᬮ᭄ᬯᬶᬭᬶᬂ᭞ᬫᬳᬬᬸᬫᬭᬶᬂᬪᬹᬫᬶ᭞ᬬᬦ᭄ᬫᬘᬭᬸ
ᬦᬩᬸᬄᬕᭂᬦ᭄ᬢᬸᬄ᭞ᬫᬜ᭄ᬘᬲᬢ᭄ᬣᬵᬫᬜ᭄ᬘᬲᬦᬓ᭄᭞ᬢᬯᬸᬭᬕᬸᬂ᭞ᬫᬜ᭄ᬘᬓ᭄ᬮᬸᬤ᭄ᬲᬧᬸᬄᬲᬧᬸᬄ᭞ᬫᬜ᭄ᬘᬯᬮᬶᬓ᭄ᬭᬫ᭄ᬫᬵᬫᬶᬯᬄ᭞ᬏᬓᬵᬤᬰᬵᬭᬸᬤᬺᬫᬮᬶᬄ᭚ᬧᬗᭂᬦ᭄ᬢᭂᬕ᭄ᬕᬸᬫᬶᬧᬗ᭄ᬓᬸᬲᬦ᭄᭞ᬧᬶᬦᬶᬄᬯᬶᬪᬹᬄ᭞
ᬧᬫᬳᬬᬸᬦᬶᬂᬪᬹᬫᬶ᭞ᬲ᭄ᬬᬸᬢᬳᬸᬦ᭄ᬧᬢᬹᬢᬶᬧᬸᬦ᭄᭞ᬓᬃᬬ᭄ᬬᬦᬾᬓᬫᬃᬕ᭄ᬕᬶᬬᬂ᭞ᬲᬩᬩᬘ᭠ᬓ᭄᭞ᬪᬹᬝᬵᬬᬚ᭄ᬜᬵᬯᬲ᭄ᬢᬦᬶᬧᬸᬦ᭄᭞ᬲᬮ᭄ᬯᬶᬭᬶᬂᬓᬃᬬ᭄ᬬᬵᬧᬘᬭ᭄ᬯᬦ᭄᭞ᬪᬹᬝᬵᬬᬚ᭄ᬜᬵᬓᬯᬱ᭄ᬝᬦᬶᬦ᭄᭚
ᬧᬶᬢᬺᬬᬚ᭄ᬜᬵᬦᬾᬳᬸᬘᬧᬂ᭞ᬲᬓᬮ᭄ᬯᬶᬭᬶᬂ᭞ᬫᬳᬬᬸᬳᬢ᭄ᬫᬵᬫᬢᬶ᭞ᬫᬺᬱ᭄ᬳᬶᬳᬶᬦ᭄ᬫᬫᬦᬄᬮᬯᬸᬢ᭄᭞ᬦᬃᬧ᭄ᬧᬡ᭄ᬦᬵᬫ᭄ᬯᬂᬫᬗᭂᬦ᭄ᬢᬲ᭄᭞ᬧᬗᬩᬾᬦᬦ᭄᭞ᬫᬗᬶᬭᬶᬫ᭄ᬫᬺᬮᬶᬡᬵᬤᬶᬢᬸ᭞ᬫᬗᬲ᭄ᬢᬶᬫ᭄ᬯᬂᬗ
Page:Bali-lontar-gaguritan-janmaprawreti-02-300ppi.pdf/16
This page has been proofread.
