[᭒᭐ 20B]
᭒᭐
ᬧᬘᬂᬧᬓᬃᬬ᭄ᬬᬵᬦᬂᬫᬮᬶᬄ᭞ᬢ᭄ᬯᬄᬧᬫᬸᬧᬸᬢ᭄᭞ᬳᬶᬓᬸᬫ᭄ᬧ᭄ᬬᬂᬦᬾᬫᬫᬧᬸᬢᬂ᭚ᬦᬫ᭄ᬧᬶᬓᬾᬃᬢ᭄ᬢᬶᬦᬶᬂᬲ᭠ᬦ᭄ᬢᬦᬵ᭞ᬢ᭄ᬯᬄᬳᬶᬓᬸᬫ᭄ᬧ᭄ᬬᬂᬳᬸᬕᬶᬦᬫ᭄ᬧᬶ᭞ᬗ᭄ᬭᬯᬸᬳᬂᬭᬶᬂᬦᬾᬮᬸᬳᬸᬭᬦ᭄᭞ᬳᬶᬓ᭄ᬮᬩ᭄ᬓᬺᬧᭂᬓᬾᬲᬫᬶ᭞ᬳᬶᬓᬸᬫ᭄ᬧᬶᬫᬦ᭄ᬭᬶ
ᬫᬦᬶᬓ᭄᭞ᬧᬓᬶᬃᬢ᭄ᬢᬶᬦ᭄ᬲᬵᬦ᭄ᬢᬦᬵᬳᬶᬓᬸ᭞ᬬᬦ᭄ᬳᬦᬵᬫᬧ᭄ᬦᬯᬸᬭᬦ᭄᭞ᬗ᭄ᬮᬶᬦ᭄ᬢᬗᬶᬦ᭄ᬩᬢᭂᬲ᭄ᬳᬶᬓᬸᬫ᭄ᬧᬶ᭞ᬓ᭄ᬦᬶᬧᬲ᭄ᬢᬸ᭞ᬓᬃᬬ᭄ᬬᬵᬦᬾᬢᬦ᭄ᬧᭀᬮᬶᬄᬨᬮᬵ᭚ᬤᬾᬦᬶᬂᬢᬦ᭄ᬧᬶᬲᬦ᭄ᬓᬮᬸᬕ᭄ᬭᬵ᭞ᬬᬦ᭄ᬫᬳ᭄ᬬᬸᬦ᭄ᬧᬥᬂᬗ᭄ᬭᭀᬭᬲᬶᬦ᭄᭞ᬓᬶ
ᬍᬫᬶᬦ᭄ᬫᬶᬯᬄᬩᬄᬮᬶᬕ᭄ᬬᬵ᭞ᬗ᭄ᬮᬶᬦ᭄ᬢᬗᬶᬦ᭄ᬮᬶᬗ᭄ᬕᬶᬄᬳᬶᬓᬸᬫ᭄ᬧᬶ᭞ᬧᬗ᭄ᬯᬶᬦ᭄ᬤᬸᬦ᭄ᬦᬫ᭄ᬫᬵᬚᬢᬶ᭞ᬧᬦ᭄ᬮᬲ᭄ᬳᬶᬓᬸᬫ᭄ᬧᬶᬫᬸᬢᬸᬲ᭄᭞ᬫᬸᬗ᭄ᬕᬸᬄᬭᬶᬂᬤᭀᬦ᭄ᬯᬦ᭄ᬤᬶᬭᬵ᭞ᬫᬗ᭄ᬓᬦᬵᬓᬚᬭᬶᬂᬳᬚᬶ᭞ᬲᬂᬫᬗᬸᬗ᭄ᬕᬸᬄ᭞ᬢᬢᬶᬗ᭄ᬓᬳᬦ᭄ᬳᭀᬯᬗ᭄ᬭᭀᬭ
ᬲ᭄᭚ᬧᬫᬸᬧᬸᬢᬶᬂᬳᬸᬧᬵᬓᬭᬵ᭞ᬕᬯᬾᬦᬶᬂᬲᬂᬲᬫ᭄ᬧᬸᬦ᭄ᬫᬢᬶ᭞ᬧᬦ᭄ᬮᬲ᭄ᬯᬦ᭄ᬢᬄᬩᬄᬮᬶᬕ᭄ᬬᬵ᭞ᬓᬃᬬ᭄ᬬᬦ᭄ᬳᬶᬤᬵᬲᬂᬲᬸᬮᬶᬗ᭄ᬕᬶᬄ᭞ᬘᬢᬹᬃᬯᬃᬡ᭄ᬦᬵᬫᬗᬶᬭᬶᬂ᭞ᬯ᭄ᬦᬶᬫᬄᬮᬶᬕ᭄ᬬᬵᬓᬃᬬ᭄ᬬᬾᬓᬸ᭞ᬳᭀᬯᬦ᭄ᬮᬲ᭄ᬳᬸᬧᬵᬓᬭᬵ᭞ᬧᬦᬯᬸᬭ
[᭒᭑ 21A]
ᬦᬶᬂᬉᬢᬂᬰᬶᬄ᭞ᬭᬶᬂᬮᬮᬸᬳᬸᬃ᭞ᬓᬯᬶᬢᬦᬶᬂᬤᬤᬶᬚᬦ᭄ᬫᬵ᭚ᬳᬓᬾᬢᭀᬢᬸᬢᬸᬭᬦ᭄ᬲᬢ᭄ᬯᬵ᭞ᬳᬗ᭄ᬕᬾᬫᬶᬗᭂᬢ᭄ᬫᬦᬄᬧᬮᬶᬂ᭞ᬢᬦ᭄ᬢᬳᬸᬭᬶᬂᬧᬳᬶᬦ᭄ᬤᬶᬓᬦ᭄᭞ᬓ᭄ᬭᬡᬦᬶᬂᬤᬾᬯᬾᬓ᭄ᬤᬸᬫᬤ᭄ᬥᬶ᭞ᬳᬶᬲᭂᬗᬶᬫᬫ᭄ᬮᬚᬳᬶᬦ᭄᭞
ᬦᬸᬦᬲᬂᬧᬶᬢᬸᬢᬸᬭᬶᬧᬸᬦ᭄᭞ᬭᬶᬂᬳᬶᬤᬵᬲᬂᬯᬶᬓᬦᬦ᭄᭞ᬲᬂᬫᬢᬸᬳᬵᬫᬗ᭄ᬯᬭᬳᬶᬦ᭄᭞ᬓᬢᬸᬢᬸᬭᬦ᭄᭞ᬲᬢ᭄ᬯᬦᬾᬫᬦᭀᬗ᭄ᬓ᭄ᬮᬂᬦᭀᬗ᭄ᬓ᭄ᬮᬂ᭚ᬳᬶᬗ᭄ᬕᬶᬂᬳᬫ᭄ᬧᬸᬭᬬᬂᬧᬶᬲᬦ᭄᭞ᬬᬦ᭄ᬳᬦᬵᬫᬳ᭄ᬬᬸᬦ᭄ᬗ᭄ᬯᬘᬾᬦᬶ᭞ᬳᬧ
ᬦ᭄ᬓᬰᬸᬦᬦᬶᬂᬫᬦᬄ᭞ᬓᬾᬯᬮᬵᬲᬤ᭄ᬥᬦᬶᬂᬓᬧ᭄ᬢᬶ᭞ᬫᬼᬤ᭄ᬫᬸᬭᬸᬓ᭄ᬫᬕᭂᬦ᭄ᬤᬶᬂ᭞ᬜᬓᬓᬗᬶᬦ᭄ᬜᬓᬵᬓᬯᬸᬄ᭞ᬢᬦ᭄ᬳᬶᬭᬂᬓᬶᬦᭂᬤᬾᬓᬦ᭄᭞ᬤᬾᬦᬶᬂᬲᬂᬧ᭄ᬭᬚ᭄ᬜᬦ᭄ᬭᬶᬗ᭄ᬳᬚᬷ᭞ᬫᬗ᭄ᬭᬸᬭᬸᬲᬸᬓ᭄᭞ᬤᬕᬶᬂᬓᬶᬤᬸᬂᬢᬦ᭄ᬧᬲᬗ᭄ᬓᬦ᭄
᭚ᬳᬶᬤ᭄ᬥᬵᬧᬢᬹᬢ᭄ᬫᬫ᭄ᬘᬶᬓᬂ᭞ᬢᬸᬮᬸᬂᬧᬶᬲᬦ᭄ᬢᬶᬢ᭄ᬬᬂᬚᬢᬶ᭞ᬫᬼᬤ᭄ᬳᬸᬦᬶᬂᬓᬢᬸᬢᬸᬭᬦ᭄᭞ᬯᬭᬄᬲᬂᬳ᭄ᬬᬂᬳᬚᬶᬗᬹᬦᬶ᭞ᬓᬾᬦ᭄ᬓᬾᬦ᭄ᬓ᭄ᬭᬡᬵᬦᬶᬂᬤᬤᬶ᭞ᬯᬭᬳᬶᬜ᭄ᬚᬢᬶᬢ᭄ᬬᬂᬭᬢᬸ᭞ᬬᬦ᭄ᬤᬶᬚᬵᬮᬶᬗ᭄ᬕᬶᬄᬳᬶᬤᬵ᭞ᬪᬝᬵᬭᬵ
Page:Bali-lontar-gaguritan-janmaprawreti-02-300ppi.pdf/21
This page has been proofread.
