[᭒᭑ 21B]
᭒᭑
ᬫᬸᬗ᭄ᬕᬸᬄᬭᬶᬂᬪᬹᬫᬶ᭞ᬫᬗ᭄ᬤᬵᬳᬲᬸᬂ᭞ᬫᬯᬓ᭄ᬬᬵᬫᬗᬶᬘᬦ᭄ᬯᬭᬄ᭚᭜᭚ᬫᬲ᭄ᬓᬸᬫᬫ᭄ᬩᬂ᭞ᬓᬫ᭄ᬩᬂᬫ[strike/]ᬦ[/strike]ᬦᬄᬢᬶᬢ᭄ᬬᬂᬧᬮᬶᬂ᭞ᬧᬮᬶᬂᬫᬓᭂᬦᭂᬳᬦ᭄᭞ᬗᭂᬦᭂᬳᬂᬤᬾᬯᬾᬓ᭄ᬦᬸᬫᬶᬢᬶᬲ᭄᭞ᬦᬸᬫᬶᬢᬶᬲ᭄ᬫᬦ᭄ᬤᬤᬶᬚᬦ᭄ᬫᬵ᭚
ᬫᬦᬤᬓᬂ᭞ᬓᬢᬶᬢᬄᬢᬸᬫ᭄ᬩᬸᬄᬫᬜᬤ᭄ᬫᬶ᭞ᬫᬦᬄᬢᬸᬦᬧᬶᬲᬦ᭄᭞ᬲᬢᬢᬵᬢᬦ᭄ᬳᬸᬦᬶᬂᬳᬶᬦ᭄ᬤᬶᬓ᭄᭞ᬗᬶᬦ᭄ᬤᬶᬓᬂᬮᬓ᭄ᬱᬡᬦ᭄ᬳᬯᬓ᭄᭚ᬳᬯᬓ᭄ᬩᭂᬮᭀᬕ᭄᭞ᬢ᭄ᬯᬭᬦᬯ᭄ᬯᬂᬩ᭄ᬦᭂᬄᬧ᭄ᬮᬶᬄ᭞ᬤᬾᬦᬶᬂᬭᬲᬶᬜ᭄ᬚᬕᬢ᭄᭞ᬚ
ᬕᬢᬾᬧᬥᬫᬸᬭᬸᬓᬶᬦ᭄᭞ᬧᬜ᭄ᬘᬰᬶᬮᬵᬓᬯᬱ᭄ᬝᬦᬦ᭄᭚ᬰᬰᬡᬦᬶᬂ᭞ᬓ᭄ᬭᬫ᭄ᬫᬦᬶᬂᬤᬾᬯᬾᬓ᭄ᬤᬸᬫᬤᬶ᭞ᬫᬗ᭄ᬤᬵᬩᬜᬢᬢᬲ᭄᭞ᬢᬢᬲ᭄ᬢᭂᬓᬾᬦᬶᬂᬧᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦ᭄ᬳᬶᬓ᭄ᬭᬫ᭄ᬫᬵᬳᬤᬢ᭄᭚ᬬᬦ᭄ᬢᭂᬍᬭᬂ
ᬚᬦ᭄ᬫᬵᬧ᭄ᬭᬯᬺᬢᬶᬧᬧᬰᬶᬄ᭞ᬦᬾᬫᬦᬦ᭄ᬤᬂᬕᬫ᭄ᬫᬵ᭞ᬕᬫᬦᬾᬫᬮᬸᬧ᭄ᬥᬲᬶᬦ᭄᭞ᬳᬗ᭄ᬕᬾᬫᬃᬕ᭄ᬕᬦ᭄ᬧᬮᬓ᭄ᬱᬡᬦ᭄᭚ᬮᬓ᭄ᬱᬡᬦᬾ᭞ᬦᬾᬗᬯᬦᬂᬳᬮᬵᬩ᭄ᬘᬶᬓ᭄᭞ᬩ᭄ᬘᬶᬓᬂᬗᬺᬲᭂᬧᬂ᭞ᬧᬂᬲᬫ᭄ᬧᬸᬦ᭄ᬓᬸᬘᬧ᭄ᬭᬶᬂᬪᬹ
[᭒᭒ 22A]
ᬫᬶ᭞ᬫᬮᬓ᭄ᬱᬡᬵᬗᬤᬕᬤᬕ᭄᭚ᬤᬕᬶᬂᬳᬶᬧᬸᬦ᭄᭞ᬧᬸᬦᬶᬓᬶᬧᬘᬂᬕ᭄ᬩᬕᬶᬦ᭄᭞ᬕᬶᬦᭂᬂᬭᬶᬂᬮᬓ᭄ᬱᬡᬵ᭞ᬦᬗ᭄ᬳᬶᬂᬫᬗ᭄ᬤᬵᬲᬢ᭄ᬦᬵᬲᬫᬶ᭞ᬫᬶᬢᭂᬢᬶᬦ᭄ᬢ᭄ᬭᬶᬕᬸᬡᬦ᭄ᬤᬯᬓ᭄᭚ᬯᬦ᭄ᬢᬄᬚᬢᬶ᭞ᬢ᭄ᬯᬶᬕᬸᬡᬦᬾᬧᬥ
ᬳᬺᬢᬶᬦ᭄᭞ᬢᬶᬗ᭄ᬕᬮᬂᬲᬫᬢ᭄ᬭ᭞ᬲᬢ᭄ᬯᬭᬚᬄᬢᬫᬄᬳᬶᬓᬶ᭞ᬳᬶᬗᭂᬃᬧᬶᬲᬦ᭄ᬧᬶᬲᬭᬢᬂ᭚ᬤ᭄ᬥᬗᭂᬩᬳᬂ᭞ᬢ᭄ᬭᬶᬕᬸᬡᬵᬦ᭄ᬤᬾᬯᬾᬓ᭄ᬳᬸᬮᬸᬭᬶᬦ᭄᭞ᬧᬢᬹᬢ᭄ᬧ᭄ᬮᬧᬦᬂ᭞ᬢ᭄ᬭᬶᬓᬬᬵᬲᬸᬤ᭄ᬥᬵᬳᬗ᭄ᬕᬾᬦᬶᬦ᭄᭞ᬜᬫ᭄ᬧᬹᬃᬡ᭄ᬦᬵ
ᬳᬶᬭᬚᬄᬢᬫᬄ᭚ᬬᬦ᭄ᬓᬲᬶᬤᬦ᭄᭞ᬫᬗ᭄ᬤᬵᬲᬶᬤ᭄ᬥᬵᬗᬸᬧᬵᬤᬾᬰᬶ᭞ᬓᬤᬃᬫ᭄ᬫᬦᬾᬳᬸᬮᬄ᭞ᬮᬓ᭄ᬱᬡᬬᬂᬫᬭᬶᬂᬪᬹᬫᬶ᭞ᬳᬗ᭄ᬕᬾᬧᬸᬭᬸᬓᬦ᭄ᬓᬯ᭄ᬓᬲ᭄᭚ᬫᬗᬸᬭᬸᬓᬂ᭞ᬧ᭄ᬬᬦᬓ᭄ᬱᭀᬫᬄᬫᬗ᭄ᬤᬵᬳᬸᬦᬶᬂ᭞ᬧᬶᬓᬦ᭄ᬤᬦ᭄ᬫ
ᬜᬤ᭄ᬫᬵ᭞ᬳᬭᬶᬫ᭄ᬩᬯᬦᬾᬮᬫ᭄ᬧᬳᬶᬦ᭄᭞ᬢ᭄ᬭᬶᬓᬬᬵᬲᬸᬤ᭄ᬥᬓᬳᬸᬘᬧ᭄᭚ᬮᬓ᭄ᬱᬡᬦᬾ᭞ᬲᬦᬾᬥᬃᬫ᭄ᬫᬵᬧᬕᬸᬕ᭄ᬯᬦᬶᬦ᭄᭞ᬲᬤ᭄ᬭᬶᬧᬸᬳᬶᬫ᭄ᬧᬲᬂ᭞ᬳᬰᬶᬄᬲᬯᬶᬢ᭄ᬭᬦᬾᬧᬶᬦ᭄ᬭᬶᬄ᭞ᬳᬗ᭄ᬕᬾᬫᬗᬫᭀᬂᬧᬩᬸᬓ᭄ᬢ᭄ᬬᬦ᭄
Page:Bali-lontar-gaguritan-janmaprawreti-02-300ppi.pdf/22
This page has been proofread.
