[᭒᭒ 22B]
᭒᭒
᭚ᬧ᭄ᬮᬧᬦᬂ᭞ᬢᬶᬗ᭄ᬓᬄᬮᬓ᭄ᬱᬡᬵᬦᬾᬓᬶᬤᬶᬓ᭄᭞ᬲᬵᬫ᭄ᬧᬸᬦ᭄ᬫᬗᬸᬗ᭄ᬕᬸᬮᬂ᭞ᬤᬾᬯᬾᬓ᭄ᬧ᭄ᬭᬚ᭄ᬜᬵᬯᬶᬪᬹᬄᬤᬕᬶᬂ᭞ᬢᬦ᭄ᬓᬸᬭᬂᬭᬶᬂᬭᬚᬵᬩ᭄ᬭᬡᬵ᭚ᬢᬦ᭄ᬢᭂᬦ᭄ᬧᬶᬲᬦ᭄᭞ᬓᬓᬾᬗᬶᬦᬂᬭᬶᬂᬧᬫᬃᬕ᭄ᬕᬶ᭞ᬬᬦᬗᬹᬮᬄᬥᬃᬫ᭄ᬫᬵ᭞
ᬫᬤ᭄ᬯᬾᬳᬶᬤᭂᬳᭀᬭᬶᬂᬳᬺᬤ᭄ᬥᬶ᭞ᬗᬸᬗ᭄ᬕᬸᬮᬂᬭᬕ᭄ᬕᬵᬓ᭄ᬯᬶᬩᬸᬳᬦ᭄᭚ᬉᬧᬵᬲᬫ᭄ᬫᬵ᭞ᬓᭀᬘᬧ᭄ᬓᬯᬱ᭄ᬝᬦᬶᬦ᭄ᬩᭂᬘᬶᬓ᭄᭞ᬳᬭᬶᬫ᭄ᬩᬯᬵᬭᬶᬂᬭᬢ᭄᭞ᬧᬸᬦᬶᬓᬦᬾᬧᬢᬸᬢ᭄ᬳᬶᬲ᭄ᬢᬶ᭞ᬢᬶᬮᬶᬗᬂᬤᬶᬚ᭄ᬭᭀᬦᬶᬂᬫᬦᬄ᭚ᬫᬫᬹᬃᬡ᭄ᬦᬬᬂ᭞ᬧ
ᬜ᭄ᬘᬾᬦ᭄ᬤ᭄ᬭᬶᬬᬦᬾᬮᬸᬫᬶᬦ᭄ᬤᬶᬄ᭞ᬲᬢ᭄ᬭᬸᬦᬾᬭᬶᬂᬤᬯᬓ᭄᭞ᬤᬰᬾᬦ᭄ᬤ᭄ᬭᬶᬬᬵᬦᬾᬫ᭄ᬭᬶᬬᬸᬓᬶᬦ᭄᭞ᬧᬸᬦᬶᬓᬵᬕᭂᬩᬕ᭄ᬫᬭᬶᬬᬂ᭚ᬬᬦ᭄ᬓᬲᬶᬤᬦ᭄᭞ᬧᬹᬃᬡ᭄ᬦᬵᬳᬶᬦ᭄ᬤ᭄ᬭᬶᬬᬦᬾᬓᬶᬤᬶᬓ᭄᭞ᬧᬢᬹᬢ᭄ᬧᬳᬸᬭᬸᬓᬂ᭞ᬭᬕᬦᬾᬫ
ᬲᬶᬄᬧ᭄ᬮᬚᬳᬶᬦ᭄᭞ᬰᬶᬮᬵᬓ᭄ᬭᬫᬦᬾᬧᬶᬦᭂᬳᬂ᭚ᬧᬜ᭄ᬘᬾᬦ᭄ᬤ᭄ᬭᬶᬬᬵ᭞ᬧᬜ᭄ᬘᬥᬃᬫ᭄ᬫᬵᬗ᭄ᬕᬾᬦ᭄ᬦᬦ᭄ᬤᬶᬗᬶᬦ᭄᭞ᬫᬗ᭄ᬤᬵᬲᬶᬤ᭄ᬥᬵᬧᬹᬃᬡ᭄ᬦᬵ᭞ᬲᬭᬢᬂᬫᬰᬶᬄᬫᬶᬢᭂᬢᬶᬦ᭄᭞ᬳᬺᬢᬂᬲᬲᬶᬤ᭄ᬥᬵᬲᬶᬤ᭄ᬥᬦ᭄᭚ᬤᬰᬾᬦ᭄ᬤ᭄ᬭᬶᬬᬵ᭞ᬤᬰᬵᬥᬃ
[᭒᭓ 23A]
ᬫ᭄ᬫᬵᬗ᭄ᬕᬾᬦ᭄ᬦᬦ᭄ᬤᬶᬗᬶᬦ᭄᭞ᬤᬰᬰᬶᬮ᭄ᬫᬶᬯᬄ᭞ᬧᬜ᭄ᬘᬰᬶᬮᬵᬦᬾᬯᬲ᭄ᬯᬲᬶᬦ᭄᭞ᬧᬢᬹᬢ᭄ᬳᬗ᭄ᬕᬾᬮ᭠ᬓ᭄ᬱᬡᬬᬂ᭚ᬬᬦ᭄ᬢ᭄ᬯᬄᬲᬶᬤ᭄ᬥᬵ᭞ᬫᬢᬺᬫᬢᬺᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬢᬢᬲᬶᬂᬮᬓ᭄ᬱᬡᬵ᭞ᬲᬲᬦ᭄ᬤᬶᬗᬦ᭄ᬤᬤᬶᬚᬦ᭄ᬫᬶ᭞ᬩ᭄ᬭ
ᬢᬵᬦᬾᬫᬗ᭄ᬓᬶᬦ᭄ᬳᬾᬱ᭄ᬝᬶᬬᬂ᭚ᬤᬾᬦᬶᬂᬓ᭄ᬢᬄ᭞ᬓᬲᬶᬦᬫ᭄ᬩᬢ᭄ᬚ᭄ᬭᭀᬦᬶᬂᬳᬸᬭᬶᬧ᭄᭞ᬬᬦ᭄ᬫᬦᬦ᭄ᬤᬵᬂᬕᬫ᭄ᬫᬵ᭞ᬢᬧᬵᬩ᭄ᬭᬢᬵᬫ᭄ᬯᬂᬲᬵᬫᬤ᭄ᬥᬶ᭞ᬓᬳᬗ᭄ᬕᬾᬤᬲᬃᬮᬓ᭄ᬱᬡ᭄ᬦᬵ᭚ᬦᬾᬉᬢ᭄ᬢᬫᬵ᭞ᬧᬶᬦ᭄ᬭᬶᬳᬂᬧᬳᬸᬭᬸᬓᬶᬦ᭄᭞ᬧ
ᬢᬹᬢ᭄ᬲᬓᭀᬮᬳᬂ᭞ᬢᬸᬦᬲᬂᬭᬶᬂᬕᬸᬭᬸᬤ᭄ᬥᬶ᭞ᬫᬗ᭄ᬤᬵᬢᬢᬲ᭄ᬢᭂᬓᬾᬦ᭄ᬓᬦ᭄ᬤᬵ᭚ᬧᬶᬓᬦ᭄ᬤᬦᬶᬂ᭞ᬦᬸᬫᬶᬢᬶᬲ᭄ᬫᬦ᭄ᬤᬤᬶᬚᬦ᭄ᬫᬶ᭞ᬧ᭄ᬭᬯᬺᬢᬶᬭᬶᬂᬚᬕᬢ᭄᭞ᬫᬕᬫ᭄ᬫᬵᬢᬸᬫ᭄ᬩᬸᬄᬤᬶᬩᬮᬶ᭞ᬫᬯᬶᬢ᭄ᬲᬓᬶᬂᬧᬜ᭄ᬘᬬᬚ᭄ᬜᬵ᭚ᬰᬶᬯ᭄ᬯᬵᬩᬸ
ᬤ᭄ᬥᬵ᭞ᬧᬤᬡ᭄ᬥᬦᬾᬗᬫᬃᬕ᭄ᬕᬶᬦᬶᬦ᭄᭞ᬢᬶᬗ᭄ᬓᬳᬶᬂᬮᬓ᭄ᬱᬡᬵ᭞ᬧᬸᬚᬵᬲᬫᬺᬢᬶᬦᬶᬂᬳᬚᬶ᭞ᬦᬾᬓᬗ᭄ᬕᬾᬫᬫᬸᬢᬸᬲ᭄ᬬᬵᬚ᭄ᬜᬵ᭚ᬓᬯᬱ᭄ᬝᬵᬦᬦ᭄᭞ᬰᬰᬦᬦ᭄ᬚᬦ᭄ᬫᬵᬧ᭄ᬭᬯᬺᬢᬶ᭞ᬦᬾᬫᬗᬹᬧᬵᬤᬾᬰᬵ᭞ᬫᬧ᭄ᬭᬓᬺᬢ᭄ᬢᬶᬫ
Page:Bali-lontar-gaguritan-janmaprawreti-02-300ppi.pdf/23
This page has been proofread.
