[᭙ 9B]
᭙
ᬧᬶᬲᬦ᭄᭞ᬳᬶᬧᬸᬦ᭄ᬲᬓᬶᬢ᭄᭞ᬲᬸᬯᬾᬘᬬᬂᬩᬯᭀᬲᬶᬦ᭄ᬧᬶᬲᬦ᭄᭚ᬳᬶᬫᬗ᭄ᬓᬸᬓᭂᬜᭂᬫ᭄ᬳ᭞ᬦᬾᬂᬦᬾᬂᬗᬦ᭄ᬩᬳᬗᬸᬘᬧ᭄᭞ᬦᬄᬢᬸᬦᬲᬂᬚᬦᬶᬤᬶᬦᬶ᭞ᬤᬓ᭄ᬱᬶᬦᬦᬾᬢ᭄ᬯᬄᬤᬩ᭄ᬤᬩᬂ᭞ᬧᬶᬧᬶᬲ᭄ᬜᬦᬾᬧᬶᬢᬸᬂᬳᬢᬸᬲ᭄᭞ᬳᬶᬓᭂᬢᬸᬢ᭄ᬳ
ᬮᭀᬦ᭄ᬳᬗᬸᬘᬧ᭄᭞ᬲᬫ᭄ᬧᬸᬦ᭄ᬩᭂᬘᬶᬓ᭄ᬚᬶᬦᬄᬲᬮᬓᬯᬮᬦ᭄ᬜ᭚ᬳᬶᬫᬗ᭄ᬓᬸᬦᬾᬗ᭄ᬓᬾᬗᬦ᭄ᬳᬗᬸᬘᬧ᭄᭞ᬤ᭄ᬬᬧᬶᬦ᭄ᬓᬾᬢᭀᬫᬲᬶᬄᬤᬤᬶ᭞ᬦᬄᬘᬳᬶᬤᬶᬦᬶᬧᬳᭂᬓᬂ᭞ᬳᬧᬂᬘᬳᬶᬲ᭄ᬮᬄᬗᬭᬸᬗᬸ᭞ᬯᬘᬦᬦ᭄ᬳᬶᬤᬩᬝ
ᬭ᭞ᬢᬶᬢ᭄ᬬᬂᬗᬶᬭᬶᬂ᭞ᬳᬶᬓᭂᬢ᭄ᬜᭂᬫ᭄ᬧᬮ᭄ᬫᬲᬶᬮᬵ᭚ᬳᬶᬫᬗ᭄ᬓᬸᬜ᭄ᬫᬓ᭄ᬧᬲᭂᬧᬦ᭄᭞ᬫᬳᬢᬹᬃᬳᬢᬹᬃᬓᬯᬶᬤᬶ᭞ᬭᬢᬸᬧᬤᬸᬓᬩᬝᬭ᭞ᬲᭂᬧ᭄ᬬᬦᬾᬫᭀᬓᬲ᭄ᬫᬢᬹᬃ᭞ᬢᬸᬭᬸᬦ᭄ᬳᬶᬭᬢᬸᬫᬮᬶᬗ᭄ᬕᬶᬄ᭞ᬮᬦᬂ
[᭑᭐ 10A]
ᬳᬶᬢ᭄ᬭᬶ᭞ᬫᬮᬶᬗ᭄ᬕᬫᬮᬶᬗ᭄ᬕᬶᬄᬭᬶᬂᬧᬲᬫ᭄ᬯᬦ᭄᭚ᬪᬝᬭᬳ᭄ᬬᬂᬤᬗᬶᬦ᭄ᬚᬸᬭᬂ᭞ᬪᬝᬭᬳ᭄ᬬᬂᬤᬦ᭄ᬩᬸᬓᬶᬢ᭄᭞ᬩᬝᬭᬳ᭄ᬬᬂᬤ᭄ᬮᭀᬤ᭄ᬲᬕᬭ᭞ᬪᬝᬭᬳ᭄ᬬᬂᬤᬯᬸᬄᬧᬗ᭄ᬓᬸᬂ᭞ᬢᬸᬭᬸᬦ᭄ᬳᬶᬭᬢᬸᬲᬫ᭄ᬬᬦ᭄᭞ᬫᬫᬯᭀᬲᬶ᭠
ᬦ᭄ᬧᬺᬫᬲᬾᬓᬩᭂᬩᭂᬢᬦ᭄᭚ᬲᬸᬯᬸᬤ᭄ᬫᬢᬸᬃᬳᬬᬫᬗᬸᬦ᭄ᬤᬧ᭄᭞ᬮᬯᬸᬢ᭄ᬗᭂᬢᭀᬃᬕᬺᬧᬢ᭄ᬕᬺᬚᬶᬢ᭄᭞ᬳᬶᬓᭂᬢᬸᬢ᭄ᬦᭂᬮᭂᬢᭂᬓᬂᬧᬶᬲᬦ᭄᭞ᬓᭂᬓ᭄ᬬᬫᬦᭂᬓᭂᬧ᭄ᬩᬸᬗᬸᬢ᭄᭞ᬚ᭄ᬭᭀᬫᬗ᭄ᬓᬸᬚᬦᬶᬓᬢᬧᬓ᭄
ᬢᬶᬢ᭄ᬬᬂᬢᬦ᭄ᬳᬸᬦᬶᬂᬳᬶᬗ᭄ᬕᬶᬄᬭᬭᬶᬲᬂᬍᬚᬭᬂ᭚ᬳᬶᬫᬗ᭄ᬓᬸᬗᭂᬚᬂᬧᬲᭂᬧᬦ᭄᭞ᬓᬾᬦᬾᬲᭂᬧ᭄ᬬᬦ᭄ᬦᬾᬦᬾᬚᬦᬶ᭞ᬳᬶᬭᬗᭀᬭᬳᬂᬦᭂᬮᬳᬂ᭞ᬳᬶᬓᭂᬢᬸᬢ᭄ᬭᬭᬶᬲ᭄ᬳᬸᬫᬢᬸᬃ᭞ᬍᬚᬭᬂᬭᬢᬸᬍᬚᬭᬂ᭞ᬇ᭠
Page:Bali-lontar-gaguritan-ketut-bangun-300ppi.pdf/10
This page has been proofread.
